Musamu wamubwete watina Yowane 3:5 - Musamu Wamubwete 2013

⁵ Yesu wabvutula ti: «Ngwanwa mu ngwanwa, me nyikuleele ti, mbuti muutu wahele kubutuka mu maampa na mu Mpeeve, lo kabangusina kukoto mu Kimfumu kya Nzaambi ko.

Musamu wamubwete watina Yowane 3:5 Iomraidhean Croise

Musamu wamubwete watina Matayi 18:3

na waleele ti: «Mu ngwanwa me nyiluleeriri, mbuti beenu luyiingiri ko, na lukitukiri bunu mwaa-baala bantele ko, lo beenu lukoto mu Kimfumu kya mayulu ko.

Musamu wamubwete watina Matayi 19:24

Nyiluleele lukimi, bubvuriri kuleenge kuri kamelo, mu kuluta ha wuri dya noongo, ti na kisina mu kukoto mu Kimfumu kya mayulu.»

Musamu wamubwete watina Matayi 21:31

Na mu bo boolo wayirika kutya kwa taayi?» Bo baleele «watete». Yesu waleele kuri bo ti: «Mu ngwanwa me nyileele kuri beenu ti: Batori ba mpaku na bakyeetu ba biyala sa balutekisile mu Kimfumu kya Nzaambi.

Musamu wamubwete watina Matayi 28:19

Hango, bu lukweende, seenee makaanda momanso bayiki, mu kubabotoko mu nkuumbu ya Taata, na ya Mwaana, na ya Mpeeve Yangisi,

Musamu wamubwete watina Matayi 3:11

Me nyilubotoko mu maampa mu ntoono nyiingulu madyeele; ngo wunde wukwiisa ku mambisa ma me, bvuriri makwa na me, me nyahele kukuka mu kusyonono masapaatu ma nde. Nde sa kalubotoko mu Mpeeve Yangisi na mu mbaawu.

Musamu wamubwete watina Matayi 5:20

Mukwongo, me nyiluleele ti: mbuti nsungumunu yeenu yahele kubvula ti na ya batini ba mangisi na Bafarisi, lo beenu luri nkotulu mu Kimfumu kya ma mayulu ko.»

Musamu wamubwete watina Malako 10:14

Yesu wamono dyo ti bwabubi, na waleele kuri bayiki baandi ti: «Hemesee mwaa-baala biisa kuri me. Yaa lubakakisila ko, bukuri Kimfumu kya Nzaambi kiri kya bafwaanikina na bo.

Musamu wamubwete watina Malako 16:16

Wunde wusiila kanyi, na wutaambula mbotokulu sa kabvuuka, ngo wunde wuhele kusiila kanyi sa bamukesele mukanu.

Musamu wamubwete watina Malako 9:47

Mbuti diisu dyaaku dibwiisa ye mu masumu, lo hokolo dyo; buri bwabubwete mu ye, mu kukoto na diisu dimosi mu Kimfumu kya Nzaambi, ti na kuba na miisu myoolo, ngo bakutubiri ku lubila,

Musamu wamubwete watina Luka 13:24

«Nwanikinee mu kukoto mu mweelu wasweeteme, bukuri me nyiluleele ti, balaka sa basaka kukoto, ngo ka babangusina ko.»

Musamu wamubwete watina Luka 13:3

Pele, me nyileele kuri beenu ti, mbuti beenu luyiingiri madyeele ko, lo beenu-banso se sa lwafwa bunu bo.

Musamu wamubwete watina Luka 13:5

Pele, me nyileele kuri beenu ti, mbuti beenu luyiingiri madyeele ko, lo beenu-banso se sa lwafwa bunu bo.»

Musamu wamubwete watina Yowane 1:13

bahele kubutuka mu makila, mu kutya kwa muswinyi, na mu kutya kwa muutu, ngo kasi mu Nzaambi.

Musamu wamubwete watina Yowane 3:3

Yesu wabvutula na waleele kuri nde ti: «Ngwanwa mu ngwanwa, me nyikuleele ti, mbuti muutu wahele kubutuka mbutukulu yamoono, lo kabangusina kumono Kimfumu kya Nzaambi ko»

Musamu wamubwete watina Yowane 3:4

Nikodemo [nde] waleele kuri nde ti: «Dyaburi muutu katsiitsa kubutuka, habaanaa weki kinuni? Buri lo bweesiri kukoto mu mwooyo nguri yaandi, na kubutuka lwadzoolo?»

Biyiriki bya Bantumu 2:38

Petelo waleele kuri bo ti: "Yiingeenu madyeele [bubwo kaleeriri] na mosi-mosi mu beenu kataambula mbotokulu mu nkuumbu ya Yesu Kiristo, mu mpemusunu ya masumu ma beenu, tumi lutaambula kikabu kya Mpeeve Yangisi.

Biyiriki bya Bantumu 3:19

Hango, yiingeenu madyeele na seenee kanyi, mpisi heki masumu ma beenu maba mayaalu,

Mukaanda kuri bari Loma 14:17

Mukwongo, Kimfumu kya Nzaambi kiri mu byandya na mu nwiinu ko, ngo nsungumunu, kiyeengi, na kiminu mu Mpeeve Yangisi.

Mukaanda kuri bari Loma 8:2

Bukuri, ngisi ya Mpeeve, ya bumwooyo mu Kiristo Yesu, yayeki yakuula me mu ngisi ya masumu na ya lufwa.

1 Kol 15:50

Ngo bampaangi, me bu nyiri mu kuleele ti: muswiini na makila ka bitsiitsa kukondolo saala dya kimfumu kya Nzaambi ko, na mbolulu ka yiri nkondolo kiteesu kyahele mbolulu ko.

1 Kol 2:12

Ngo beetu twahele kutaambula mpeeve ya nsi; kasi Mpeeve yafumuna kuri Nzaambi, mpisi heki tuyaaba bikabu bya bweese bwa Nzaambi.

1 Kol 6:11

Babamosi mu beenu bubwo baba, kasi lwayeki lwaswaaku, lwayeki lwataambula bungisi, lwayeki lwalulukusu mu nkuumbu ya Mfumu Yesu Kiristo, na mu Mpeeve ya Nzaambi yeetu.

Mukaanda kuri bari Ngalatya 6:15

Mukwongo, kuba wateende bubakala bunu pe kuhele kuba wateende bubakala kuri mufunu ko; ngo biri mufunu kuba kiyiriki kyamoono.

Mukaanda kuri bari Efeso 5:26

Nde wadisa dyangisi mu kuditsyeemese mu nswaakulu ya maampa, kunsa Maampu;

1 Pet 1:2

bunu buri nyaabulu yatekesele ya Taata Nzaambi, mu mpeelu bungisi ya Mpeeve, mu ntumumunu na nyakunu makila ma Yesu Kiristo. Bweese na kiyeengi biba byafunusu kuri beenu!

1 Pet 3:21

Kikyo kyaba kifwaani kya mbotokulu, yilubvuukisa mu lumalu, mbotokulu yiyo yiri ya nswaakulu mviindu dza muswinyi ko, ngo ntambukulu Nzaambi mu kitsimi, mu nzila ya mfulukulu Yesu Kiristo,

1 Yow 2:29

Mbuti beenu luyaari ti nde wasuunguma, lo yabee se ti mpisi wunde wusalilaa nsungumunu, lo wabutuka mu nde.

1 Yow 5:1

Mpisi wunde wusa kanyi ti Yesu ngo Kiristo, lo nde wabutuka kuri Nzaambi, na mpisi wunde wutiiri mubuti, lo katya se wabutuka kuri nde.