1 Samuele 5:3 - Mawu a Mulluku

³ Osaka wene athu a o Ashidodi evenyaka ohinase yaamoona Dagoni iikuhalle moopopheya ekhovaaye vatthi vahoollo va nibokosi na echipangano na Apwiya. Vano athwaayo yaamuvenyiha emwiimesa vanipuroni vaye.

1 Samuele 5:3 Iomraidhean Croise

1 Mamwene 18:26

Alliwa yaamukusa nankhoro oyo yavahiwiiwa, emwiipha. Vano yaavekella mu nnddina na Baala mookhuwa, ovenyera ohinase ophiyera otthaana voollotani wi, “Nyu Baala, naakhulleni.” Anamallotella a Baalaayo yaaniina waapheella nikuwa nno yamakilliiwa koma khaarivo awaakhullalle.

Masalimo 115:7

Aakhalla ni matta koma yattannya ello kheyiivo eniiwiiwa, aakhalla ni meto koma kheneeta, khenakhumiha mawu naari vang'ono okohi wiwa.

Masalimo 97:7

Attheene oollapella milluku ddawoottha, awiitikhulla ni mafano oohikhalla ni mutteko, ennawullihiwa muru. Nyu milluku ddittheddene, akokhorelleni Apwiya.

Eksodo 12:12

“Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Yesaya 19:1

Nngu sika ollotella wa dda Iguputo. Apwiya aawella va murapo woothamaka oya o Iguputo. Mafano a o Iguputo eneerotthukumella vamiitthoni viwa nave mirima ddiwa ddineerotthomowa ekaamba ya woova.

Yesaya 40:20

Oohoowa annatthoolla ovelleella muteekho woohunttellavo, annamwaashaasha eeruso wi ampangelle nifano noohimora.

Yesaya 41:7

Eeruso ya matabwa annamullipiha murima oomweeka golide, oopotokosa nifano ni hamala annamullipiha murima ootthatta vanllukuni noohanella, ollota dda oowooserera enallota wi, ‘Ddookhalla phaama.’ Vatulli viwa annanikhomella nifanonno wi nihimore.

Yesaya 46:7

Enniireya vamathurini viwa, ennamuhiya vamapuroni vaye immella vaavo, khanawora osusavo. Mmodda avekella wa khamwaakhulla apaalle omuvullusa o ddoohoosa.

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.

Mariko 3:11

Nave minepa ddoonanara ddamoona Yesooyo, ddaanamorella vatthi ddikhuwaka wi, “We sika Mwaana a Mulluku!”

1 Samuele 6:1

Nibokosi na echipangano naakhalla mu ellapo ya Afilisti miyeri mitthanu ni miilli.

1 Samuele 6:5

Vano mupange maphwanaphwaniho a etthuku ni a amuthoro ayo enoononga mwiillaponi mwanyu nave mumutitimihe Mulluku a Aisraele. Mwaamodda eerohiya wuullakani nyuwaano ni milluku dda mwiillaponi mwanyu.