1 Tes 4:4 - Musamu Wamubwete 2013

⁴ Mpisi muutu mu beenu kayaaba kuhololo mukasi waandi, kunsa bungisi na lukiinsu,

1 Tes 4:4 Iomraidhean Croise

Biyiriki bya Bantumu 9:15

Mfumu waleele kuri nde ti: "Yende, bukuri weki kisalulu kya me ki nyiri nyasoolo, mu kunata nkuumbu yaami ha busu bwa makaanda, na se ha busu bwa bambyaasi na baala ba Isaheli;

Mukaanda kuri bari Loma 1:24

Hango-nkuumbu, Nzaambi kari kabayekele mu nsumukunu mu nzila ya nyiimunu dza mitima myaaku, mu kuhele kukiinsa manyutu ma bo-meene.

Mukaanda kuri bari Loma 12:1

Hango me nyisyaamisa beenu bampaangi, mu kyaari kya Nzaambi, mu kuyekele manyutu meenu bunu kikabu kyamwooyo, kyangisi na kyabweeye kuri Nzaambi. Yiyo ngo nsambukulu yangwanwa kuri beenu.

Mukaanda kuri bari Loma 6:19

Mu kimuutu me nyiri mu kudzoonsolo, mu ntoono ya muswinyi wahele na makwa. Bunu bu lwasariri binamu byeenu bunu bankutu kuri nsumukunu na kuri bubi, mu ntoono mamabi, bunubwo se mu lumalu, salileenu binamu byeenu bunu bankutu kuri nsungumunu, mu ntoono bungisi.

1 Kol 6:15

Buri beenu lwahele kuyaaba ti, manyutu ma beenu ngo binamu bya Kiristo? Buri me lo mporiri binamu bya Kiristo mu kubikitula binamu bya mukyeetu wa kiyala? Ti bele na dyo pe!

1 Kol 7:2

Ngo kasi, mu kubata buyala, mpisi bakala kaba na mukasi wa nde-meene, na mpisi mukyeetu se kaba na mulumi wa nde-meene.

1 Kol 7:9

Ngo mbuti bahele kubangisina kukebe manyutu, lo bakweele; bukuri bubvuriri bubwete mu kukweele ti na kuya mbaawu.

2 Kol 4:7

Beetu tukwenata busina bumabu, mu bisa bya tubuumbu, mpisi heki mpinu dza kiteesu kyalutila, dziba dza Nzaambi nkani ka dza beetu ko.

Mukaanda kuri bari Filipo 4:8

Mu misiiri ngo miri bampaangi, myominso miri myangwanwa, myominso myalukiinsu, myominso myasuunguma, myominso myatsyeemeke, myominso mi batiiri, myominso myamibwe mu kuleele, na mbuti kuri manzelu mamabwete, na myayelemene kusiika, lo tsiminee myominso mimyo.

Mukaanda kuri Bahebeleho 13:4

Hemese makweele maba makiinsa kuri bobanso, na mbuka ya makweele yaa yiba yasumunu ko, bukuri Nzaambi sa katsuundisa biyala na bangaa-kimpala.

1 Pet 3:7

Balumi se bwobumosi, dzakaleenu mu kintwaari kunsa nyukusunu, bunu bu luyaabiri buyonsi bwa kitsuumbu kya bakyeetu. Bakiinseenu, bukuri bo se bari bakoondiri ba saala dya bweese bwa kidziingu. Yirikee bubwo, mpisi heki nsaambulu dzeenu dzihele kuba dzakakusulu.