1 Tes 3:4 - Musamu Wamubwete 2013

⁴ Mu ntaangu yi twaba twakiri kuri beenu, beetu twaba kwelulubulaana ti, bee batumonisini manyoongi; ngo bunubwo se mimyo mi mwaakututubukila, na beenu luyaari.

1 Tes 3:4 Iomraidhean Croise

Musamu wamubwete watina Matayi 24:25

Mono, me tekisiri kuluyaabisa.

Biyiriki bya Bantumu 17:1

Bu bataba Amfipoli na Apolonya, bo batubuka ku Tesalonika kwaba Bayudayo na nzo-nkutukunu.

Biyiriki bya Bantumu 17:13

Ngo kasi Bayudayo ba ku Tesalonika, bayabaana ti Pawulo wuri mu kweyaabisa maampu ma Nzaambi ku Beroya, bo bayende kukwo na babeke kunyiingisa mpuumbu na kusa kisaangila.

Biyiriki bya Bantumu 20:24

Kasi ha miisu mya me, kidziingu kyaami kyahele mufunu, kasi miri mufunu kuri meenu kusukisa nzila yaami na kisalu ki nyataamburi kuri Mfumu Yesu, kya kweta kimbaangi mu Musamu Wamubwete mu bweese bwa Nzaambi.

1 Tes 2:14

Mukwongo, bampaangi, beenu lweki minsombisiri mya mabuundu ma Nzaambi, mari mu nkoonsi ya Yudaya, masiila kanyi mu Kiristo Yesu, bukuri beenu se lwabamini kuri ba beenu-meene ba luri nsi mosi, mu misamu myomimosi mya bamini mabuundu mamo kuri Bayudayo.

1 Tes 2:2

Bunu bu luyaari, beetu twamono mpasi na batubamisa ku Filipo, ngo Nzaambi yeetu watusyaamisa mu kuyikisa Musamu waandi Wamubwete kunsa nwaanusunu dzamakwa.

2 Tes 2:5

Beenu lwahele kubaambuka mwooyo ti me nyaluyaabisiri dyo, ha nyaba nyakiri kuri beenu?

2 Tes 3:10

Mukwongo, mu ntaangu yi twaba kuri beenu, beetu twaba luleelaana ti: mbuti muutu katiiri kusala ko, lo yaa kadya se ko.