Musamu wamubwete watina Yowane 4:6 - Musamu Wamubwete 2013

⁶ Haho haba kitekulu kya Yakobe. Yesu waba mwaaholo bito mu kweyende mu nsi, ha kadzakiri bebele na kitekulu; kyaba kweki kampe kilookolo kya bisaamunu.

Musamu wamubwete watina Yowane 4:6 Iomraidhean Croise

Musamu wamubwete watina Matayi 27:45

Kuholosono mu kilookolo kya bisaamunu natee mu kyawa, mampimbisi mabwa mu butoto bwobunso.

Musamu wamubwete watina Matayi 4:2

Bu kakoto loomi mu biluumbu makuumi mana ma mwiini na makuumi mana ma butsuku, ku manunu nde wakolo nzala.

Musamu wamubwete watina Matayi 8:24

Butoto bwatembele mu makwa kunsa mubu, kuri bwaatu bweki dyaama mu mipaku, ngo kasi nde waba tolo.

Musamu wamubwete watina Luka 2:7

Nde wabuta mwaana waandi wa mubakala watete. Nde wamudziinga mansaanda na wamuneŋesene munsa kidiilulu kya bibulu; bukuri bo basii baka kibeendu ko mu nzo banzeense.

Musamu wamubwete watina Luka 9:58

Yesu waleele kuri nde ti: «Mibaku miri na miduku, na banoni ba yulu bari na madzaansa; ngo kasi Mwaana muutu wahele na ha kasuusa muutu.»

Musamu wamubwete watina Yowane 11:9

Yesu wabvutula ti: «Buri kwahele bilookolo kuumi na byoolo mu kiluumbu? Mbuti muutu wukweyende mu mwiini, lo kabumina nkya ko, bukuri nde wumono buungi bwa nsi yi.

Musamu wamubwete watina Yowane 4:12

«Buri ye bvuri bukuutu na taayi dya beetu Yakobe? Nde watusisikila bulu dimadi, na nde-meene wanwiini maampa ma bulu di, baala baandi na mpuumbu bibulu byaandi se.»

Musamu wamubwete watina Yowane 4:5

Nde watubuka ha bvula dimosi dya ku Samariya diri nkuumbu Sikari, bebele na nseke ya heeri Yakobe kuri mwaana waandi, Yosefi.

Musamu wamubwete watina Yowane 4:7

Mukyeetu mosi wa ku Samariya wayisa mu kuteke maampa. Yesu waleele kuri nde ti: «Ha me maampa ma kunwa.»

2 Kol 8:9

Mukwongo, beenu luyaari bweese bwa Mfumu yeetu Yesu Kiristo: nde waba kisina, kasi mu ntoono beenu, walwaata buwelu, mpisi heki mu buwelu bwaandi, beenu luba bisina.

Mukaanda kuri Bahebeleho 2:17

Mu didyo, nde kaba kafwanikina na bampaangi baandi mu myominso, mpisi kaba mukuutu bangaanga-nzaambi, ngaa-ngebe na wakwiikama mu kisalu kya Nzaambi, mu kufuta masumu ma baatu.

Mukaanda kuri Bahebeleho 4:15

Mukwongo, mukuutu bangaanga-nzaambi wu turi na nde, wakuka mu kutubakisa mu buyonsi bweetu. Nde bamukotoso mu nsindukulu mu myominso bunu beetuneenu, ngo kasii bwa mu masumu ko.