Mukaanda kuri bari Filipo 1:27 - Musamu Wamubwete 2013

²⁷ Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Filipo 1:27 Iomraidhean Croise

Musamu wamubwete watina Matayi 12:25

Yesu bu kabakila bitsimi bya bo, waleele kuri bo ti: «Mbuti baatu bari na kimfumu bakwenwaana bo na bo, lo kimfumu kikyo kibwiiri, na baatu ba bvula, bunu pe ba kaanda dimosi, habaana bakwenwaana, bo na bo, lo ditsyaamukini.

Biyiriki bya Bantumu 2:46

Mpisi kiluumbu, baba namitinaana kuba mu kintwaari mu Nzo-nzaambi, mu kubukuna mpa, na kukabula byandya ku nzo,

Biyiriki bya Bantumu 24:24

Ha mambisa ma mwaa-biluumbu, Felikisi bo na mukasi waandi wa Muyudayo, Durusila, bayisa. Batumisa Pawulo na bamuyuka wudzoonsolo mu kanyi dya Kiristo Yesu.

Biyiriki bya Bantumu 4:32

Mukwongo, mpuumbu ya basiila kanyi yaba mutima mosi, na muheebulu mosi; kuri muutu ko waba na bitotolo bwa nde-meene, ngo byobinso byaba bya ntwaari.

Mukaanda kuri bari Loma 1:16

Mukwongo, me nyahele na nsoni mu Musamu Wamubwete, bukuri nde ngo mpinu dza Nzaambi, mu mvuukulu ya mpisi wunde wusiila kanyi, ha tete kuri Bayudayo tumi kuri Bahelene.

Mukaanda kuri bari Loma 1:5

Mu nde turi twataambula bweese na buntumu, mu kuri ti makaanda momanso matumuma mu kanyi, mu nkuumbu yaandi,

Mukaanda kuri bari Loma 1:9

Mukwongo, Nzaambi mbaangi yaami, nde wu nyisalilaa me mu mpeeve yaami, mu nyabusulu Musamu Wamubwete wa Mwaana waandi: me nyibambukilaa beenu mwooyo kwahele kuhoto,

Mukaanda kuri bari Loma 10:8

Ngo nki diri mu kuleele? «Maampu mari bebele na ye, mari munsa munwa waaku, na munsa mutima waaku.» Mamo ngo maampu ma kanyi ma turi mu kweyaabisa.

Mukaanda kuri bari Loma 15:16

mu kuba mu kisalu kya Kiristo Yesu, mu ntoono makaanda, bu nyayekele nyutu mu ntoono Musamu Wamubwete wa Nzaambi, mpisi makaanda maba kikabu kyataambulu, kyasakumunu kuri Mpeeve Yangisi.

Mukaanda kuri bari Loma 15:29

Me nyaari ti, ha nyikwiisa kuri beenu, me sa nyiisa kuri nyaluula mu lusakumunu lwa Kiristo.

1 Kol 1:10

Bampaangi, me nyiluyingukila mu nkuumbu ya Mfumu yeetu Yesu Kiristo, yukusuneenu beenu na beenu, na yaa kuba nkabunu ha kakati dya beenu ko; beenee kintwaari mu mpeeve mosi na mu kitsimi kimosi.

1 Kol 15:58

Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.

2 Kol 13:11

Mu misiiri ngo miri, bampaangi, monee kiminu, sakeenu kuba babaanguka, syamisinee beenu na beenu, beenee kitsimi kimosi, beenee na kiyeengi, na Nzaambi ya ntiilu na ya kiyeengi sa kaba na beenu.

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

2 Kol 9:13

Bamonaa bubwe bwa kisalu kikyo, bo sa bakeembese Nzaambi, mu ntoono kutumuma ku luri mu kusoongo beenu, mu Musamu Wamubwete wa Kiristo, na mu kukabula lubakusu lweenu kintwaari na bo, na baatu bobanso.

Mukaanda kuri bari Ngalatya 1:7

Mukwongo, kuri Musamu mukimi ko, mbuti ka bangaa-kisaangila ko, batiiri kukitula Musamu Wamubwete wa Kiristo.

Mukaanda kuri bari Efeso 1:13

Mu nde, beenu luri lwayuka maampu ma ngwanwa, Musamu Wamubwete wa mvuukulu yeenu. Mu nde se, bu lwasiiriri kanyi, balusiiri kidiimbu mu Mpeeve Yangisi ya lusiilulu.

Mukaanda kuri bari Efeso 1:15

Hango-nkuumbu, me se bu nyayukiri badzoonsolo mu ntoono kanyi dyeenu mu Mfumu Yesu, na ntiilu yeenu mu bangisi bonso,

Mukaanda kuri bari Efeso 4:1

Me nyilusyaamisa, me nyiri boroko mu ntoono Mfumu, mu kudyaatila mu kiteesu kyayelemene na mbila yiyo yibari baluteele,

Mukaanda kuri bari Filipo 1:5

mu ntoono kintwaari, ki luri mu kusoongaa beenu kuri me mu Musamu Wamubwete, kuholosono kiluumbu kyatete natee mu lumalu.

Mukaanda kuri bari Filipo 2:12

Mu didyo, banduku baami ba mutima, bunu bu lukootumumaa mu mpisi ntaangu, kari hani ha busu bwa me ko, ngo mu lumalu, bvulee kutumuma, me bu nyiri nde pe. Salilee mu kibvumi na mu ntekutulu, mu kubaka mvuukulu ya beenu-meene,

Mukaanda kuri bari Filipo 2:24

Me nyiri na nsiitu mu Mfumu ti, me-meene sa nyiisa mu mawasu.

Mukaanda kuri bari Filipo 3:18

Mukwongo, bunu bu nyaba kweluleelaana mu ntaangu ngo ntaangu, na mu lumalu se nyiluleele kunsa kidilu ti, balaka bakwedyaatila mu butaatu bwa kuruwa dya Kiristo.

Mukaanda kuri bari Filipo 3:20

Mukwongo, bula bweetu ngo mayulu, kukwo kuri Mubvuukisi wu turi mu kwekiinga, Mfumu Yesu Kiristo.

Mukaanda kuri bari Filipo 4:1

Mu didyo, bampaangi baami ba mutima, ba ntiiri kwalaka, beenu luri kiminu kyaami na lukoongolo lwaami; ngo banduku ba mutima, beenee na keketee mu Mfumu.

Mukaanda kuri bari Kolosayi 1:10

kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.

Mukaanda kuri bari Kolosayi 1:4

Beetu twayukiri badzoonsolo mu kanyi di luri na dyo mu Kiristo Yesu, na mu ntiilu yi luri na yo mu bangisi bobanso,

1 Tes 3:6

Ngo mu lumalu, Timoteho bu kabeeri kuri beenu mwaakwiisa bvutuka kuri beetu, na watuyaabisiri musamu wamubwete mu ntoono kanyi na ntiilu yeenu, na ti, beenu bunu luri lwakebe bitsimi byabibwete mu beetu, na luri na nzala beetu kumono, bunu bu turi na beetu se nzala kulumono.

1 Tes 4:1

Mu misiiri bampaangi, beetu tululoombo na tulusyaamisa mu Mfumu. Bu lwayeki lwayika kuri beetu ndyaatulu yayelemene mu kubweeye kuri Nzaambi, bunubwo se luri mu kwedyaatila, ngo bweeseenu kutoombolo kiteesu.

1 Tim 1:11

dzayelemene na Musamu Wamubwete wu bari bayakisa me, wa nkeembu ya Nzaambi ya kiminu.

1 Tim 1:19

bu wuri na kanyi na nsimunu yayibwete. Nsimunu yiyo babamosi bayeki bayilooso, na mu mitariri kanyi bo bayeki bapatuka mu maampa.

2 Tim 4:7

Me nyanweeni kikiindu kyakibwete, me mwaamana kudzumuna ntiinu, na nyakebe kanyi.

Mukaanda kuri Tito 2:10

yaa beyiba ko, ngo bamonokoso mu myominso kanyi dyadibwete, mpisi babweeyese mu myominso, nyikusulu dza Mubvuukisi weetu Nzaambi.

Film 1:5

bu nkooyukaana badzoonsolo mu ntiilu na kanyi bi wuri na byo mu Mfumu Yesu, na mu ntoono bangisi bobanso,

Mukaanda wa Yakobo 3:18

Kimbutu kya nsungumunu kiri kyakunu mu kiyeengi, kuri babo basalila kiyeengi.

2 Pet 3:11

Ngo mbuti heki bubwo, ti byobinso sa byasulumuka, lo nkya baatu, beenu luyelemini kuba mu ndyaatulu ya bungisi, na mu kinzaambi,

2 Pet 3:14

Hango-nkuumbu, banduku ba mutima, bu luri mu kwekiingila mamo, seenee makwa, mpisi nde kiisa kalutangusina mu kiyeengi, kuri lwahele na maka na mi baluseembele

Mukaanda Yuda 1:3

Banduku ba mutima, me mbeeri kwaandi na musoongo walaka mu kulutinina, mu dyaambu dya mvuukulu yeetu ya kintwaari, ngo mwiini mufunu mu kulutinina, mpisi nyilusyaamisa mu kunwaana mu ntoono kanyi, di bari bayakisa kwakinkulu kuri bangisi.