1 Samuele 7:2 - Mawu a Mulluku

² Nibokosi na echipangano na Apwiya naakhalla o Kiriyati Yearimu enthawi yoorekama, miyakha 20. Enthawi ettheeneella Aisraele attheene yaanawinllella Apwiya wi yaakavihere.

1 Samuele 7:2 Iomraidhean Croise

1 Epilli 13:3

Vano hankoni niweenattho nibokosi na echipangano na Apwiya vawi khenaanipwathille va enthawi ya Saulo.”

1 Epilli 13:5

Sika Davide ahaatthukumaniha Aisraele attheene ovenyera o muhinje wa Shihori o Iguputo ophiya o mullako wa Hamati wi eweena nibokosi na echipangano na Mulluku ovenyera o Kiriyati Yearimu.

Yeremiya 26:20

Vaakhallattho muthu mmodda oyo allotella munnddina na Apwiya, nnddina naye naari Uriya mwaana a Shemaya a o Kiriyati Yearimu. Olliye aallotellattho dda woonongeya wawoopiha nko onaamorelle muzindoolla ni ellapweella wonanko mmo eerelle Yeremiya.

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yeremiya 31:9

Eneerohokollweella owaniwa yinllaka nave evekellaka, miyaano kaawaahoollellaka mweechifundo. Kineerewahoollella o mihinje ddooddalla ni maaddi, khekwakwatuwa, ettilla ddiwa ddinaakhalle ddoomwaramwareya. Mi tti attiitthinnya a Israele, Efuremu tti mwanaka awaamba.”

Mateyu 5:4

Oodalisiwa tti ayo enoopa ekutho vawi Mulluku aneerewaallipiha murima!

Yoswa 9:17

Vano Aisraele yaavenya eya owaniwa wa athwaayo nave omuroto wiwa yaaphiya o mizinda ddiwa nnddo ddaari Gibiyoni, Kefira, Beeroti ni Kiriyati Yearimu.

Oweeruza 2:4

Mungelooyo allotille mawu yaalla wa Aisraele attheene, athwaayo yahaamba okhuwa ni winlla.

1 Samuele 7:1

Athu a o Kiriyati Yearimu yaaya yakusa nibokosi na echipangano na Apwiya eyaana o enyumba ya Abinadabu vamwaangoni. Yaamupatula mwanaye, Eleazara wi akhalle oowehera nibokosinno.

1 Samuele 7:3

Vano Samuele ahaalleella Aisraele attheene wi, “Mwaapaallaka ohokollweella wa Apwiya ni murimaanyu muttheene, muvenyihe milluku ddeelleto ni dda Ashitaroti variyari vanyu. Murimaanyu muttheene okhalle va Apwiya ni waarumeyella alliwave. Mweeddiiddo eneerewuuvullusani wa Afilisti.”