1 Samuele 10:9 - Mawu a Mulluku

⁹ Saulo arukunuweeye omuhiya Samuele, Mulluku aamuvaha murima mmodda nave ezizindikiro ddittheddenenndde ddaheereya nllapo nenno.

1 Samuele 10:9 Iomraidhean Croise

Ezekiele 36:26

Kineerewaavaha murima wanaanweene ni munepa musha. Kineerovenyiha murima wawumma wonanko nlluku nave kineerewaavaha muwari mwiwa murima wawoollowa wonanko muhehe.

Mariko 14:16

Oohudderaayo yaatimulla, eya m'muzindanimmo, ephwanya ddittheddene ddiri moollikana ni ollota wa Yesu nave yaakhozellawo yoocha ya Paskooyo.

Oweeruza 6:21

Vano mungelo a Apwiya aakusa ekopo m'mattani mwaye attannya ni etthoka ya ekopo enameelle ni buledoolle. Munllo waakhara ovenyera vanllukuni valle oshellelliha enameelle ni buledoolle. Vano mungelo a Apwiyoolle aarimeella ahooneyattho

Oweeruza 7:11

Oneerewiiwa nnddo enallotiiwa vano oneerollipa murima nave oneeroya wawanena Amidiyani ayo eri m'misasanimmo.” Vano Gideoni ni Puri oorumeyellaaye, yaaya okhwipi omodda wa misasannddo nko waari akhoto.

1 Samuele 16:13

Samuele aakusa yookusellamo makhura, amuzoza vamiitthoni va asinne. Nave Munepa wa Apwiya waamuvollowa Davide mwamasiva waambeella nllapo nenno oya muhoollo. Vatulli viwa Samuele aatimulla oya o Rama.

1 Samuele 2:35

Vatulli viwa kineeromutthoolla mullupa mukutho oyo anaakhalle oororomelleya wa miyaano ni weera nnddo ddiri m'murimani mwaka ni ddoopaalla ddaka. Kineeromwinnya edduullu nnddo ddinaarumeyelleke vamiitthoni va mwenaaka oozoziwa enthawi ddittheddene.