1 Tes 2:9 - Musamu Wamubwete 2013

⁹ Mukwongo, baambukeenu mwooyo, bampaangi, mu kisalu kya makwa na mpasi dza beetu: beetu twaluyikisa Musamu Wamubwete wa Nzaambi, mu kwesala butsuku na mwiini, mpisi heki ti mosi mu beenu kahele kutubuungula.

1 Tes 2:9 Iomraidhean Croise

Musamu wamubwete watina Luka 18:7

Heki Nzaambi lo wahele kulalama misamu mya ba baandi ba kari kasoolo, bari mu kufuula butsuku na mwiini kuri nde wubakiingisaa?

Musamu wamubwete watina Luka 2:37

Ha mambisa haho nde wasaala mufwiiri natee kukatubuka mibvu makuumi mpoomo na mina. Nde kabaa sasikaa la na Nzo-nzaambi ko. Nde waba salila Nzaambi butsuku na mwiini, mu nkotulu maloomi na mu nsaambulu.

Biyiriki bya Bantumu 18:3

na bukuri waba kisalu kimosi na bo, nde wadzakala kuri bo na wasala kintwaari na bo. Bo baba batuungi ba misaampu.

Biyiriki bya Bantumu 20:24

Kasi ha miisu mya me, kidziingu kyaami kyahele mufunu, kasi miri mufunu kuri meenu kusukisa nzila yaami na kisalu ki nyataamburi kuri Mfumu Yesu, kya kweta kimbaangi mu Musamu Wamubwete mu bweese bwa Nzaambi.

Biyiriki bya Bantumu 20:31

Mu ntoono bubwo, beene naana na baambukeenu mwooyo ti, mu lutaangu lwa mibvu mitatu, butsuku na mwiini, me nyahele kudzimbikina kulubula mpisi nde mu beenu, mu mansangasi.

Mukaanda kuri bari Loma 1:1

Pawulo, nkutu Yesu Kiristo, wataambula mbila mu kuba ntumu na wu bari basoolo mu ntoono Musamu Wamubwete wa Nzaambi.

Mukaanda kuri bari Loma 15:16

mu kuba mu kisalu kya Kiristo Yesu, mu ntoono makaanda, bu nyayekele nyutu mu ntoono Musamu Wamubwete wa Nzaambi, mpisi makaanda maba kikabu kyataambulu, kyasakumunu kuri Mpeeve Yangisi.

Mukaanda kuri bari Loma 15:19

mu mpinu dza bidiimbu na dza bimaangu, mu mpinu dza Mpeeve ya Nzaambi. Mu didyo, me kuholosono ku Yerusalemi na ku lumperi natee ku nkoonsi ya Iluriko, nyakukisila kuyaabisa Musamu Wamubwete wa Kiristo.

1 Kol 4:12

na turi mu kwemono mpasi mu kwesala mu myooko mya beetu-meene. Bakwetutuka, ngo beetu tukwesakumuna; turi bakwaamusu, ngo beetu tukwekuunda;

1 Kol 9:15

Me ngo wuri nyahele kusalila ntoono ti mosi, mu mi nyiri na miswa. Me nyahele kutina mamama mu kuri ti miba mya me. Mukwongo, bubwete bu mfwiiri ti na kuri ti. Kuri muutu ti mosi wukitula kimweese kya me, bunu kitotolo kyabuunu ko.

1 Kol 9:18

Hango museendu me nki nde? Mu kuha kwa mungengi, Musamu Wamubwete wu nyikweyaabisa, mu kuhele kusalila miswa mi nyiri na myo mu Musamu Wamubwete.

1 Kol 9:4

Buri beetu twahele na miswa mu kudya na mu kunwa?

2 Kol 11:27

Me nyasala na nyamono mpasi, me nyakyeelele bitulu bya bwiisi ntaangu ngo ntaangu, nyakolo nzala na mpwiisu, nyakoto maloomi ntaangu ngo ntaangu, nyakuukila kyoosi na nyaba mpene.

2 Kol 11:9

Ha nyaba kuri beenu, bu nyaba na nzala lubakusu, me nyasii diila muutu manene ko; ngo me nyataambula lubakusu kuri bampaangi bafumini ku Makedonya; mu myominso me nyabisiri kuri ti beenu lumbuungula, na sa nyanamitina kubisa ntoono yiyo.

2 Kol 6:5

mu biwa, mu maboroko, mu nwanusunu, mu bisalu byamakwa, mu kwekyeelele bwiisi, mu maloomi,

Mukaanda kuri bari Filipo 4:16

Bukuri bu nyaba nyakiri ku Tesalonika, beenu lwampeeke lubakusu, mbala mosi bunu pe dzoolo.

1 Tes 1:3

Beetu tubaambukaana mwooyo mu biyiriki bya kanyi dyeenu, mu kisalu kya ntiilu yeenu, na mu kifiki kya nsiitu dzeenu mu Mfumu yeetu Yesu Kiristo, ha busu bwa Taayi dyeetu Nzaambi.

1 Tes 2:2

Bunu bu luyaari, beetu twamono mpasi na batubamisa ku Filipo, ngo Nzaambi yeetu watusyaamisa mu kuyikisa Musamu waandi Wamubwete kunsa nwaanusunu dzamakwa.

1 Tes 2:6

Beetu twasiiri saka masiiku mafumuna kuri baatu ko, mafumuna kuri beenu, bunu pe kuri bakimi ko.

1 Tes 3:10

Butsuku na mwiini, beetu turi mu kwesaambilaana kwalaka mpisi tubweese kulumono na kukukisila mari mu kuhele mu kanyi dyeenu.

1 Tim 1:11

dzayelemene na Musamu Wamubwete wu bari bayakisa me, wa nkeembu ya Nzaambi ya kiminu.

1 Tim 4:10

Mukwongo, mbuti turi mu kwebama na kwenwaana, lo bukuri twasa nsiitu mu Nzaambi yamwooyo, yiri mubvuukisi baatu bobanso, mbiki ti bari na kanyi.

1 Tim 5:5

Wunde wuri mufwiiri wangwanwa, lo wunde wayeki wasaala nde mukaka, wasa nsiitu mu Nzaambi, na wunamitinaana mu ndoombulu na mu nsaambulu, butsuku na mwiini.

2 Tim 1:3

Me nkoobvutulaa matoondo kuri Nzaambi, yiyo yi nyisaambilaa mu mutima watsyeemeke, bunu bwaba saambilaa bakuutu. Nyisalilaa bubwo, mu ntaangu yi nyibambukilaa ye mwooyo, mu nsaambulu dzaami butsuku na mwiini kwahele kuhoto.