1 Tes 2:3 - Musamu Wamubwete 2013

³ Mukwongo, nyikusulu dza beetu ka dziri dza nzimbusulu ko, dza nsumukunu bunu pe dza mawunu ko.

1 Tes 2:3 Iomraidhean Croise

Biyiriki bya Bantumu 13:15

Ha mambisa ma ntaangulu mangisi na babikiri, bamfumu ba nzo-nkutukunu baleele kuri bo ti: "Bampaangi, mbuti luri na dyaambu dya mboondulu dya kudzoonsolo kuri baatu, lo dzoonsee kweenu."

Biyiriki bya Bantumu 4:36

Yosefi, wubaluka Barnaba kuri bantumu, mambangukulu ti mwaana wa mboondulu, mosi mu kisari kya mu Nzo-nzaambi, wafuma ku Kiporo,

2 Kol 11:13

Bukuri baatu babo ngo bantumu bampya, bisari byamawunu, bikweswemekene mu kifwaani kya bantumu ba Kiristo.

2 Kol 2:17

Mukwongo, beetu turi bunu bakaka bakweyarika maampu ma Nzaambi ko; ngo kasi mu ngwanwa, mu nkuumbu ya Nzaambi na ha busu bwaandi, beetu turi mu kwedzoonsolo mu Kiristo.

2 Kol 4:2

Ngo kasi beetu twabisa mansweeki mansoni, tukwedyaatila kwahele mawunu, na twahele kwekitula maampu ma Nzaambi, ngo mu nsoongulu ngwanwa, beetu turi mu kwesaka kuri ti baatu batufyongokono, ha busu bwa Nzaambi.

2 Kol 4:5

Mukwongo, beetu twahele kweyaabisa mi tariri beetu-meene, ngo Yesu Kiristo Mfumu turi mu kweyaabisa; beetu-meene ngo turi bisari bya beenu mu ntoono Yesu.

2 Kol 6:8

mu nkeembu na mu nsaanunu, mu mvuumfu yayibi na yayibwe, bunu bangaa-mpya koomosoko turi bangaa-ngwanwa,

2 Kol 7:2

Taambulee beetu mu mitima myeenu; beetu twasii yirikila muutu mamabi ko, twasii maana kuholo bya muutu ko, na twasii diila muutu manene ko.

1 Tes 2:11

Beenu luyaari se ti, beetu twaba kuhololo mosi mosi mu beenu bunu bu hololaana taayi baala baandi.

1 Tes 4:7

Mukwongo, Nzaambi ka siiri kututeele mbila mu kuba kunsa nsumukunu ko, ngo mu kuba kunsa bungisi.

2 Tes 2:11

Hango-nkuumbu, Nzaambi wuri mu kubaheekele makwa ma kuwumuka, mpisi basiila kanyi mu mpya.

2 Pet 1:16

Mukwongo, kari mu kwenama bimpa byabalu mu madyeele ko, beetu turi twaluyaabisila mpinu na monokunu ya Mfumu yeetu Yesu Kiristo, ngo beetu-meene, twaba bambaangi bamono mu miisu bunene bwaandi.