1 Samuele 7:12 - Mawu a Mulluku

¹² Enre ddiiddo, Samuele aakusa nlluku aniimesa variyari va Mizipa ni Shene aninnya nnddina nawi Ebenezeri ottaphullella wi, “Nlluku na nikavihero,” Vawi aallota wi, “Ophiyera ollello Apwiya ennanikavihera.”

1 Samuele 7:12 Iomraidhean Croise

Genesis 22:14

Nipuronno Abrahamu aanivaha nnddina nawi, “Mulluku annavaha.” Sika ophiyera ollello vineeriwa “Vamwaangoni wa Apwiya ennavaha.”

Genesis 35:14

Yakobo ahiimesa nlluku na yawuupuwella va nipuro nenno. Aavelleella mukutho wayoowirya vanllukunimvo nave aanizoza ni makhura.

Masalimo 71:17

Nyu Mulluku, mookihuddiha waambeella enamwanaaka, ophiyera ollello kinnallalleya mitteko ddanyu ddoottikhiniha.

Masalimo 71:6

Mookiseera, waambeella eyariwellwaaka, mwaakikhumiha m'murimani mwa amoowaaka, kinnuutitimihani nyuwaano erive enthawi.

Eksodo 17:15

Nave Mose aamaka nikuwa aanivaha nnddina nawi, “Apwiya sika embenderaaka.”

Yesaya 19:19

Nllapo nenno muwari mwa ellapo ya Iguputo muneerokhalla nikuwa na Apwiya nave vakhuviru ni malire vineerokhalla nlluku na yawuupuwelliha Apwiya.

Mitteko 26:22

Nave ophiyera ollello Mulluku sika akikavihere nave kiimenlle vaava ovelleella omboni wa athu attheene, attekweene ni aniiwa. Kinalloteeminndda ddaallotiwattho ni anamallotella owaaka Mose wi ddineereweereya,

2 Akorinto 1:10

Aanivullusa ovenyera o ddawoopiha dda okhwa nave aneeronivullusattho nave etiyerellwaahu eri mwa olliye wi aneeronivullusattho wiilli.

Yoswa 4:9

Yoswa ahiimesa malluku khumi ni meelli yaari variyaririyari va muhinje wa Yordani, vanipuroni valle viimellille allupa mukutho ootukhulla nibokosi na echipangano na Apwiyaalle. Malluku yaalla aakhallawo ophiyera ollello.

1 Samuele 14:35

Vano Saulo ahaamakella Apwiya nikuwa. Nna naari nikuwa naye nawaamba waamakella Apwiya.

1 Samuele 4:1

Mawu a Samuele yaaphiya wa Aisraele attheene. Vano Aisraele yaaya yawanaka ekhoto ni Afilisti. Yaamaka misasa ddiwa o Ebenezeri nave Afilisti yamakille o Afeki.

1 Samuele 5:1

Afilisti yaakhilliiwa nibokosi na echipanganonno, yaanitukhulla ovenyera o Ebenezeri ophiyana o Ashidodi.

1 Samuele 7:11

Vano Aisraele yaakhuma o Mizipanko enawiikariha Afilistaayo, waakhwaranyiha o Betakera, ewiiphaka m'musewuni mutthemwene.