1 Samuele 10:5 - Mawu a Mulluku

⁵ Mweeddiiddo muneerophiya o mwaango wa Mulluku o Gibea nko ori akhoto a Afilisti. Nave mwaawaatamellaka muzindooyo muneerokumana ni mulloko wa anamallotella ekitthaka ovenyera o nipuro noollapellamo yiipaka azeze, ekoma ni ezitoliro, ellotellaka.

1 Samuele 10:5 Iomraidhean Croise

1 Mamwene 18:29

Otthaana otthewene yaanakhuwa moosavuwa ophiyera enthawi yoovelleella mukutho yaakwakhwana. Komave waari ellapo tuu, khewaari mawu, khaarivo awaakhulla apaalle mmodda oopwatha.

2 Mamwene 2:15

Mulloko wa anamallotella a o Yeriko yamoonilliiwa Elisha allapuwaka yaallota wi, “Munepa wa Eliya ori mwa Elisha.” Vano yaawa ekumanana ekokhora vamiitthoni vaye.

2 Mamwene 2:3

Vano a m'mulloko wa anamallotella a o Betele yaakumana ni Elisha emukoha wi, “Ethiyo munnadduwella wi Apwiya eneerewaakusa apwiinyu?” Elisha ahaakhulla wi, “Ee, kinnadduwella, khurumuwani.”

2 Mamwene 2:5

Nave a m'mulloko wa anamallotella a o Yeriko yaakumana ni Elisha emukoha wi, “Ethiyo munnadduwella wi ollello Apwiya eneerewaakusa apwiinyu?” Elisha ahaakhulla wi, “Ee, kinnadduwella, khurumuwani.”

2 Mamwene 2:7

Athu 50 a m'mulloko wa anamallotellaalle yahaathwara nave yahiimella voorekamella vang'ono, Eliya ni Elisha yiimenlle mukhwipi mwa Yordani.

2 Mamwene 3:15

Koma vano mukiithanelle muthu oodduwella wiipa phaama zeze.” Awiipa zeze awiille, ahiipa nave masiva a Apwiya yaawa va Elisha.

2 Mamwene 4:38

Nave Elisha aahokollweella o Giligala koma mwiillaponimmo mwaakhalla ettalla. Nllapo nimodda Elisha ahuddihaka mulloko wa anamallotella nave viviralle enthawi, aamulleella a muttekwaaye wi, “Eya ekarikho yuullupalli viikho, owaapeyelle yoocha a m'mulloko wa anamallotellaalla.”

2 Mamwene 6:1

Nllapo nimodda athu amodda a m'mulloko wa anamallotella yaamulleella Elisha wi, “Ngoonani, nipuronna ninakumanelleehu nooniyevella wunchichi.

1 Epilli 11:16

Enthawi yeeyo Davide aari munikhunguni mulle nave mulloko wakhoto wa Afilisti waari o Betelehemu.

1 Epilli 13:8

Vano Davide ni Aisraele attheene yaari ehakallallaka ni murimiiwa muttheene vamiitthoni va Mulluku, enamwiipella machipo ni azeze, magitala, ekoma, misangwa ni mapallapata.

1 Epilli 16:42

Hemani ni Yedutuni yahoollella wiipa misangwa, mapallapata ni ezida ddimodda navettho ezida ddimodda ddawiipella machipo oollapella. Anamwani a Yedutuni yaahiyalle wi ekhalle alonda a va mullako.

1 Epilli 16:5

Asafu sika aari oohoollella nave oomukavihera yaari Zekariya, Yeiyele, Shemiramoti, Yehiyele, Matitiya, Eliyabu, Benaya, Obedi Edomu ni Yeiyele. Yaalla sika yatthoolliwe wi ekhalle awiipa asikoma ni azeze. Asafu sika aari awiipa misangwa,

Masalimo 49:4

Kineerewaapella maaru mwambi, kineerottaphullella vawiipani nchipo ni gitala.

Masalimo 92:3

voowiipani machipo ni echida ya enthambo khumi, gitala ni zeze.

1 Akorinto 14:1

Vano munaphwanella wi mullipihelleke okhalla ni echikondi. Murimaanyu okhalleke va emphaso dda Munepa Waweella, makamaka wi mukhallena emphaso yoollotella.

1 Samuele 10:10

Saulo ni mullupa muttekwaaye ephiyalle o Gibea, yaakumana ni mulloko wa anamallotella. Vano Munepa a Mulluku aamuvollowa Saulooyo, aamba ollotella.

1 Samuele 10:4

Yuuvaha mooni, eneerewuuvahattho mitthi dda buledi miilli.

1 Samuele 13:2

Enthawi emodda olliye ahaatthoolla Aisraele 3,000. Mwa athu yaalla, 2,000 yakhalla ni Saulo o Mikimashi ni o ellapo yamiyaango o Betele nave 1,000 yaari ni Yonatani o Gibea echigawo ya Benjamini. Athu amodda attheene oohallaayo ahaahokollosella owaniwa.

1 Samuele 13:3

Yonatani aamwiipha akhoto muullupalli a Afilisti oyo aari o Geba nave Afilisti yahiiwa ddenndda. Saulo ahaaruma athu wi yiipe nipallapata ellapo ettheene waallella Aheberi wi yiiwe yeereyilleeyo nave eye okhotoni.

1 Samuele 19:20

ahaarumiha athu wi yamuphare Davide eweena. Athwaayo yahoona mulloko wa anamallotella ellotellaka, Samuele aahoollellaka. Munepa a Mulluku ahaakitthella nave alliwa yahaamba ollotellattho.

1 Samuele 9:12

Yahaakhulla wi, “Ee, ari wenko, tti oyo anaya muhoollo mwanyummo, akuvakani. Ttuuphiya wene m'muzindanimmu vawi ollello athu enaya yavelleelleke mukutho o nipuro noollapellamo.