1 Tes 1:8 - Musamu Wamubwete 2013

⁸ Bukuri, kuholosono kuri beenu, kari mani Maampu ma Mfumu mayukukuna, mu Makedonya na mu Akaya ko, ngo kanyi dyeenu mu Nzaambi se dyayabakana mwomunso, kuri lo beetu twahele kubweese kwaandi ti kudidzonsolo.

1 Tes 1:8 Iomraidhean Croise

Biyiriki bya Bantumu 18:12

Ngalyono waba kimonikisi kya nsi ya Loma ku Akaya; Bayudayo bayukusina batelemise kitaatu mu Pawulo, na bamunata ku nzo ya miyalu,

Mukaanda kuri bari Loma 1:8

Hatete, me nyibvutula matoondo kuri Nzaambi yaami mu Yesu Kiristo, mu ntoono beenu bobanso, bukuri kanyi dyeenu bakwedzoonsolo mu dyo, mu nsi yansiina.

Mukaanda kuri bari Loma 15:26

Mukwongo, bari Makedonya na bari Akaya, bamwiini ti buri bwabubwete, mu kusoongo kintwaari mu ntoono bawelu bangisi ba ku Yerusalemi.

Mukaanda kuri bari Loma 16:19

Mukwongo, bintambukulu byeenu byayabakana kuri bobanso. Ngo me nyimono kiminu mu ntoono beenu, me ntiiri ti beenu luba na madyeele mu mamabwete, na luba kutsyeemeke kwahele mamabi.

1 Kol 14:36

Buri maampu ma Nzaambi kuri beenu mari manangukina? Hoti kuni kuri beenu mari matubuka?

2 Kol 2:14

Matoondo kuri Nzaambi! Nde wuri mu mpisi ntaangu wutululukisaa mu Kiristo, na wukwepukulaa mu mpisi kibeendu, mfuku ya nyaabulu yaandi mu beetu.

2 Kol 3:4

Yiyo ngo nsiitu yi turi na yo, mu Yesu Kiristo kuri Nzaambi.

Mukaanda kuri bari Kolosayi 3:16

Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.

2 Tes 1:4

Hango-nkuumbu, beetu turi na kimweese mu beenu ha kakati dya mabuundu ma Nzaambi, mu ntoono kifiki kyeenu na kanyi dyeenu, kunsa nkwamusunu dzeenu dzodzinso, na manyoongi ma luri mu kwekuunda.

2 Tes 3:1

Mu misiiri, bampaangi, saambileenu mu beetu, mpisi heki maampu ma Mfumu maba mayabakana na maba makeembele bunu bu mari kuri beenu.

1 Tim 2:8

Ngo me ntiiri ti babakala besaambila mu mpisi kibeendu, kuri banaanguna myooko myatsyeemeke, kwahele nkesi na nkalikisi.

2 Tim 2:9

mu ntoono musamu wunde, me nyiri mu kumono mpasi mu bikonyi, buni muyiriki-mamabi; ngo kasi maampu ma Nzaambi mahele mu bikonyi.

3 Yow 1:12

Baatu bobanso bateeriri Demeteryo kimbaangi kyakibwe. Ngwanwa yo-meene se yiri mu kumuteele kimbaangi. Beetu se tumuteele kimbaangi, na ye yaari ti kimbaangi kyeetu kyangwanwa.

Nyabusulu ya Yowane 14:6

Me nyamono mbasi yikimi yaba yooko ku nkati yulu, yaba na Musamu Wamubwete wahele manunu, mu kuyaabisa baatu badzakala ha butoto, mansi momanso, bitsuumbu byobinso, mandiinga momanso na baatu bobanso,

Nyabusulu ya Yowane 22:17

Mpeeve na ntuumba ya makweele baleele ti: «Wasa!» Hemese wunde wuyuka kaleele ti: «Wasa!» Hemese wuri na mpwiisu kiisa; wunde wutiiri, kaholo maampa ma bumwooyo kwa mungengi.