1 Samuele 1:5 - Mawu a Mulluku

⁵ Aanamuvaha Hana enama yinchichi omukhwaranya arive muthu vawi aanamukonda. Naari Apwiya yamweerihalle wi ahiyareke.

1 Samuele 1:5 Iomraidhean Croise

Genesis 11:30

Sarai khaarina anamwani kaambiiwa khaayara.

Genesis 16:1

Sarai mwaara Abramu, khaamuyarelle Abramooyo anamwani. Koma Sarai aakhalla ni kaporo o Iguputo nnddina naye Hagara.

Genesis 30:1

Rakele oonilleeye wi khanamuyarella Yakobo anamwani, ahaamba omukhallella ehache muullupallaayoolle. Nave aamulleella Yakobo wi, “Kivaheni anamwani, mwaaheera ddiiddo miyaano kinimakhwa.”

Genesis 30:2

Yakobo aamushella murima Rakele voomulleellani wi, “Ngiwora ovollowa munipuroni mwa Mulluku. Olliyooyo sika anulepheliha waayara anamwani.”

Genesis 43:34

Yoocheeyo yakawiwa ovenyera va tebulo ya Yosefe koma yoocha yoovelleelliwa wa Benjamini yaari yawaata wonanko ya athu atthanu. Sika attheenaayo yaacha ni owirya ni Yosefe ophiyera yaavona nave yaahakallalla nimodda ni olliye.

Genesis 45:22

Aamuvahattho arive muthu ddoowara ddanaanweene koma Benjamini aamwinnya makobiri a siliva 300 ni ddoowara dditthanu dda ehakallallo.

Deuteronomo 21:15

Ttuuweereya wi muthu ookhalla ni atthiyana eelli, mmodda ookondiwa mmodda awiitiwa, attheenaayo yaayara anamwani aallopwana koma mwaana awaamba okhalla a mutthiyana awiitiwoolle.