1 Tes 4:3 - Musamu Wamubwete 2013

³ Kutya kwa Nzaambi kuri ti, beenu luba bangisi na luhele kwesalila buyala.

1 Tes 4:3 Iomraidhean Croise

Musamu wamubwete watina Matayi 12:50

Bukuri mpisi wunde wuyirika kutya kwa Taayi dya me diri ku mayulu, lo wunde wuri mpaangi me, kibusi kya me, na nguri me.»

Musamu wamubwete watina Matayi 15:19

Bukuri mu mutima mu palaana: bitsimi byabibi, munzusu baatu, kimpala, buyala, kwiibi, bimbaangi byampya na nsaanunu.

Musamu wamubwete watina Matayi 5:32

Ngo me nyiluleele ti: mpisi wunde wubinga mukasi waandi, mbuti ka kuri wabwa mu mvuutunu yadika ko, lo nde wumusinda mu kuta kimpala; na mbuti muutu kweeriri mukyeetu wu bamwaabinga, lo nde teeri kimpala.»

Musamu wamubwete watina Matayi 7:21

«Kari mpisi wuleelaa kuri me ko ti: "Mfumu, Mfumu", wukoto mu Kimfumu kya mayulu; ngo wunde wuyirikaa kutya kwa Taayi dya me diri ku mayulu.

Musamu wamubwete watina Malako 3:35

[Mukwongo] mpisi wunde wuyirika kutya kwa Nzaambi, lo nde ngo mpaangi me, kibusi kya me na nguri me.»

Musamu wamubwete watina Yowane 4:34

Yesu wabaleele ti: «Byandya bya me ngo kuyirika kutya kwa wunde wampeeke, na kuri ti me mana kisalu kyaandi.

Musamu wamubwete watina Yowane 7:17

Mpisi wutiiri kuyirika kutya kwa nde, lo sa kayaaba mbuti nyikusulu dzidzo dza Nzaambi, bunu pe, mu me-meene nyiri mu kwedzoonsolo.

Biyiriki bya Bantumu 15:20

Kasi batinineenu mu mukaanda ti yaa besumuka mu biteki ko, yaa besa buyala ko, yaa bedya toongo twa bibulu byadzusa mu tsukusulu muwuumunu, na bedya makila ko.

Biyiriki bya Bantumu 15:29

Beenu biseenu toongo twa bibulu byadzusulu mu kikabu kuri biteki, makila, na toongo twa bibulu byadzusu mu nsukusulu muwuumunu, na buyala; mbuti lukebiri manyutu meenu mu mimyo, lo bubwo bwabubwe lusa. Mamboto menu!

Biyiriki bya Bantumu 20:32

Mu lumalu, me nyiluyekele beenu-banso kuri Nzaambi na kuri maampu ma bweese bwaandi, nde wuri na mpinu dza kutuunga nzo na dza kuha saala kuri bobanso basakumunu.

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Mukaanda kuri bari Loma 1:29

Bayeki baluula mu momanso ma bubayi, mu mutima-bubi, mu ntiki-mboongo, mu nyirikulu mamabi; baluula mu musoki, nzusulu baatu, mu mayumu, mu mawunu, mu ndyaatulu dzadzibi. Bo bangaa-saana,

Mukaanda kuri bari Loma 12:2

Yaa lunama bifu bya ntaangu yimayi ko, ngo kasi beenee bakituka mu nkitukulu ya kiluunsi, mpisi lufyongokono bunu buri kutya kwa Nzaambi, kwakubwete, kwatya na kuri na nyirimunu yakuka.

Mukaanda kuri bari Loma 6:22

Ngo kasi mu lumalu, bu bamwaalukuula mu masumu, lweki bankutu ba Nzaambi, na luri na bimbutu mu mbakulu bungisi. Manunu ya byo, ngo kidziingu kyahele manunu.

1 Kol 1:30

Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

1 Kol 7:2

Ngo kasi, mu kubata buyala, mpisi bakala kaba na mukasi wa nde-meene, na mpisi mukyeetu se kaba na mulumi wa nde-meene.

2 Kol 12:21

Me nyibata kuri ti, ha nyibweese kwiisa, Nzaambi kankulula ha busu bwa beenu, na me nkoto bufwiiri, mu ntoono balaka bayirikiri masumu mu ntaangu yayikulu, na bahele kuyiinga madyeele mu kuhoto kuyirika, mya nsumukunu, mya kimpala na mya buyala.

Mukaanda kuri bari Ngalatya 5:19

Biyiriki bya muswinyi byayabakana, ngo bi: kimpala, nsumukunu, buyala,

Mukaanda kuri bari Efeso 5:17

Hango-nkuumbu, yaa luba madzeeke ko, ngo kasi bakuleenu buri kutya kwa Mfumu.

Mukaanda kuri bari Efeso 6:6

Kari hana ha miisu mya bo ko, bunu ti mu nzala kubweeye kuri baatu, ngo bunu bankutu ba Kiristo bari mu kuyirika kutya kwa Nzaambi, mu mutima wamutsiina.

Mukaanda kuri bari Kolosayi 1:9

Mu didyo se beetu, kuholosono kiluumbu kitwayukiri mamo, twahele kuhoto kusaambila mu beenu, na kuloombo kuri ti, luba lwaluula mu nyaabulu ya kutya kwaandi, mu madyeele momanso na mbakukulu ya kimpeeve,

Mukaanda kuri bari Kolosayi 3:5

Ngo hoteenu kusalila bifu bya nsi: buyala, nsumukunu, mantiilu mamabi, nyiimunu dzadzibi, na ntiki-mboongo yiri nsambukulu-biteki.

Mukaanda kuri bari Kolosayi 4:12

Epafara, wa beenu-meene wuluheekiri mboto. Nde nkutu Kiristo Yesu, wukwelunwanikina mpisi ntaangu mu nsaambulu, mpisi heki beenu luteleme nangwii, luba bakuka mu kuyirika momanso matiiri Nzaambi.

1 Tes 4:2

Mukwongo, beenu luyaari nkya nyikusulu beetu turi twaluha mu nkuumbu ya Mfumu yeetu Yesu.

1 Tes 4:4

Mpisi muutu mu beenu kayaaba kuhololo mukasi waandi, kunsa bungisi na lukiinsu,

1 Tes 5:18

Bvutuleenu matoondo mu myominso, bukuri bubwo buri kutya kwa Nzaambi kuri beenu mu Yesu Kiristo.

1 Tes 5:23

Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

2 Tes 2:13

Beetu ngo bari, tuyelemini kubvutula matoondo kuri Nzaambi mpisi ntaangu, mu ntoono beenu bampaangi batya kuri Mfumu, bukuri Nzaambi walusoolo bunu mintekesele, mu kuba babvuuka kunsa bungisi buluha Mpeeve, na kanyi mu ngwanwa.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Bahebeleho 10:36

Mukwongo, beenu luri na nzala kuba na kifiki, mu kukukisa kutya kwa Nzaambi, na kutaambula bi kari kasa lusiilulu.

Mukaanda kuri Bahebeleho 12:16

Yaa kuba muutu ti mosi, wakiyala bunu pe, wahele kwebvumina bitotolo byangisi, bunu Esawu wayarikiri bukuutu bwaandi mu kilaambu kimosi.

Mukaanda kuri Bahebeleho 13:21

kaluha makwa ma kuyirika myominso myamibwete, mu kukukisa kutya kwaandi, kayirika mu beetu mamo mamabwete, ha busu bwa Yesu Kiristo, kuri nde kuba nkeembu mu bibvu ngo bibvu. Amene!

Mukaanda kuri Bahebeleho 13:4

Hemese makweele maba makiinsa kuri bobanso, na mbuka ya makweele yaa yiba yasumunu ko, bukuri Nzaambi sa katsuundisa biyala na bangaa-kimpala.

1 Pet 1:2

bunu buri nyaabulu yatekesele ya Taata Nzaambi, mu mpeelu bungisi ya Mpeeve, mu ntumumunu na nyakunu makila ma Yesu Kiristo. Bweese na kiyeengi biba byafunusu kuri beenu!

1 Pet 4:2

mpisi heki beenu lunata kidziingu kya muswinyi, mu ntaangu yisiiri, bunu buri kutya kwa Nzaambi, nkani ka buri nyiimunu dza baatu ko.

1 Yow 2:17

Nsi yiri mu kuluta na nyiimunu dzaandi; ngo wunde wuyirikaa kutya kwa Nzaambi, lo wuri na kidziingu mantaangu momanso.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Nyabusulu ya Yowane 22:15

Bambwa, bangaa-makundu, biyala, badzusi, misaambiri mya biteki, na mpisi wunde wutyaanaa mpya, na wusalilaa mpya, ku mbasi baba.