Mukaanda kuri bari Filipo 1:20 - Musamu Wamubwete 2013

²⁰ Bunu buri ma nyiri mu kwekiinga, na ma nyiri nyasiila nsiitu, me ka nyiba na nsoni mu ntoono ti mosi ko. Ngo kasi mu nsiitu dzodzinso, bunu mu mpisi ntaangu na mu lumalu, Kiristo sa kaba wakeembese mu nyutu yaami, mu kidziingu kyaami bunu pe mu lufwa lwaami.

Mukaanda kuri bari Filipo 1:20 Iomraidhean Croise

Musamu wamubwete watina Yowane 21:19

Nde waleele mamo, mu kusoongo mu nkya mfwiilu nde kakeembesele Nzaambi. Bu kamana kudzoonso mamo, waleele kuri nde ti: «Nama me!»

Biyiriki bya Bantumu 20:24

Kasi ha miisu mya me, kidziingu kyaami kyahele mufunu, kasi miri mufunu kuri meenu kusukisa nzila yaami na kisalu ki nyataamburi kuri Mfumu Yesu, kya kweta kimbaangi mu Musamu Wamubwete mu bweese bwa Nzaambi.

Biyiriki bya Bantumu 21:13

Haho, Pawulo wabvutula ti: "Nki luri mu kusa mu kudiila na mu kutabula me mutima? Me nyayirima, kari mu kunu kuri ti bankaanga bikonyi ko, ngo na mu kufwa ku Yerusalemi mu nkuumbu ya Mfumu Yesu."

Biyiriki bya Bantumu 4:31

Bu baba mu kusaambila, kibeendu ki baba bakutukina kyatembele, na bo baluula mu Mpeeve Yangisi, na babeke kweyikisaa maampu ma Nzaambi mu nsiitu.

Mukaanda kuri bari Loma 12:1

Hango me nyisyaamisa beenu bampaangi, mu kyaari kya Nzaambi, mu kuyekele manyutu meenu bunu kikabu kyamwooyo, kyangisi na kyabweeye kuri Nzaambi. Yiyo ngo nsambukulu yangwanwa kuri beenu.

Mukaanda kuri bari Loma 5:5

Nsiitu dzadzusaa muutu nsoni ko, bukuri kuri Mpeeve Yangisi yibari batuha, yatsaamuna ntiilu ya Nzaambi mu mitima myeetu.

Mukaanda kuri bari Loma 6:13

Yaa lusalila binamu byeenu, bunu bisalulu bya bubayi mu kuyirika masumu ko. Ngo kasi beenu-meene salileenu Nzaambi, bunu baatu bamwooyo bafulukusu mu bafwa, na salileenu binamu byeenu, bunu binwaanunu bya nsungumunu mu kusalila Nzaambi.

Mukaanda kuri bari Loma 6:19

Mu kimuutu me nyiri mu kudzoonsolo, mu ntoono ya muswinyi wahele na makwa. Bunu bu lwasariri binamu byeenu bunu bankutu kuri nsumukunu na kuri bubi, mu ntoono mamabi, bunubwo se mu lumalu, salileenu binamu byeenu bunu bankutu kuri nsungumunu, mu ntoono bungisi.

Mukaanda kuri bari Loma 8:19

Mukwongo, nsi yoyinso yiri mu kwekiingila mu kinsukulu-mutima, ntaangu mbasi-tsuku, yi yabakana baala ba Nzaambi.

Mukaanda kuri bari Loma 9:33

bunu bu diri dyatinu ti: «Mono, me nyisuusa mu Syoni, tari dya mbumukunu makya, lweende dya mbwiisulu makubu. Ngo wunde wusiila kanyi mu nde, kafwa nsoni ko.»

1 Kol 15:31

Mpisi kiluumbu me nyiri muutu wafwa; mu didyo, bampaangi, me nyisiingisa kimweese kyaami mu beenu, kikyo ki nyiri na kyo mu Kiristo Yesu Mfumu Yeetu.

1 Kol 6:20

Mukwongo, beenu bayeki balukuula mu ntalu yayinene. Ngo keembeseenu Nzaambi mu nyutu yeenu.

1 Kol 7:34

na wuri mu kwedunga. Mukyeetu wa mfuubi na ntuumba ya nswaasa basanaa minyoongi mu misamu mya Mfumu, mpisi baba bangisi mu nyutu na mu kiluunsi, ngo kasi wakweele wusanaa minyoongi mu misamu mya nsi, wukwesaka bwa kubweeyile kuri mulumi waandi.

2 Kol 10:8

Mukwongo, ti bukuri me nyasii mwaa-kimweese mu bumfumu bwa tuha Mfumu, mu kulutuunga nkani ka mu kulutsyaamuna ko, lo me nyiri na nsoni mu mimyo ko.

2 Kol 3:12

Bu turi na nsiitu dza bubwo, ngo turi mu kwesalila mu nsiitu dzodzinso.

2 Kol 4:10

Mantaangu momanso, tukwenata mwomunso, lufwa lwa Yesu mu nyutu yeetu, mpisi heki bumwooyo bwa Yesu se, buba bwamonokono mu nyutu yeetu.

2 Kol 5:15

Nde wafwiila mu bobanso, mpisi heki bamwooyo bahele kubweese kuba bamwooyo mu bo-meene, ngo mu wunde wafwiiri na wafulukiri mu ntoono bo.

2 Kol 7:14

Ngo mbuti ha busu bwa nde, me nyasoongiri kimweese mu ntoono beenu, lo me nyasii mono nsoni mu mimyo ko, ngo kasi bunu buri ngwanwa yoyinso yi turi twaleele kuri beenu, bunubwo se kimweese ki twasoongiri kuri Tito mu ntoono beenu, kiri kyangwanwa.

2 Kol 7:4

Me nyiri na nsiitu yalaka mu beenu, nyiri na kimweese kyalaka mu beenu, me nyaluula mu mboondulu, me kiminu kyabuukula kunsa mpasi dzeetu dzodzinso.

Mukaanda kuri bari Filipo 1:14

na balaka mu bampaangi, ba mwaasiila nsiitu mu Mfumu, mu ntoono boroko dya me, na babweese kubaka kibakala mu kuyikisa maampu kwahele boomo.

Mukaanda kuri bari Filipo 2:17

Ngo ti hayuku makila ma me bamayitiri ha yulu kikabu kya kuha kuri Nzaambi, mu kisalu kya kanyi dya beenu, lo me nyimono kiminu, nyimono kiminu ha kimosi na beenu-banso.

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

1 Tes 5:23

Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

1 Pet 4:16

Ngo mbuti nde mpasi kumono mu nkuumbu ya mukiristo, lo yaa kamono nsoni ko, ngo kakeembese Nzaambi mu nkuumbu yiyo.

1 Yow 2:28

Na mu lumalu, mwaa-baala, seenee kikuundi mu nde. Mpisi heki, mbuti nde monikini, lo tubeeneenu na nsiitu, na tuhelee kufwa nsoni la na nde, mu ntaangu ya nyisulu yaandi.