1 Tim 1:4 - Musamu Wamubwete 2013

⁴ yaa bakaangama mu bimpa, na mu miloongo mya kinkaaka myahele kusuka; myominso mimyo mitwaalaana nkalikisi, ha kibeendu kya kukukisa kitsimi kya Nzaambi kiri mu kanyi.

1 Tim 1:4 Iomraidhean Croise

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

Mukaanda kuri bari Efeso 3:2

Kampe beenu lwayukiri, bunu buri kisalu kya bweese bwa Nzaambi kibari baha me, mu ntoono beenu.

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

1 Tim 4:7

Ngo looso mankuma ma bungooyi na ma bakyeetu ba binuni. Yende wetsitsikila bwa kubeele na kinzaambi ye-meene.

1 Tim 6:11

Ngo ye muutu Nzaambi, bata misamu mimyo. Yende wesaka nsungumunu, kinzaambi, kanyi, ntiilu, nkindusulu-mutima, bundeembu.

1 Tim 6:20

Ye Timoteho, kebe maampu ma bari bakuha, yende webata nzoonsulu dza bungooyi dza mukangala, na nkalikisi dza madyeele mampya,

2 Tim 2:14

Babaambula mwooyo mu mamama, wubayingukila ha busu bwa Nzaambi, yaa beyumuna mu bitoolo ko. Mimyo myahele mufunu, mbuti ka wa kudziimbisa baatu bayuka myo ko.

2 Tim 2:22

Yitika mantiilu ma butuuti, saka nsungumunu, kanyi, ntiilu, na kiyeengi mu kintwaari na babo bayingukilaa Mfumu mu mutima watsyeemeke.

2 Tim 2:23

Looso nzoonsulu dza buwulu na dza budzeeke, bu yaari kuri ti dzitwaalaa bikiindu.

2 Tim 4:4

Bo sa babisa kuyuka ngwanwa, na sa basyeeteke mu kweyuka mankuma.

Mukaanda kuri Tito 1:1

Me Pawulo, nkutu Nzaambi, ntumu Yesu Kiristo mu mitariri kanyi dya basoolu ba Nzaambi, na mu mitariri nyaabulu ngwanwa bunu buri kinzaambi,

Mukaanda kuri Tito 1:14

bahele kwekaangama mu mankuma ma Bayudayo, na mu ntumunu dza baatu babisa kusalila ngwanwa.

Mukaanda kuri Tito 3:9

Yelemini kwebata nkalikisi dza buwulu, miloongo mya kinkaaka, mayumu na kubakana mu mitariri mangisi: bibyo byahele mufunu na byabuunu.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

2 Pet 1:16

Mukwongo, kari mu kwenama bimpa byabalu mu madyeele ko, beetu turi twaluyaabisila mpinu na monokunu ya Mfumu yeetu Yesu Kiristo, ngo beetu-meene, twaba bambaangi bamono mu miisu bunene bwaandi.