1 Epilli 4:10 - Mawu a Mulluku

¹⁰ Yabezi aavekella wa Mulluku a Israele wi, “Mukidalise nave muyinnuwihe ellapwaaka. Nnatta nanyu namasiva nikhalle ni mi nave mukisunge wi yoonanara ehikimorelle ni okihoosa.” Sika Mulluku aamuvaha nnddo avekilleeye.

1 Epilli 4:10 Iomraidhean Croise

Miyambo 10:22

Madaliso a Apwiya ennavaha eyuuma, khenoonjereravo ethakaraka.

Yeremiya 33:3

‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Aefeso 3:20

Vano wa oyo anaphara mutteko mwa hiyaano mwa masivaaye, oyo anawora weera wunchichi ohiyana ni ninavekeehu apaalle ninaganizeehu,

Masalimo 119:173

Nnatta nanyu nikikavihere vawi kootthoolla malamulwaanyu.

2 Timoteo 4:18

Nave Apwiya eneerokaakiha o erive yoonanara navettho eneerokivollochiha phaama mu omwene wooddullu. Wa olliye okhalle ntitimiho wa enthawi yoohimalla. Amen.

Yohane 10:28

Nave kinnaddivaha okumi woohimalla, khaddiwa ddikhwa. Khaavo muthu anaakaakhe ddennddo ovenyera mu nnatta naka.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Masalimo 21:4

Olliye uuvekilleni okumi, nyuwaano mwaamuvaha okumi woorekama, woohimalla.

Yesaya 41:17

Oopaneya ni oohoowa vawaashaashani maaddi, koma oohaaphwanya nave ommilloni wiwa wohumma, mi Apwiya kineerewaakhulla ovekella wiwa, miyaano Mulluku a Israele ngiwa kaahiya.

Masalimo 55:16

Koma miyaano kinaaveka Apwiya, alliwa eneerokikavihera.

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

Genesis 33:20

Nave aamaka nikuwa vaavo, aniromolla wi Eli Elohe Israele, ottaphullella wi Mulluku tti Mulluku a Israele.

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Genesis 48:16

oyottho tti mungelo akoopollille o ddawoononga ddittheddene, aadalisettho! Oyeella mwa asombwe eellaalla, nnddina naka ni manddina a makhollwaaka Abrahamu ni Isaki, evuwihiwe va enthawi ddittheddene! Ekhalle ni edduullu ddinchichi va ellapo yavatthi, nave ekhalle mutundu muullupalli va ellapo yavatthi!”

Masalimo 99:6

Mwa allupa mukuthwiiwa mwaakhalla Mose ni Aroni, Samuele aari mmodda awiithana nnddina niwa yaaninllella wa Apwiya, alliwa enawaakhulla.

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

Masalimo 65:2

Nyu oyo munaapella maaru mavekello, athu attheene eneeroowa wa nyuwaano

Genesis 32:26

Vano muthooyo aallota wi, “Kihiye kiroweke kaambiiwa otte onimasa.” Koma Yakobo ahaakhulla wi, “Nguuhiya wi oroweke ophiyera okidalisalle.”

Miyambo 30:8

Mukivenyihellevo ddawoottha ni ddoolleka. Muhikivahe ohoowa apaalle eyuuma koma mukivahe yoocha yookwakhwanella.

Masalimo 51:8

Mukeerihe wi kihakallalle nave kittheye, naari mukipwesillepwesille makhuva, mukaakhullelle kihakallallettho.

Yobu 12:4

Kinnattheyiwa ni akhwaaka, miyaano oyo kaveka wa Mulluku, aanakaakhulla, muthu oolungama ni oohichimwa, koma ollello kiri oottheyiwa.

1 Samuele 1:17

Vano Eli aamwaakhulla wi, “Rowani ni murendelle, Mulluku a Aisraele aweerelleni nnddo muddivekilleenyu.”

Genesis 12:8

Vatulli viwa aasusella o miyaango dda wookhuma nndduwa wa Betele nave aatthipella musasaaye variyari va Betele woovollowa nndduwa ni Ai wookhuma nndduwa. Wenkottho aamakawo nikuwa nave ahaallapella Apwiya.

Masalimo 51:12

Mukihokolloselle ohakallalla wa ovullusa wanyu, mullipihe mwa miyaano munepa woopaallesesa owiiwellellani.

Aroma 12:9

Echikondi ehikhalleke yawoottha. Mwiiteke yoonanara nave muhihiyeke yaphaama.

Mitteko 3:26

Nave Mulluku amutthoonlleeye oorumeyellaaye, aambille omurumiha wa nyuwaano wi uudaliseni vooweerihani attheenenyu wi murukunuwe murima o machimwaanyu.”

Aroma 16:19

Arive muthu ahiiwa dda wiiwellella wanyu wa othenga waphaama. Sika ekaamba ya yeella munnakihakallalliha. Kinapaalla wi mukhalle oodduwella dda ddeko ddaphaama nave ooheera ddoonanara.

Mateyu 6:13

Muhinikuselle woweesiwa, koma munivulluse wa Oonanarooyo.

1 Epilli 16:8

Athokozeni Apwiya, ithanani nnddina niwa, vuwihani mitteko ddiwa variyari va mitundu dda athu.

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

Aefeso 4:30

Nave muhikhupanyiheke Munepa Waweella vawi Munepooyo tti echizindikiro yawi nyuwaano tti aaye a Mulluku, osimikiza wi nllapo nineerokwakhwana nawi Mulluku aneerewuuttaphullani.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Luka 19:42

Nave aallota wi, “Waaweerokhalla phaama waadduwenlleke ollello ddeko ddoopaalleya wi murendelle owe! Koma ddoovitthiwa wi miitthwaawo ehiddooneke!

Mateyu 26:75

Vano Petro ahuupuwella nnddo Yesu aamulleelleeye wi, “Mutthupi ohininlle onaakhalle okikhootille oraru.” Vano aakhuma vaatte, inlla moomoriwa ethakaraka.

1 Epilli 4:9

Vaakhalla muthu mmodda nnddina naye Yabezi oyo athu yamuvahiiwa olemu okhwaranya asinne. Amennya yaamuvaha nnddina na Yabezi kaambiiwa yaallota wi, “Kaamuyanre moovoreya wunchichi.”

1 Epilli 4:11

Kelubi, mwanamunne Shuha, aamuyara Mehiri, Mehiri aamuyara Eshitoni,

Genesis 28:20

Vano Yakobo aallupella wa Mulluku wi, “Mwakhalla ni miyaano nave mwakiteteza phaama voolendonaakoolla navettho mwakivaha ddoocha ni ddoowara,

Genesis 28:21

navettho mwakihokollosella ni murendelle wa attiitthaaka, muneerokhalla Mullukwaaka.

Genesis 32:27

Muthooyo aamukoha wi, “Nnddina nawo ttaani?” Yakobo ahaakhulla wi, “Nnddina naka tti Yakobo.”

1 Samuele 1:20

Hana aakhalla ni erukullu nave aamuyara mwaana mullopwana amuvaha nnddina nawi Samuele ottaphullella wi, “Kimuvekille olliye wa Apwiya.”

1 Samuele 1:26

Hana aallota wi, “Apwiya miyaano tti mutthiyana olle iimenlle vamiitthoni vanyu avekellaka wa Apwiya.

1 Samuele 1:27

Mwaanoolla kaarimamuveka nave Apwiya yaakivaha eyo kavekilleemi.

Masalimo 121:7

Apwiya eneerewuuteteza o ddoonanara ddittheddene, eneerosunga okumaawo.

Masalimo 145:19

Ayo enawoova Apwiya ennavahiwa ddoopaalla ddiwa, ennawiiwa winlla wiwa, ennaavullusa.