1 Tes 2:12 - Musamu Wamubwete 2013

¹² Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.

1 Tes 2:12 Iomraidhean Croise

Mukaanda kuri bari Loma 8:28

Beetu tuyaari kuri ti, byobinso bisalisinaana mu bubwe bwa batyaanaa Nzaambi, babo bakari kateele mbila bunu buri bitaasi byaandi.

Mukaanda kuri bari Loma 8:30

Babo ba kataasiri, babo se kari kateele mbila; babo ba kari kateele mbila, babo se kari kalulukisa; babo ba kari kalulukisa, babo se kari kakeembese.

1 Kol 1:9

Nzaambi wakwiikama, nde waluteele mbila mu kuba kintwaari na mwaana waandi Yesu Kiristo, Mfumu yeetu.

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

Mukaanda kuri bari Ngalatya 5:16

Ngo kasi me nyiluleele ti: dyaatileenu mu Mpeeve, na luba ti bele na dyo pe, mu kuyukutisa nyiimunu dza muswinyi.

Mukaanda kuri bari Efeso 4:1

Me nyilusyaamisa, me nyiri boroko mu ntoono Mfumu, mu kudyaatila mu kiteesu kyayelemene na mbila yiyo yibari baluteele,

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

Mukaanda kuri bari Efeso 5:8

Mu ntaangu yayikulu beenu lwaba mampimbisi; mu lumalu beenu lweki buungi mu Mfumu. Yendee lwedyaatila bunu baala ba buungi.

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Kolosayi 1:10

kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.

Mukaanda kuri bari Kolosayi 2:6

Ngo bu lwayeki lwataambula Kiristo Yesu Mfumu, dyaatilee mu nde,

1 Tes 4:1

Mu misiiri bampaangi, beetu tululoombo na tulusyaamisa mu Mfumu. Bu lwayeki lwayika kuri beetu ndyaatulu yayelemene mu kubweeye kuri Nzaambi, bunubwo se luri mu kwedyaatila, ngo bweeseenu kutoombolo kiteesu.

1 Tes 4:12

Mpisi heki luba na ndyaatulu yayelemene ha busu bwa baatu bari ku mbasi, na muutu kahele kulubuungula.

1 Tes 5:24

Wunde wuri mu kuluteele mbila wakwiikama, sa kakukisa momanso.

2 Tes 1:10

mbasi-tsuku ha kakwiisa, mu kiluumbu kikyo, mu kuba wakeembusu mu bangisi baandi, na mu kuba wasiika mu bobanso basiilaana kanyi, bukuri beenu lwasiiriri kanyi mu kimbaangi kyeetu.

2 Tim 1:9

Nde watubvuukisa, na watuteele mbila yangisi, kari mu ntoono biyiriki byeetu ko, ngo kasi bunu buri bitaasi bya nde-meene na bweese bu kari katuha mu Kiristo Yesu, tekesele mantaangu mahela kuwa.

1 Pet 2:9

Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.

1 Pet 3:9

yaa lwebvutula mamabi mu mamabi ko, bunu pe kitari mu kitari ko. Ngo kasi yendee lwesakumuna, bukuri mu bubwo bari baluteele mbila, mpisi heki lutaambula lusakumunu ngo saala.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

2 Pet 1:3

Mpinu dza kinzaambi kyaandi, dzatuha byobinso biri mufunu mu kidziingu na kinzaambi, mu nyaabulu ya ngwanwa ya wunde watuteele mbila, mu nkeembu yaandi na mu makwa maandi.

1 Yow 2:6

Wunde wuleelaa ti wasa kikuundi mu nde, lo yelemini kudyaatila se, bunu bu kadyaatiri nde.

3 Yow 1:6

Bo bateeriri ye kimbaangi, ha busu bwa Dibuundu, mu ntiilu yi wuri na yo. Ye yelemini kubaha bi bari na nzala byo, mu budyeengi bwa bo, mu kiteesu kyayelemene mu Nzaambi.