Musamu wamubwete watina Yowane 15:2 - Musamu Wamubwete 2013

² Nde kooyisilaa mpisi kimpaala kiri mu me, kyahele kuha bimbutu; na nde wu bweeyesaa mpisi kimpaala kiri na bimbutu, mpisi kabvula kubuta bimbutu.

Musamu wamubwete watina Yowane 15:2 Iomraidhean Croise

Musamu wamubwete watina Matayi 13:12

Mukwongo, kuri wunde wuri na kitotolo, sa bamuha, na sa kaba wabuukila mu bitotolo; ngo kasi, kuri wahele na kitotolo, sa bamuyisila na kikari na kyo.»

Musamu wamubwete watina Matayi 13:33

Yesu wabweese kubateele nkuma yikimi ti: «Kimfumu kya mayulu, kyafwanikina na lufunusu, luri mukyeetu bu kaluhoriri, yitiri biteesu bitatu munsa fufu, natee kuditoomboko dyodinso.»

Musamu wamubwete watina Matayi 15:13

Yesu wabvutula waleele kuri bo ti: «Mpisi muti, wuri kari Taayi dyaami dya ku yulu wakuna ko, sa kaba watuubula.

Musamu wamubwete watina Matayi 21:19

Nde watalila mungenge mu nzila na wakokosolo kuri nde, ngo kasii mono kitotolo ko, ha yulu mani makaya kitsu. Na wamuleele ti: «Fuu kya bufulukutuu, ye wuri mbakila bimbutu ko!» Na ha nsi na nsi mungenge wakana.

Musamu wamubwete watina Matayi 25:29

Mukwongo, kuri wunde wuri na byobinso, sa bamuha, na sa kaba wabuukula mu bitotolo. Ngo kasi kuri wunde wahele na kitotolo, na ki kari na kyo sa bayisila.

Musamu wamubwete watina Matayi 3:10

Kikuba kyeki kyasuusa ha yulu myaansi mya muti; ngo mpisi muti wahele kubuta bimbutu byabibwete, lo wa kutabala na wa kutuba ku mbaawu.

Musamu wamubwete watina Matayi 3:12

Nde wuri na kiyengese mu kooko kwaandi, sa kakoombolo mbasi yaandi, sa kakutukisa mankono maandi ku yulu talaka, ngo sa kayoko bitiiti ku mbaawu yiri yadzimaa ko.»

Musamu wamubwete watina Matayi 7:19

Mpisi muti wahele kubuta bimbutu byabibwete, lo wa kukwaanga na wa kutuba ku mbaawu.

Musamu wamubwete watina Malako 4:20

Babo bari bunu nsaangi dzibwiiri ha butoto bwabubwete, ngo babo bari bu bayukiri Maampu, bamataamburi na babutiri bimbutu: wamosi makuumi matatu, wakaka makuumi masaamunu, na wakimi nkama.»

Musamu wamubwete watina Luka 8:13

Bari ha yulu tari, ngo babo bari bu bayukiri, bataamburi maampu mu kiminu, ngo kasi bo bahele na myaansi. Bo basa kanyi mu mwaa-ntaangu mosi, ngo mu ntaangu ya nsindukulu basasukiri.

Musamu wamubwete watina Yowane 15:1

«Me ngo bviinya dyangwanwa, na Taata ngo muhati nseke bviinya.

Musamu wamubwete watina Yowane 15:16

Kari beenu lwasooriri me ko; kasi meenu nyalusooriri na nyalusuusa, mpisi heki beenu lweende na lubuta bimbutu, na bimbutu byeenu binamitina kuba, mpisi heki ma luloombo kuri Taata mu nkuumbu yaami, nde kaluha.

Musamu wamubwete watina Yowane 15:3

Beenu lweki lwatsyeeme, mu ntoono maampu ma nyiluleeriri me.

Musamu wamubwete watina Yowane 15:6

Mbuti muutu wahele kunamintina kuba mu me, lo kumulooso ku mbasi, bunu kimpaala, na kikanini. Bimpaala byakana babikutukisaana, babitubiri ku mbaawu, na biyiiri.

Musamu wamubwete watina Yowane 15:8

Mu bumabu Taayi dyaami kaba wakeembese, habaanaana beenu lubuta bimbutu byalaka, na lusoongo kuri ti beenu bayiki baami.

Musamu wamubwete watina Yowane 17:12

Mu ntaangu yi nyabeeri na bo, me nyabee bakebaana mu nkuumbu yaaku, yi wuri wampa. Me nyabee kwebakalaana, na kuri ti mosi mu bo wadziimbiri ko, ha yulu wunu mwaana wanzimbukulu, mpisi heki Matinu meende mu mana.

Mukaanda kuri bari Loma 11:17

Ngo mbuti mu muti wu bakunini, bimpaala byabimosi byatabulu, na ye wuri muti wa ku musitu, bakukwiikiri mu muti wunde, mu kuba kintwaari na bimpaala byasaala, na kutaambula maampa mafumuna mu myaansi,

Mukaanda kuri bari Loma 11:22

Ngo moneeti buri mbweeyulu-mutima, na nkubulu mutima ya Nzaambi: nde wuri na nkubulu mutima kuri babo babwa, ngo wuri na mbweeyulu-mutima kuri ye, mbuti ye namitini kuba kunsa mbweeyulu mitima yiyo, mbuti ka bubwo ko, lo ye se sa bakuyusula.

Mukaanda kuri bari Loma 8:28

Beetu tuyaari kuri ti, byobinso bisalisinaana mu bubwe bwa batyaanaa Nzaambi, babo bakari kateele mbila bunu buri bitaasi byaandi.

1 Kol 13:1

Mbuti me nyidzoonsaa mandiinga ma baatu, na ma bambasi, ngo nyahele na ntiilu, lo me nyeki nguunga bunu pe ngomo yi bari mu kusika.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Bahebeleho 12:15

Seenee madyeele, mpisi muutu kahele kubisa bweese bwa Nzaambi, na kuhele kuba mwaansi wankari wumene mu kukotoso kisaangila, na kubiyisa baatu balaka.

1 Yow 2:19

Bo bapariri ha kakati dya beetu, ngo basii kuba ba beetu ko; bukuri mbuti ngo, baba ba beetu, nkani baketi kudzakala na beetu. Bo bapariri mpisi diba dyayabakana ti bobanso bari ba beetu ko.

Nyabusulu ya Yowane 3:19

Me nyiŋaŋanaa na nyiseembaa bobanso bari nyibatiiri; mu didyo, ba na kuheme na yiinga madyeele.