1 Samuele 7:6 - Mawu a Mulluku

⁶ Vano yaatthukumana o Mizipa. Yaarika maaddi enawiithella vatthi mooveka wi Apwiya yaakhululukelle enahalla ocha* nllapo nittheene. Yaanallota wi, “Nohaachimwella Apwiya.” Tti o Mizipa nko Samuele eeruzelleeyewo millatu dda Aisraele.

1 Samuele 7:6 Iomraidhean Croise

Genesis 31:49

Labani aallotattho wi, “Apwiya eniwehere eellihi naahiyanaka.” Sika nipuronno yaaniromollattho Mizipa.

2 Samuele 14:14

Vallethi maaddi yatathiya khenawolleya. Nave attheene nineerokhwa. Mulluku khanapaalla wi okumi wa muthu otathiye koma anakhoza ettilla yawi awiikarihiwooyo ahokollowe.

1 Mamwene 8:47

Vano eri wuukaporoninko yaadduwella ochimwa wiwa erukunuwa murima ni oveka wa nyuwaano mwawiiyeviha mu ellapo ya athu ayo yaaphanre okaporo, voollotani wi, ‘Noochimwa, noohollowa, noheera ddoonanara.’

1 Epilli 11:18

Vano athu araru amasivaalle yaakhwaranya misasa dda Afilisti nave yaarika maaddi veehimeni ya Betelehemu eyo yaari vakhuviru ni va mullako valle. Nave yaakusa maaddaayo ewaana wa Davide. Koma Davide khaawiryalle maaddaayo, aawiithella muthaani wonanko yoovelleella wa Apwiya.

2 Epilli 20:3

Vaavo Yehoshafati ahoova nave aaganiza wi aaveke Apwiya ezeru ni ollalleya wi athu attheene a o Yuda ehalle ocha.

Nehemiya 9:27

Sika mwahaavelleella wa adaniiwa ayo yaahoosa. Voohoosiwani yaaninllella wa nyuwaano nave mwaanawiiwa ovenyera oddullu. Nave ekaamba ya echifundwaanyu yuullupalli mwaanaavaha oohoollella ayo yaavullusa m'mattani mwa adaniiwaayo.

Yobu 16:20

Akhwaaka emmakinyindulla, miitthwaaka enarupa miitthori omwinllella Mulluku.

Yobu 3:24

Vawi miitthori sika yoochaaka, wiipullella waka khonamalla.

Yobu 33:27

Vano muthooyo aneerewiipa wa amodda wi, Kaachimwa, ngeenre ddoolungama koma ngaahokolloselliwe moollikana ni mitteko ddaka.

Yobu 40:4

“Ddawoona, miyaano kheello! Ethiyo ttuuwaakhullani tini? Khayiivo, muwano mookumma.

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

Masalimo 106:6

Hiyaano noochimwa wonanko makhollwaahu, noheera ddoonanara, noolakwa.

Masalimo 119:136

Miitthwaaka ennetellella miitthori wonanko muhinje, kaambiiwa athu khenathwara malamulwaanyu.

Masalimo 42:3

Winlla sika yoochaaka otthaana ni mahiiyu, athu ennakittheya voollotani wi, “Mullukwaawo ari wuuwi?”

Masalimo 6:6

Kootopana wiipullella, erive mahiiyu kinnanaaniha yoohameella murwaaka ni miitthori. Kinnaddalliha maaddi vookona vaka ekaamba ya winlla waka.

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Yeremiya 31:19

Vano vawi noorukunuwa, ninnamoriwa ethakaraka. Vawi noohuddera, ninnadduukutha vakhakaddani. Noowulliwa muru nave noonyaambusiwa, ekaamba ya machimwaahu naariihu asombwe.’

Yeremiya 36:9

Va mweeri waneetthanu ni sese wa muyakha waneetthanu wa omwene wa Yehoyakimu mwaana a Yosiya mwene a o Yuda, athu attheene a o Yerusalemu ni attheene yavenyenre o mizinda dda Yuda yahiiwanana dda ohalla ocha wi yaapepese Apwiya.

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Maliro 2:11

Miitthwaaka aatopa ni winlla, murimaaka woohoowa wunchichi. Murimaaka wooddalla ni ethakaraka, ekaamba yawi athwaaka ahoonongeya. Anamwani ni avanipelleniine enimangomowa m'misewuni dda m'mizindani.

Maliro 3:49

Kineeromora miitthori moohiphaddera navettho moohiithuwella

Maliro 5:16

Enduwiraahu yoomora omuruni, ootulli hiyaano vawi noochimwa.

Ezekiele 20:4

“We mwaana a muthu, ethiyo wohaakhullella wi oweeruze? Ethiyo oneerokamulla millatu ddiwa? Vanothi waatthopoollelle ddoonanara yeerille makhollwiiwa.

Hoseya 5:1

Nyu allupa mukutho, apellani maaru! Nyu Aisraele attheene, iwani. Nyu a mu nibanja noomwene, reyaani naaru! Mawaaka oollaka eneerewuumorellani ekaamba yawi nyuwaano mwakhanlle wonanko mullapa o Mizipa apaalle mureyille nthavi o mwaango wa Tabori.

Yowele 2:12

Koma naari ollellova, Apwiya enallota wi, “Lapani nave muhokollweelle wa miyaano ni murimaanyu muttheene. Hallani ocha, inllani ekutho ni omoriha ethakaraka.

Levitiko 16:29

“Nenno nikhalle lamulo nanyu na wa enthawi yoohimalla wi mweeri waneetthanu ni piilli, va nllapo naneekhumi na mweeri, muhalleke ocha nave muhiphareke orive mutteko, nyu Aisraele navettho mulleto ookhalla variyari vanyu.

Levitiko 26:40

“Vano edduullu ddanyu ddineerowulula machimwiiwa ni machimo a makhollwiiwa ekaamba ya ohiroromelleya wiwa nko yakillekilliiwana navettho ekaamba ya weeta moovaanyihana ni miyaano.

Luka 15:18

Kineerotimulla kiye wa attiitthaaka kallote wi, Attiitthaaka, kaamuchimwella Mulluku ni nyuwaano.

Yoswa 18:26

Mizipa, Kefira, Moza,

Oweeruza 10:10

Vano Aisraele yahinllella wa Apwiya wi, “Nohuuchimwellani vawi nohuuhiyani nyu Mullukwaahu nave nohaarumeyella Abaala.”

Oweeruza 10:15

Vano Aisraele yaallota wa Apwiya wi, “Iyaayi, hiyaano noochimwa, neerelleni erive ello eyo enuuddivellani. Koma pepaani ninuuvekani wi munivulluse ollellove vaava.”

Oweeruza 2:4

Mungelooyo allotille mawu yaalla wa Aisraele attheene, athwaayo yahaamba okhuwa ni winlla.

Oweeruza 20:23

Vano Aisraelaayo yaaya yinlla vamiitthoni va Apwiya ophiyera misikuwa. Yahaakoha Apwiya wi, “Ethiyo niyeewo wiilli wi nawane ni Abenjamini, abalaahu?” Apwiya yahaakhulla wi, “Ee khaweni mwawanena.”

Oweeruza 20:26

Vano athu attheene, sika wi mulloko wa athu akhoto muttheene waaya o Betele wi winlle. Yaakeraatthi vamiitthoni va Apwiya, ehalla ocha* nllapo nenno ophiyera misikuwa nave yaavelleella mukutho wooshellelliha ni mukutho wa eyaattano vamiitthoni va Apwiya.

Oweeruza 3:10

Munepa wa Apwiya waakitthella mwa olliyooyo nave aatthattuwa oweeruza Aisraele nave aaya awana ekhoto nave Apwiya yaamuvelleella m'mattani mwaye Kushani Rishataimu, mwene a o Mesopotamiya.

1 Samuele 1:15

Koma Hana aamwaakhulla wi, “Mi Apwiya ngimuwiryalle vinyo apaalle yoowirya yoowalli. Kinamoriwa ethakaraka yinchichi vawi kookhalla kinllellaka wa Apwiya ekaamba ya ethakaraka ddakanndda kivekellaka wa Apwiya waakuthullella ddookatamiha kiriimina.”

1 Samuele 10:17

Vano Samuele aawiithana athu o mutthukumano wa mallapello o Mizipa.

1 Samuele 12:10

Vano alliwaayo yaavekella wa Apwiya wi, ‘Hiyaano noochimwa kaambiiwa nohuuhiyani nyu Apwiya, ninarumeyella mafano a Baala ni Ashitaroti. Koma vano nivulluseni wa adanaahu nave nineerewuurumeyellani.’

1 Samuele 7:15

Samuele ahaahoollella Aisraele okumaaye muttheene.