1 Samuele 12:3 - Mawu a Mulluku

³ Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

1 Samuele 12:3 Iomraidhean Croise

2 Samuele 22:22

Miyaano kaathwara ettilla dda Apwiya, ngaachimwalle voomuhiyani Mullukwaaka.

Nehemiya 5:11

Pepaani, ollello vaava mwaahokolloselle emata ddiwa, emata ddiwa ddampesa, miteekho ddiwa dda olivi ni enyumba ddiwa nave mwaakhululukelle naviikho a makobiri, a tirigu, a vinyo ni a makhura mwaakongolihalleenyu.”

Masalimo 15:5

Tti oyo ahinaakongoliha wi aakhellevo yawoonjerera, Tti oyo ahinaakhella ddamukaphwani, wi amuhooseke muthu oohilakwa. Muthu aweera ddenndda khawa atikheya.

Eksodo 20:17

“Ohisilile enyumba ya mukhwaawo. Ohimusilile mwaara a mukhwaawo, mullupa muttekwaaye aamullopwana, mullupa muttekwaaye aamutthiyana, eng'ombaaye, bulwaaye apaalle erive ello ya mukhwaawo.”

Eksodo 22:4

Ello iiyalleeyeeyo yaphwanyeya eri ekumi m'mattani mwaye, khaya tti eng'ombe, bulu apaalle enkhosa, mullupaawiiyooyo allivelle opiilli.

Eksodo 23:8

Ohaakhullelle ddamukaphwani vawi nndda ddinnaweeriha athu oweeruza ohoona echilungamo nave sika mullatu onimaakhoromanella athu oohilakwa.

Miyambo 15:27

Muthu oowaashaasha opindula moolleka annahoosa nibanja naye koma awiitana ni ddamukaphwani annakhalla ni okumi.

Levitiko 6:4

Muthooyo achimwa nave adduwella wi oochimwa, ahokollose nnddo ddihiri ddaaye.

Levitiko 6:5

Va nllapo nno anaadduwelleeye wi oochimwa, amuhokolloselle mwaneena ddittheddenennddo nave oonjererevo ello emodda va ddirive ezigawo dditthanu.

Numeri 16:15

Vano Mose aasha murima wunchichi nave ahaalleella Apwiya wi, “Muhinaakhella mikutho dda athu yaalla. Ngiwaakhille naari bulu mmodda nave ngimulakwenlle naari mmodda a alliwaayo.”

Mateyu 22:21

Yahaakhulla wi, “Dda Kaisara, o Roma.” Vano Yesu aallota wi, “Ddawoona, sika velleellani wa Kaisara nnddo ddiri dda Kaisara nave velleellani wa Mulluku nnddo ddiri dda Mulluku.”

Luka 19:8

Zakeyu ahiimella allota wa Apwiya wi, “Apwiya, kineerokawa variyari eyuumaaka kivelleelle wa athu oohoowa nave ayo kawaakhilleemi ddeko ddiwa mowaalleka, kineerewaahokollosella osese.”

Mitteko 20:33

Ngaapanlle makobiri apaalle ddoowara dda arive muthu.

2 Akorinto 12:14

Vano kookhozeka wi kiwe wa nyuwaano enthawi yaneeraru koma ngiwa kuukatamihani. Miyaano kinuupaallani nyuwaano, ohiri makobiraanyu. Vawi anamwani khenaphwanella waasungella makhollwiiwa eyuuma koma makhollo sika enaphwanella waasungella aniiwa eyuuma.

Deuteronomo 16:19

Eheeruzeke moohollosa apaalle mooweha ekhove. Ehaakhelleke ddamukaphwani kaambiiwa ddamukaphwani ddinnaripiha miittho a athu eezeru nave ddinnaahollosa eyano dda oolungama vaweeruzani.

1 Atesalonika 2:10

Nyuwaano tti ambonaahu ni Mullukuttho wi makhallellwaahu wa nyuwaano munakhulupilila, yaari aweella, oolungama ni oohikhalla ni yoolakwa.

1 Atesalonika 2:5

Munnadduwella phaama ddene wi khanaallotille mooreera muwano apaalle ovenyera m'maganizoni a nrima, mbonaahu tti Mulluku.

1 Petro 5:2

muwehereke phaama mpingo wa Mulluku wonanko mbusa anachihelleeye mulloko wa enkhosa. Woohikhalla moowatiheriwa koma moopaalla. Pharani muttekwaanyu ohiri ekaamba yookonda makobiri koma ekaamba ya murima woopaalla ophara mutteko.

1 Samuele 10:1

Vano Samuele aakusa yookusella makhura, aahella makhuraayo va muru va Saulo amukhupaarella allota wi, “Apwiya ahuuzoza wi okhalle mwene a athwaaye, Aisraele. Oneerewaalamulella athu a Apwiya ni waavullusa wa adaniiwa attheene. Echizindikiro yawi Apwiya ahuuzoza wi okhalle mwene a yoohallanaaye tti yawi,

1 Samuele 12:4

Athwaayo yaallota wi, “Khamwaanoottotthille apaalle oninyingallella. Khamwaakusalle erive ello ya muthu mmodda.”

1 Samuele 12:5

Vaavo Samuele ahaalleella wi, “Apwiya sika amboni variyari va nyuwaano ni miyaano, nayeenettho oozoziwa a Apwiya sika mboni ollellova wi nginna machimo wa nyuwaano.” Nave athwaayo yaallota wi, “Ddawoona, Apwiya sika amboni.”

1 Samuele 2:35

Vatulli viwa kineeromutthoolla mullupa mukutho oyo anaakhalle oororomelleya wa miyaano ni weera nnddo ddiri m'murimani mwaka ni ddoopaalla ddaka. Kineeromwinnya edduullu nnddo ddinaarumeyelleke vamiitthoni va mwenaaka oozoziwa enthawi ddittheddene.

1 Samuele 24:11

Attiitthaaka, ngayooneni echigamba ya otthoka wa mukanjwaanyu ella eri m'mattani mwaka. Vano mudduwelle wi m'murimani mwaka khamuri yoopaalla weera yoolakwa apaalle wuuwukilani vawi koophadda echigamba ya mukanjwaanyu koma wohiwiiphani. Miyaano nguulakwenlleni ello naari nyuwaano mukaashaashaka wi mukiiphe.

1 Samuele 24:6

Vano ahaalleella athwaaye wi, “Wakhalla wooworeya Apwiya ekikavihere wi kihimweerelle yoonanara mwene Saulo, apwiyaaka oozoziwa* ni Apwiya. Kihinamuvoreya vawi tti oozoziwa ni Apwiya.”

1 Samuele 24:7

Vano Davide allotilleeye mawu yaalla athwaaye yaamwiiwellella nave kheyaamweerelle erive ello yoonanara. Vano Saulo aakhumamo munikhunguni mulle anakhwaranya olendwaaye.

1 Samuele 26:11

Koma wakhalla wooworeya Apwiya ekikavihere wi kihimweerelle yoonanara mwene, oozoziwa ni Apwiya. Koma vano nikuse nivaka ni muno wa maaddi nnddo ddiri omuruni waye nave niroweke.”

1 Samuele 26:9

Koma Davide aamulleella Abishai wi, “Iyaayi ohinamwiipha. Vawi Apwiya eneeromullaka oyo anaamuvoreye mwene, oozoziwa* a Apwiya.”