1 Tes 2:10 - Musamu Wamubwete 2013

¹⁰ Beenu luri bambaangi, Nzaambi se mbaangi: ndyaatulu beetu yaba yangisi, yasuunguma, na yahele maseembu ha busu bwa beenu basiila kanyi.

1 Tes 2:10 Iomraidhean Croise

Musamu wamubwete watina Luka 23:41

Beetu na ye, mukanu wasuunguma, bukuri turi mu kufuta mamabi ma turi twayirika. Ngo nde wahele kuyirika ntoono ti mosi yayibi.»

Biyiriki bya Bantumu 20:18

Bu bayisa kutubuka hari nde, nde wabaleele ti: "beenu luyaari ti kuholosono kiluumbu kyatete kinyasuusiri me kitaambi kunsa Asya, bunu bu nyabee na beenu mantaangu momanso,

Biyiriki bya Bantumu 20:26

Mu ntoono bubwo me nyilutswiikisa mu kiluumbu kya lolo ti, mu makila ma beenu-banso me nyiri na kibila ko.

Biyiriki bya Bantumu 24:16

Me-meene nyisalila kwa mu kumonoko kwahele maseembu mu nsimunu yaami, ha busu bwa Nzaambi, na ha busu bwa baatu mu mantaangu momanso.

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

2 Kol 11:11

Bukuri nki? Mu kuri ti me nyahele ku lutya? Nzaambi yaari.

2 Kol 11:31

Nzaambi, Taayi dya Mfumu Yesu, nde wasakumunu mu mibvu ngo mibvu, yaari kuri ti me nyahele kusa mpya.

2 Kol 4:2

Ngo kasi beetu twabisa mansweeki mansoni, tukwedyaatila kwahele mawunu, na twahele kwekitula maampu ma Nzaambi, ngo mu nsoongulu ngwanwa, beetu turi mu kwesaka kuri ti baatu batufyongokono, ha busu bwa Nzaambi.

2 Kol 5:11

Ngo bu tuyaari buri kibvumi kya mfumu, beetu tusakaana kuri ti baatu babakula dyo. Nzaambi wutuyaari nkati kwafwaana; na me nsimini ti mu mitima myeenu beenu se luyaari kwafwaana.

2 Kol 7:2

Taambulee beetu mu mitima myeenu; beetu twasii yirikila muutu mamabi ko, twasii maana kuholo bya muutu ko, na twasii diila muutu manene ko.

1 Tes 1:5

Mukwongo, Musamu beetu Wamubwete wahele kutubuka kuri beenu, munu mu nzoonsulu kitsu, ngo se mu mpinu, mu Mpeeve Yangisi na mu nyukusulu ya musundu, bunu bu luyaari bu twaba beetu ha kakati dya beenu, mu ntoono beenu.

1 Tes 2:5

Bunu bu luyaari, beetu twasii salila mu nzoonsulu dza lupyelu ko, bunu pe mu buungu dya ntiki-mboongo ko, Nzaambi mbaangi.

2 Tes 3:7

Beenu-meene luyaari bunu bwa kusombosolo beetu. Bukuri beetu twasii kunatina kidziingu kunsa kisaangila ha kakati dya beenu ko.

1 Tim 4:12

Muutu yaa kasaana butuuti bwa ye ko, ngo soongo kifwaani kuri bangaa-kanyi, mu nzoonsulu, mu ndyaatulu, mu ntiilu, mu kanyi, na mu bungisi.

2 Tim 3:10

Ngo ye wanemi kwakubwete nyikusulu dzaami, ndyaatulu yaami, bitaasi byaami, kanyi dyaami, nkindusulu-mutima yaami, ntiilu yaami, kifiki kyaami,

1 Pet 5:3

kari mu kuba bunu bamfumu, ha yulu babo balukwetwaalisa ko, ngo mu kuba kifwaani kyakibwete kuri mpuumbu.