1 Samuele 2:9 - Mawu a Mulluku

⁹ Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.

1 Samuele 2:9 Iomraidhean Croise

Yobu 18:18

Eneeromukakha omuvenyiha mu owala eneeromwiikariha mwiillaponi yookhallamo athu.

Yobu 40:13

Attheenaayo waavuhellelle munthupini, waamake mu ellapo ya ookhwa.

Yobu 5:16

Sika annaavaha etiyerello oohoowa, annawalla eyano ya oonanara.

Yobu 5:24

Enyumbaawo eneeroddalla ni murendelle, eziweto ddawo kheddirimeella.

Masalimo 1:6

Apwiya ennapwatha meetello a athu oolungama koma ettilla ya athu oochimwa eneerewoonongeya.

Masalimo 105:37

Vano yahaakhumiha Aisraele emukusalle siliva ni golide, variyari va mallokwiiwa khaavo oyo akukhumuwalle.

Masalimo 121:3

Khewa yaakhullella wi nnyallo nawo niserenguwe, oyo anuuteteza khawa akwindima.

Masalimo 121:5

Apwiya sika awuutetezaawo, Apwiya sika muuthuuchaawo wa o nnattanatta nawo.

Masalimo 121:8

Apwiya eneerewuupwatha vookhumani ni voovollowani waambeella ollello wa enthawi yoohimalla.

Masalimo 145:20

Apwiya ennaateteza attheene owaakonda koma oonanara attheene eneerowoononga.

Masalimo 31:17

Nyu Apwiya, muhinaakhullella wi kiwulliwe muru, kaambiiwa kinavekella wa nyuwaano. Koma athu oonanara sika enaawulliwe muru, eye onipuroni na ookhwa ehinna yoollota.

Masalimo 37:28

Apwiya ennakonda echilungamo, kheyaahiya athwiiwa oororomelleya, eneerewaasunga wa enthawi yoohimalla, koma eneerowoonga athu oonanara.

Masalimo 94:18

Kaganizeemi wi, “Nnyallo naka ninnaserenguwa,” echikondaanyu yoohisintheya yaakiseera.

Masalimo 97:10

Apwiya ennaakonda athu awiitana ni ddoonanara, ennasunga okumi wa athwiiwa oororomelleya, ennaavullusa m'mattani mwa athu oonanara.

Miyambo 16:9

Muthu annaganizera ettillaaye koma Apwiya ennookollella manyallwaaye.

Miyambo 2:8

Apwiya ennateteza ettilla dda oolungama nave ennaawehera oororomelleya.

Miyambo 3:26

Apwiya sika enaakhalle eroromellwaawo, eneerosunga nnyallo nawo wi nihaange.

Oollalleya 5:17

Mallapwaaye mattheene okumaaye waaddalla ni epiphi, ethakaraka, ereta ni osha murima.

Oollalleya 9:11

Kohoonattho vatthimva wi oopambana voothamakani khe yaayove enathamaka wunchichi, oopambana vakhotoni khe yaayove enallipa, ookhalla ni yoocha khe yaayove eri ni ezeru, eeyuuma khe yaayove edduwenlle ddinchichi nave khe yaayo enakondelliwa eri ni eruso. Attheenaayo ekari enaamorella va enthawiiwa.

Yesaya 27:3

“Mi Apwiya sika mulonda a emateeyo, enthawi ddittheddene kinnayihellella. Kinnayiwehera otthaana ni mahiiyu wi ahikhallevo ooyoononga.

Yesaya 47:5

Anamulleella Babiloni wi, “We namwalli Babiloni, era ellapo tuu ni ovollowa mwiipiphini, khewa yuuromollattho mwene aamutthiyana a moomwene.

Yeremiya 8:14

Athu enakoha wi, “Kaambiiwa tini nineeriiwa moona okeraatthi? Hankoni attheene vamodda nithawelle o mizinda dda mipanda nakhwelle wenko. Apwiya Mullukwaahu aakamulla mullatu wi noophwanella okhwa aaniwiryiha maaddi anttipwi kaambiiwa nohaachimwella.

Yeremiya 9:23

Apwiya enallota wi, “Muthu eezeru ahiitukhulle ni ezeru ddaye, naari muthu amasiva ni masivaaye, naarittho muthu eeyuuma ni eyuumaaye.

Nahumu 1:8

Koma ni maaddi a echigumula eneerowoononga adaniiwa, ennawiikarihella o nipuro na epiphi.

Zefaniya 1:15

Nllapo nenno ninaakhalle nllapo noosha murima, nllapo na ddookatamiha ni na ddoohoosa, nllapo nawoonongeya ni otthollowa, nllapo neepiphi yuullupalli, nllapo namirapo ddoottika,

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Numeri 6:24

“Apwiya yuudaliseni nave yuusungeni.

Mateyu 8:12

Nave ayo yaaphwanenlle ovollowa mu omwene eneerovokhiwa mu epiphi ya woowallamella, wenko eneerekewinlla ni okhuuriha miino.”

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Deuteronomo 33:3

Apwiya ennaakonda athwiiwa oopatuleyiiwa attheene eri m'mattani mwiwa. Athwaayo ekeraatthille vatthi, enahuddera mawiiwa,

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

2 Petro 2:17

Athu yaalla tti wonanko neetuutu oohikhalla ni maaddi navettho wonanko mirapo ddooweetihiwa ni ephevo yuullupalli. Mulluku oohaasungella nipuro niwa mu epiphi yooripesesa.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

Yuda 1:13

Ddaweera ddiwa ddoowulliha muru ddinooneya wonanko niphoru na mafunde awoopiha a va enyanja. Tti wonanko etheneeri ddaweeteeta nave Mulluku ohaasungella nipuro na epiphi yooripa yoohimalla.

Yuda 1:3

Akhwaaka ookondiwa, kaapaallesesa wuulembellani dda ovullusiwa nko attheene nirinaahu mwa Yesu Khrisitu. Koma kahoona wi tti waphaama wuulembellani vano wi kuuvekeni wi mullipanena oteteza echikhulupililo eyo Mulluku aavahilleeye athwaaye aweella omoddave wenko.

1 Samuele 25:26

Vano apwiyaaka, tti Apwiya ayo yuuvaanyihalleni wi muhiwiiphe adanaanyu ni mattaanyu. Kinnallupella vamiitthoni va Apwiya wi adanaanyu attheene enapaalla oweerellani yoonanara ellakiwe wonanko Nabala.