1 Samuele 2:1 - Mawu a Mulluku

¹ Hana aavekella wi, “Murimaaka onnahakallalla ekaamba ya nnddo ekeerelle Apwiya. Kinneeta moorumiha mukhito ekaamba ya Apwiya, kinnaattheya adanaaka, koohakallalla wunchichi vawi mookivullusa.”

1 Samuele 2:1 Iomraidhean Croise

2 Epilli 20:27

Vano athu attheene a o Yuda ni Yerusalemu moohoollelliwa ni Yehoshafati yaahokollowa moohakallalla vawi Apwiya yahaahakallalliha vawaagonjihani adaniiwa.

Nehemiya 11:17

Vaakhallattho Mataniyo mwaana a Mika, mwaana a Zabidi, mwaana a Asafu oyo aari oohoollella wiipa machipo oothokoza mu enyumba ya Mulluku navettho Bakibukiya oyo aari oohoollella aneepiilli variyari va abalaaye. Vaakhallattho Abida mwaana a Shamuwa, mwaana a Galali, mwaana Yedutuni.

Yobu 16:15

Kohiisowella echiguduli vamwiillini vaka, kihiyalle masivaaka munthupini.

Masalimo 118:14

Apwiya tti masivaaka ni ekophollo ddaka, alliwa tti oovullusaaka.

Masalimo 13:5

Koma miyaano kinaroromella echikondaanyu yoohisintheya, murimaaka oneerohakallalla kaambiiwa mookivullusa.

Masalimo 148:14

Apwiya ahaawelliha athwiiwa vawaavahani masiva, ahaariiha athwiiwa attheene oororomelleya, Aisraele ayo enaakondiiwa. Aleluya!

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Masalimo 20:5

Sika niipe moohakallalla kaambiiwa moopambana vakhotoni, niwellihe embendela otitimiha nnddina na Mullukwaahu. Apwiya ekwakhwanihe ddittheddene muvekilleenyu.

Masalimo 21:2

Moomuvaha nnddo murimaaye wapaalliiwa, khamumwiimanne nnddo eyanwaaye yavekilliiwa.

Masalimo 35:9

Sika murimaaka oneerohakallalla mwa Apwiya, othapella wi aakivullusa.

Masalimo 51:15

Apwiya hullani vayanoni vaka wi yuutitimiheni nyuwaano.

Masalimo 71:8

Vayanoni vaka vinnuutitimihani, voollalleyani oriiheya wanyu nllapo nittheene.

Masalimo 75:10

Olliye aneerewaakitthiha athu attheene oonanara koma aneerewaawelliha athu oolungama.

Masalimo 89:17

Vawi nyuwaano tti ntitimiho na masiviiwa, voonaakhullellani nnyaka nahu ninnapambana.

Masalimo 89:18

Yootetezellaahu enavenyera wa Apwiya, Aweella a Israele sika mwenaahu.

Masalimo 89:24

Ororomelleya waka ni echikondaaka yoohisintheya eneerokhalla ni olliye, aneeropambana ekaamba ya nnddina naka.

Masalimo 9:14

wi kithokoze mitteko ddanyu ddittheddene variyari va athwaanyu mu Ziyoni. Ddawoona, kinnahakallalla kaambiiwa mookivullusa.

Masalimo 92:10

Koma moowelliha nnyaka naka wonanko enari, mookizoza makhura anaanweene.

Eksodo 15:1

Vano Mose ni Aisraelaalle yahiipa nchipo wa Apwiya wi, “Kinapaalla kiwiipelle Apwiya ekaamba yawi aapambana mootitimiheya, ahaavokhella mu enyanja akavalo ni oowellavo.

Eksodo 15:21

Nave Miriyamu aawiipella alliwaayo nchipo nawi, “Wiipelleni Apwiya ekaamba yawi aapambana mootitimiheya, ahaavokhella mu enyanja akavalo ni oowellavo.”

Habakuku 3:1

Nivekello na namallotella Habakuku moollikana ni miipello a Shigionoti.

Habakuku 3:18

kineerohakallalla ni okotella mwa Apwiya kaambiiwa Apwiya Mulluku tti oovullusaaka.

Luka 1:69

Oonivaha Oovullusa amasiva, edduullu ya Davide, oorumeyellaaye,

Aroma 5:11

Khe yeeyove komattho ninnahakallalla mwa Mulluku oweella mwa Apwiihu Yesu Khrisitu oyo anaattanihalle ni Mullukooyo.

Deuteronomo 33:17

Yosefe ookhalla ni masiva wonanko nankhoro a eng'ombe, manyakaaye tti wonanko a enari, manyaka awiikarihella mitundu ddimodda, oddiikarihella woomallihella wa ellapo. Manyakaaye tti akhoto ooheerengeya a Efuremu, navettho akhoto anchichi a Manase.”

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.

1 Petro 1:8

Munnamukonda naari muhimonne nave munnakhulupilila mwa yooyo naari vano muhimonne. Sika munnahakallalla wuullupalli ni murimaanyu muttheene,

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

1 Samuele 1:6

Penina, mwaariye mmodda a Elikana, aaneera ddoomuvoriiha murima Hana vawi Hanooyo Apwiya yaamweeriha wi ahiyareke.

1 Samuele 1:7

Ddenndda ddaanavirellella weereya orive muyakha yaya o enyumba ya Apwiya. Penina aanamuvoriiha murima wunchichi Hana ophiyera wi Hana aaninlla nave aanakhoota ocha.