1 Samuele 2:2 - Mawu a Mulluku

² “Khaavo ari aweella ophwanaphwana ni Apwiya, khaavo mmodda koma alliwave, khaavo ari ooteteza wonanko Apwiya.

1 Samuele 2:2 Iomraidhean Croise

2 Samuele 22:3

Alliwa tti Mullukwaaka nlluku naka kinathawelleemiwo. Sika echishangwaaka, masiva ookivullusa, mpandaaka ni yookiipitthihaaka, nyu sika munakoopolla vakhotoni.

2 Samuele 22:32

Khaavo Mulluku mmodda koma Apwiyave, khaniivo nlluku nimodda noothawellavo koma Mullukwaahuve.

2 Samuele 7:22

Ddawoona, nyuwaano tti muullupalli, Apwiya Mulluku Amasiva Mattheene, moollikana ni nnddo niiwalleehu khaavo ari oophwanaphwana ni nyuwaano nave khaavo Mulluku mmodda koma nyeeneve.

1 Mamwene 8:23

Aavekella wi, “Nyu Apwiya Mulluku a Israele, khaavo Mulluku oophwanaphwana ni nyuwaano, oddullu apaalle va ellapo yavatthi. Munnasunga echipangano ni wooniha echikondi yoohisintheya wa oorumeyellaanyu ayo eneeta vamiitthoni vanyu ni murimiiwa muttheene.

Masalimo 111:9

Yahaavullusa athwiiwa, yaakeraatthiha echipanganwiiwa wi ekhalle ya enthawi yoohimalla. Nnddina niwa tti naweella ni nawoopiha.

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Masalimo 18:31

Khaavo Mulluku mmodda koma Apwiyave, khaniivo nlluku nimodda noothawellavo koma Mullukwaahuve.

Masalimo 71:19

Echilungamwaanyu ennaphiya oddullu, nyu Mulluku, moheera dduullupalli, ttaani anaaphwanaphwane ni nyuwaano

Masalimo 71:3

Mukhalle nlluku naka noothawellawo, mpandaaka woollipa wookivullusa. Ddawoona, nyuwaano sika nlluku naka ni mpandaaka.

Masalimo 73:25

Ethiyo kiri ni aani oddullu mwaahikhalla nyuwaano? Vatthimva kheviri erive ello eyo kinayipaalleemi koma nyeeneve.

Masalimo 86:8

Nyu Apwiya, variyari va milluku, khaavo naari mmodda anaphwanaphwana ni nyuwaano, khaddiivo mitteko ddinaphwanaphwana ni mitteko ddanyu.

Masalimo 89:6

Ethiyo ttaani muddullu anaaphwanaphwane ni Apwiya? Ttaani mwa ooddullu enaphwanaphwaniiwana?

Masalimo 89:8

Ethiyo nyu Apwiya Mulluku Amasiva Mattheene, ttaani ari amasiva wonanko nyuwaano ororomelleya wanyu woowaapheellani?

Masalimo 99:3

Attheene etitimihe nnddina niwa nuullupalli ni nawooviwa! Alliwa tti aweella!

Masalimo 99:5

Atitimiheni Apwiya Mullukwaahu, kokhorellani voonyingalla manyallwiiwa, alliwa tti aweella!

Masalimo 99:9

Atitimiheni Apwiya Mullukwaahu, allapelleni o mwaangwiiwa waweella, Apwiya Mullukwaahu tti aweella.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Yesaya 40:18

Ethiyo Mulluku ttuumphwanaphwanihella ni aani apaalle ttuumullikanihella ni tini?

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

Yesaya 44:8

Muhitathille murima, muhoove. Ethiyo ovenyera khallekhalle nguulleelleni ni wuusimikizellani ddenndda? Nyuwaano muri ambonaaka. Ethiyo ookhallavottho Mulluku mmodda okihiya miyaano? Iyaayi, khaniivottho nlluku nimodda, nginadduwella naarimi nirivo nimodda.”

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yesaya 6:3

Aserafaayo yaanakhuwellana wi, Aweella, aweella, aweella tti Apwiya Amasiva Mattheene! Ntitimiho niwa nooddalla ellapo yavatthi ettheene.

Yeremiya 10:6

Khaavo oollikana ni nyu Apwiya, nyuwaano tti amasiva, nnddina nanyu nookhalla ni masiva muullupalli.

Levitiko 11:44

Mi tti Apwiya Mullukwaanyu. Vano muddeellihe nave mukhalle aweella vawi mi tti aweella. Muhiiripihe ni erive ello yawaapadda.

Levitiko 11:45

Vawi mi tti Apwiya oyo yuukhumihalleni mu ellapo ya Iguputo wi kikhalle Mullukwaanyu. Vano mukhalle aweella vawi mi tti aweella.”

Levitiko 19:2

aalleelle Aisraele attheene wi, “Khallani aweella kaambiiwa mi Apwiya Mullukwaanyu tti aweella.

Aroma 15:4

Nave mawu a Mulluku mattheene yaalembiwe khalle enanihuddiha hiyaano. Mawaayo ennanillipiha murima ni onikhalliha oovillella wi nikhalle ootiyera.

Aroma 4:8

Oodalisiwa tti muthu oyo Apwiya ehinamweerengelliiwa machimwaaye!”

Deuteronomo 3:24

‘Nyu Apwiya Mulluku, mohaamba omoonihella oorumeyellaanyu mitteko dda ottekweenaanyu ni masivaanyu. Oddullu ni vatthi khaavo mulluku mmodda oyo anaawore weera ddeko dda masiva wonanko nnddo muneereenyu.

Deuteronomo 32:20

Nave yaallota wi, ‘Kineerewaareya etulli, kineerewoona eyo enaamorelle vawi alliwa tti mbado wawoottha, tti anamwani oohiroromelleya.

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Deuteronomo 4:35

Apwiya yaawoonihani ddenndda wi nyuwaano mudduwelle wi Apwiyave sika Mulluku nave wi khaavottho mmodda.

Deuteronomo 4:39

Sika vano dduwellani ollello nave muhitiwalleke wi Apwiya sika Mulluku a oddullu ni ellapo yavatthi nave khaavottho mmodda.

1 Petro 1:16

Mawu a Mulluku eni, “Khallani aweella kaambiiwa miyaano tti aweella.”