1 Tes 2:8 - Musamu Wamubwete 2013

⁸ Mu musoongo wu turi na nde mu beenu, beetu turi na kiminu mu kuluha, kari wunu Musamu Wamubwete wa Nzaambi ko, ngo na kidziingu kya beetu-meene se, bukuri beenu luri bampaangi ba mutima.

1 Tes 2:8 Iomraidhean Croise

Musamu wamubwete watina Luka 7:2

Mukuutu nkama bayongolo waba na nkutu mosi ya mutima, yaba yabeele na yeki mu kufwa.

Mukaanda kuri bari Loma 1:1

Pawulo, nkutu Yesu Kiristo, wataambula mbila mu kuba ntumu na wu bari basoolo mu ntoono Musamu Wamubwete wa Nzaambi.

Mukaanda kuri bari Loma 10:1

Bampaangi, ma nyitiisila me kunsa mutima waami, na mu lusaambulu lwaami kuri Nzaambi mu bo, kuri ti baba babvuukusu.

Mukaanda kuri bari Loma 15:29

Me nyaari ti, ha nyikwiisa kuri beenu, me sa nyiisa kuri nyaluula mu lusakumunu lwa Kiristo.

2 Kol 12:15

Me ngo wuri, nyiri na kutya mu kuha bi nyiri na byo, na sa nyaha kidziingu kyaami mu ntoono miheebulu mya beenu. Habaanaa me nyiri na ntiilu yalaka mu beenu, buri lo beenu ntiilu yantele luba na yo mu me?

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

Mukaanda kuri bari Ngalatya 4:19

Baala baami, me nyiri mu kubweese kumono misoongo mya mbutulu, natee kuyirima Kiristo munsa beenu.

Mukaanda kuri bari Filipo 1:8

Mukwongo, Nzaambi mbaangi yaami, me nyilutiiri beenu-banso kwalaka mu lusaambu lwa Kiristo Yesu.

Mukaanda kuri bari Filipo 2:17

Ngo ti hayuku makila ma me bamayitiri ha yulu kikabu kya kuha kuri Nzaambi, mu kisalu kya kanyi dya beenu, lo me nyimono kiminu, nyimono kiminu ha kimosi na beenu-banso.

Mukaanda kuri bari Filipo 2:20

Mukwongo, me nyahele na muutu mukimi ha yulu nde, wuri bitsimi byobimosi na me, wutsiminaa misamu mitariri beenu mu ngwanwa.

Mukaanda kuri bari Filipo 4:1

Mu didyo, bampaangi baami ba mutima, ba ntiiri kwalaka, beenu luri kiminu kyaami na lukoongolo lwaami; ngo banduku ba mutima, beenee na keketee mu Mfumu.

Mukaanda kuri bari Kolosayi 1:28

Nde beetu turi mu kweyaabisa, mu kulubula mpisi muutu, na kuyikisa mpisi muutu, mu madyeele momanso, mpisi muutu kaba nyirimunu yakuka mu Kiristo.

Mukaanda kuri bari Kolosayi 1:7

Epafara, nduku yeetu ya kisalu ya Mutima, bunubwo se kari kaluyikisa, nde wuri kuri beenu kisari kyakwiikama kya Kiristo.

Mukaanda kuri bari Kolosayi 4:12

Epafara, wa beenu-meene wuluheekiri mboto. Nde nkutu Kiristo Yesu, wukwelunwanikina mpisi ntaangu mu nsaambulu, mpisi heki beenu luteleme nangwii, luba bakuka mu kuyirika momanso matiiri Nzaambi.

Film 1:1

Me Pawulo, boroko dya Kiristo Yesu, na mpaangi Timoteho, kuri Filemone, mbaasi yeetu ya mutima na ya kisalu,

Mukaanda kuri Bahebeleho 13:17

Beenee na bintambukulu kuri babo bakwelutwaalisa, na beenee batumuma kuri bo. Mukwongo, bo bakwekebe miheebulu mya beenu, bukuri bo sa batambikisa mabuungu. Seenee bubwo mpisi bo besala kisalu mu kiminu, nkani ka mu kwekuuma ko, bukuri babaa bakwekuuma, lo mimyo myahele ndaandu kuri beenu.

1 Yow 3:16

Mu didyo, beetu twayeki twayaaba ntiilu, bukuri Kiristo waheeri kidziingu kyaandi mu ntoono beetu, na beetu se tuyelemini kuha kidziingu kyeetu mu ntoono bampaangi.