1 Epilli 13:1 - Mawu a Mulluku

¹ Vano mwene Davide aaveka ezeru ovenyera wa oohoollella akhoto uullupalli ni ang'onong'onweene.

1 Epilli 13:1 Iomraidhean Croise

2 Samuele 6:1

Davide ahaatthukumanihattho akhoto 30,000, ayo aatthoonlleeye mu Israele.

2 Mamwene 23:1

Vano mwene Yosiya ahaatthukumaniha attekweene attheene a o Yuda ni a o Yerusalemu.

1 Epilli 12:14

Agadi yaari oohoollella mulloko wa akhoto, uullupalli yahoollella mulloko wa akhoto 1,000 nave ang'onong'ono yahoollella mulloko wa akhoto 100.

1 Epilli 12:20

Davide ahokollowelleeye o Zikilagi, athu a nlloko na Manase yaayaana nimodda. Amanasaayo yaari Adina, Yozabadi, Yediayele, Mikaele, Yozabadi, Elihu ni Ziletai, oohoollella a milloko dda akhoto 1,000 o Manase.

1 Epilli 12:32

Athu a nlloko na Isakara oodduwella dda enyengo, oodduwella nnddo Israele aphwanelleeye weera va enthawiiwa yaarivo oohoollella 200 ni abaliiwa.

1 Epilli 12:40

Naarittho athu oovenyera wuuteete monga o Isakara, o Zebuloni ni o Nafutali yaawaana ddoocha va abulu, va ekamira,* va enama enyuru ni va magaretiiwa. Yahiireya ddoocha ddinchichi, makeke anamukuyu, mpesa wawumma, vinyo ni makhura. Yaawattho ni eng'ombe, enkhosa ddinchichi vawi mwaakhalla ehakallallo mu Israele.

1 Epilli 13:2

Nave vatulli viwa Davide aallota wa mutthukumano muttheene wa Aisraele wi, “Ddaarimi dduuddivellakani navettho yaarimi eri yoopaalla ya Apwiya Mullukwaahu, hankoni nimwaramwareye, nirumihe mawu wa abaliihu attheene ayo ehanlle mwiillaponi ettheene ya Israele ni wa allupa mukutho ni Alevi m'mizindani ni mizi ddiwa wi ewe wuno ekhalle ni hiyaano.

2 Epilli 1:2

Solomoni aallota ni Aisraele attheene, oohoollella akhoto, aweeruza, oohoollella Aisraele attheene navettho oohoollella a mabanja.

2 Epilli 29:20

Vatulli viwa mwene Hezekiya aatimulla ohinase nave ahaatthukumaniha attekweene a m'muzindani nave yaaya o enyumba ya Apwiya.

Miyambo 15:22

Ddooganiza ddinnalepheleya vaahikhalla malangizo koma vakhalla alangizi anchichi ddoolinga ddinnaworeya.

Mateyu 25:16

Mullupa mutteko aakhenlle makobiri matthanoolle aaya eetellana malonda, aapindulavo makobiri matthanu mamodda.