1 Epilli 11:3 - Mawu a Mulluku

³ Sika oohoollella attheene a Aisraele yaawa o Hebroni o Hebroni nave Davide aakeraatthihana echipangano wenko vamiitthoni va Apwiya. Nave yaamuzoza Davide wi akhalle mwene a Aisraele moollikana ni mawu a Apwiya yallotiwe ni Samuele.

1 Epilli 11:3 Iomraidhean Croise

2 Samuele 2:4

Vano Ayuda yaawa nave wenko yaamuzoza Davide wi akhalle mweniiwa. Davide iiwalle wi athu a o etawoni ya Yabeshi mu echigawo ya Giliyadi sika yamuvitthalle Saulo mu mahame,

2 Samuele 5:3

Sika oohoollella attheene a Aisraele yaawa o Hebroni nave Davide aakeraatthihana echipangano wenko vamiitthoni va Apwiya. Nave yaamuzoza Davide wi akhalle mwene a Aisraele.

2 Samuele 5:5

O Hebroni ahaalamulella Ayuda miyakha mitthanu ni miilli owaaka miyeri mitthanu ni mmodda. Nave o Yerusalemu ahaalamulella Aisraele attheene ni o Yuda miyakha 33.

2 Mamwene 11:17

Yehoyada aakeraatthiha echipangano variyari va Apwiya ni mwene ni athu wi alliwa ekhalle athu a Apwiya. Aakeraatthihattho echipangano variyari va athu ni mwene.

2 Mamwene 23:30

Sika enduna ddaye ddaamutukhulla va nigareta ovenyera o Megido emuyaana o Yerusalemu nave ddaamuvittha mu mahame aayeaaye. Sika athu a o Yuda yaamuzoza omwene Yehowahazi mwaana a Yosiya avollowa munipuroni mwa attiitthinnya.

1 Epilli 11:10

Vano alla sika oohoollella akhoto amasiva a Davide. Alliwa vamodda ni Aisraele attheene yaamukavihera mu omwenaaye moollikana ni mawu a Apwiya oollota dda Israele.

2 Epilli 23:3

Nave mutthukumano muttheene waakeraatthiha echipangano ni mwene mu enyumba ya Mulluku. Vano Yehoyada ahaalleella wi, “Ngamooneni mwaana a amwene! Muhiyeni alamulelle moollikana ni mmo Apwiya yallotilliiwa dda anamwani a Davide.

Oweeruza 11:11

Sika Yefita aathaanana ni attekweene a o Giliyadaayo nave athu a wenko yaamweera oolamulella ni oohoollelliiwa. Vano Yefita aallota mawaaye mattheene vamiitthoni va Apwiya o Mizipa.

1 Samuele 11:15

Sika Aisraele attheene yaaya o Giligala. Yamwaakhullella Saulo vamiitthoni va Apwiya okhalla mwene. Athu yaavelleella mikutho ddeeyaattano wa Apwiya. Wenko Saulo ni Aisraele attheene yaahakallalla wunchichi.

1 Samuele 15:28

Samuele aamulleella wi, “Apwiya ahaahulla omwene wa Aisraele ovenyera wa nyuwaano ollello ewuuvelleella wa mukhwiinyu aphaama wuukhwaranyani nyuwaano.

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

1 Samuele 16:3

Omwiithane Yese omukuthoninko, vano kineerewuulleella yawi weere. Nave wakizozelle oyo kinaawuuromollelleemi nnddina naye.”

1 Samuele 23:18

Vano eellaayo yaakeraatthiha echipangano vamiitthoni va Apwiya wi ehiwe yiitana. Sika Davide aakhalla o Horeshi nave Yonatani aahokollweella owaniwa.

1 Samuele 28:17

Apwiya aaweerella nnddo yuulleelliiwa oweella mwa miyaano. Aawaakha omwenaawo emwinnya muthu mmodda, Davide.