Mukaanda kuri bari Filipo 1:10 - Musamu Wamubwete 2013

¹⁰ mu kuyaaba kusobokoso miri mufunu. Mu bubwo beenu luba batsyeemeke, na kuhele kuba na mi baluseembele mu kiluumbu kya Kiristo,

Mukaanda kuri bari Filipo 1:10 Iomraidhean Croise

Musamu wamubwete watina Matayi 16:23

Yesu bu kasyeeteke, waleele kuri Petelo ti: «Satana, ba ku mambisa ma me. Ye wubumisa me makya, bukuri ma wutsima ye mari ma Nzaambi ko, ngo ma baatu».

Musamu wamubwete watina Matayi 26:33

Petelo wabvutula, waleele kuri nde ti: «Ti hayuku bobanso babwiiri mu ntoono ye, me ka nyiri mbwiila ko.»

Musamu wamubwete watina Yowane 1:47

Yesu wamono Natanahele wuri mu kwiisa kuri nde, waleele mu ntoono nde ti: «Mono mu-Isaheli wangwanwa, mu nde mwahele kuba mawunu.»

Musamu wamubwete watina Yowane 3:20

Bukuri, mpisi wunde wuyirikaa mamabi wubelaa buungi, na wahele kwiisa kuri buungi, mu kubata kuri ti biyiriki bya nde biba byayabakana;

Biyiriki bya Bantumu 24:16

Me-meene nyisalila kwa mu kumonoko kwahele maseembu mu nsimunu yaami, ha busu bwa Nzaambi, na ha busu bwa baatu mu mantaangu momanso.

Mukaanda kuri bari Loma 12:2

Yaa lunama bifu bya ntaangu yimayi ko, ngo kasi beenee bakituka mu nkitukulu ya kiluunsi, mpisi lufyongokono bunu buri kutya kwa Nzaambi, kwakubwete, kwatya na kuri na nyirimunu yakuka.

Mukaanda kuri bari Loma 12:9

Ntiilu yiba yahele na bumpitu-bumpyoongo. Yitikee mamabi, kaangamee mu mamabwe.

Mukaanda kuri bari Loma 16:17

Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;

Mukaanda kuri bari Loma 2:18

Ye yaari kutya kwaandi, wusaanaa nsobokoso mu mari mufunu, wayikusu mu mangisi.

Mukaanda kuri bari Loma 7:16

Ngo mbuti, mamo mari ntii ko ngo ma nyiyirika, lo me ntaamburi ti mangisi mamabwete.

Mukaanda kuri bari Loma 7:22

Me nyimono kiminu mu mangisi ma Nzaambi, bunu buri muutu wa kunsa-kati.

Mukaanda kuri bari Loma 8:7

Hango-nkuumbu, ndyaatulu ya muswinyi yiri kitaatu na Nzaambi, yahele kutumuma mu mangisi ma Nzaambi, na ka yitsiitsa kubangisina ko.

1 Kol 1:8

Nde ngo wulukumisa natee kunu manunu, mpisi heki luba bahele maseembu mu kiluumbu kya Mfumu yeetu Yesu Kiristo.

1 Kol 10:32

Yaa lwebumisa baatu makya ko, ti Bayudayo, ti Bahelene, ti dibuundu dya Nzaambi,

1 Kol 8:13

Hango-nkuumbu, mbuti kyandya kibumisa mpaangi yaami makya, lo ngwanwa me mbweese kudya toongo mu mantaangu momanso ko, mpisi heki me mpelele kubumisa mpaangi yaami makya.

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

2 Kol 2:17

Mukwongo, beetu turi bunu bakaka bakweyarika maampu ma Nzaambi ko; ngo kasi mu ngwanwa, mu nkuumbu ya Nzaambi na ha busu bwaandi, beetu turi mu kwedzoonsolo mu Kiristo.

2 Kol 6:3

Beetu twahele kubumisa muutu makya mu ntoono ti mosi, mpisi heki kisalu kihele kuba kyasaanu.

2 Kol 8:8

Me nyahele kuluha lutumu, kasi me nyiludzoonsolo mu kuheme kya bambaasi, mu kuri ti beenu se lusoongo bungwanwa bwa ntiilu yeenu.

Mukaanda kuri bari Ngalatya 5:11

Me ngo wuri, bampaangi, mbuti me nyakiri mu kweyikisa nteendulu bubakala, lo mu nkya ntoono bari mu kubweese kwenkwaamisa? Haho ngo hari lo, musamu kuruwa wahele kubweese kubumisa baatu makya.

Mukaanda kuri bari Efeso 4:15

Ngo kasi habaanaa tukwedzoonso ngwanwa mu ntiilu, lo tukwebuuka mu nde mu momanso; nde Kiristo, wuri mutu.

Mukaanda kuri bari Efeso 5:10

Yaabeenu kuswaasisa mari mamabwe ha busu bwa Mfumu,

Mukaanda kuri bari Efeso 5:27

mpisi kamonokoso kuri nde-meene, dibuundu dyakeembusu, dyahele na mpita bunu pe mihonyi, bunu pe kitotolo kyafwanikina na bibyo, ngo kasi diba dyangisi na dyahele maseembu.

Mukaanda kuri bari Efeso 6:24

Bweese buba kuri bobanso, batyaanaa Mfumu yeetu Yesu Kiristo, mu ntiilu yiri yabiiyaa ko.

Mukaanda kuri bari Filipo 1:16

Babamosi mu ntiilu, bu bayaari kuri ti, mu ntoono ya kukalila Musamu Wamubwete me nyiri mu boroko,

Mukaanda kuri bari Filipo 1:6

Me nyiri na nsiitu mu dimadi: wunde wabaandika kisalu kyakibwe mu beenu, sa kamana kyo natee mu kiluumbu kya Yesu Kiristo.

Mukaanda kuri bari Filipo 2:16

bu luri lwakaangama mu maampu ma mwooyo. Mu mimyo me nyiba na kimweese mu kiluumbu kya Kiristo, bukuri me nyasii kudzumuna kwa buunu ko, na nyasii mono mpasi kwa buunu ko.

1 Tes 3:13

Hemese nde kakumisa mitima myeenu, mpisi heki beenu luba bangisi na bahele maseembu ha busu bwa Taayi dyeetu Nzaambi, mu ntaangu ya nyisulu Mfumu yeetu Yesu kintwaari na bangisi baandi bobanso. [Amene].

1 Tes 5:21

ngo fyongokineenu myominso, lukebe myamibwete.

1 Tes 5:23

Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

1 Yow 4:1

Banduku ba mutima, yaa lwesiila kanyi mu mpisi mpeeve ko, ngo fyongokinee mampeeve, mbuti ma Nzaambi mari; bukuri babikiri bampya balaka bamwaakwiisa mu nsi.

Nyabusulu ya Yowane 2:2

Me nyaari biyiriki bya ye, kisalu na kifiki kyaaku. Me nyaari ti ye wakuunda bababi ko, na ye watsiitsiri babo bakweleele bo-meene ti bo bantumu, ngo bo bari bantumu ko, na ye wamwii ti bangaa-mpya bari.