1 Samuele 7:1 - Mawu a Mulluku

¹ Athu a o Kiriyati Yearimu yaaya yakusa nibokosi na echipangano na Apwiya eyaana o enyumba ya Abinadabu vamwaangoni. Yaamupatula mwanaye, Eleazara wi akhalle oowehera nibokosinno.

1 Samuele 7:1 Iomraidhean Croise

1 Epilli 13:3

Vano hankoni niweenattho nibokosi na echipangano na Apwiya vawi khenaanipwathille va enthawi ya Saulo.”

Masalimo 132:6

Nahiiwa dda nibokosi na echipangano o Efurata, naaniphwanya mu emata dda o Yaara.

Yesaya 52:11

Khumani, khumani, venyaniwoni mwawaakuva o Babiloninko, muhittannye ello yooripihiwa! Nyu ootukhulla eziwiya ddoopatulelliwa Apwiya, khumani, ddeelliheni.

Yoswa 18:14

Nave maliraayo yahaapheella oyeella woovollowa nndduwa omwera, ovenyera o mwaango vahoollo va Betehoroni omwera wiwa yakhumellella o muzinda wa Kiriyati Baala (wooromolliwa Kiriyati Yearimu), muzinda wa nlloko na Yuda, woovollowa nndduwa.

Yoswa 9:17

Vano Aisraele yaavenya eya owaniwa wa athwaayo nave omuroto wiwa yaaphiya o mizinda ddiwa nnddo ddaari Gibiyoni, Kefira, Beeroti ni Kiriyati Yearimu.

1 Samuele 6:21

Vano yaarumiha othenga wa athu a o Kiriyati Yearimu waalleella wi, “Afilisti aahokollosa nibokosi na echipangano na Apwiya, waawoni munikuse muyeena owaninyunko.”

1 Samuele 7:2

Nibokosi na echipangano na Apwiya naakhalla o Kiriyati Yearimu enthawi yoorekama, miyakha 20. Enthawi ettheeneella Aisraele attheene yaanawinllella Apwiya wi yaakavihere.