1 Tes 1:3 - Musamu Wamubwete 2013

³ Beetu tubaambukaana mwooyo mu biyiriki bya kanyi dyeenu, mu kisalu kya ntiilu yeenu, na mu kifiki kya nsiitu dzeenu mu Mfumu yeetu Yesu Kiristo, ha busu bwa Taayi dyeetu Nzaambi.

1 Tes 1:3 Iomraidhean Croise

Musamu wamubwete watina Yowane 14:15

«Mbuti beenu lutiiri me, lo sa lwakebe ntumu dzaami;

Musamu wamubwete watina Yowane 15:10

Mbuti beenu lukebiri ntumu dzaami, lo beenu sa lwanamitina kuba kunsa ntilu yaami; mu ntiilu yaami; bunu bu nyiri nyakebe me ntumu dza Taayi dyaami, na na nyanamitina kuba kunsa ntiilu yaandi mu ntiilu yaandi.»

Biyiriki bya Bantumu 10:31

nde ti: "Kornelyo, lusaambulu lwa ye luyukukini mu yulu, Na Nzaambi babukiri mwooyo mu bikabu bi koohaanaa ye kuri bawelu.

Biyiriki bya Bantumu 3:19

Hango, yiingeenu madyeele na seenee kanyi, mpisi heki masumu ma beenu maba mayaalu,

Mukaanda kuri bari Loma 12:12

Beenee na kiminu mu nsiitu, beenee na nkindusulu-mutima mu mpasi, beenee basyaama mu lusaambulu.

Mukaanda kuri bari Loma 15:13

Hemese Nzaambi ya nsiitu kaluulusa mu kiminu kyokinso, na kiyeengi mu kanyi, mpisi luba lwabuukula mu nsiitu, mu mpinu dza Mpeeve Yangisi!

Mukaanda kuri bari Loma 15:4

Mukwongo, momanso ma batekisiri kutina, bamatinini mu ntoono nyikusulu ya beetuneenu, mpisi heki, tubaka nsiitu mu kifiki na mu nsyamusunu ya Matinu.

Mukaanda kuri bari Loma 16:26

Mpaanu dzidzo dzamonokono mu lumalu, mu matinu ma babikiri, mu lutumu lwa Nzaambi yahele mbandukulu na manunu, mu kuri ti makaanda momanso mabaka nyaabulu na matumuma mu kanyi.

Mukaanda kuri bari Loma 16:6

Heenee mboto kuri Mariya, nde wasala kwalaka mu ntoono beenu.

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

1 Kol 13:13

Mu lumalu, byo bitatu bibyo biri: kanyi, nsiitu na ntiilu; ngo mu byo, kibvuriri bunene ntiilu.

1 Kol 15:58

Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.

2 Kol 2:17

Mukwongo, beetu turi bunu bakaka bakweyarika maampu ma Nzaambi ko; ngo kasi mu ngwanwa, mu nkuumbu ya Nzaambi na ha busu bwaandi, beetu turi mu kwedzoonsolo mu Kiristo.

Mukaanda kuri bari Ngalatya 1:4

Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.

Mukaanda kuri bari Ngalatya 5:13

Mukwongo, bampaangi, beenu baluteele mbila mu kuba mu bunsaalisi. Ngo kasi, bunsaalisi bubwo yaa buba mpwaani ya kwedyaatila mu kimuutu ko; ngo kunsa ntiilu yendee lwesalisina beenu na beenu.

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

Mukaanda kuri bari Ngalatya 6:9

Tweyirikeenu mamabwe, yaa tuholo-bito ko, bukuri ntaangu bu yikuka, sa twatolo, mbuti twahele kubwoongolo.

1 Tes 3:6

Ngo mu lumalu, Timoteho bu kabeeri kuri beenu mwaakwiisa bvutuka kuri beetu, na watuyaabisiri musamu wamubwete mu ntoono kanyi na ntiilu yeenu, na ti, beenu bunu luri lwakebe bitsimi byabibwete mu beetu, na luri na nzala beetu kumono, bunu bu turi na beetu se nzala kulumono.

2 Tes 1:11

Hango-nkuumbu, beetu tunamitina kusaambila mu beenu, mpisi heki Nzaambi yeetu kamono ti, beenu lwayelemene na mbila yi kari kaluteele, na mu mpinu dzaandi kakukisa nzala yoyinso yakuyirika mamabwe yiri mu beenu, na kisalu kya kanyi.

2 Tes 1:3

Bampaangi, Beetu tuyelemini kubvutula matoondo mpisi ntaangu kuri Nzaambi, mu ntoono beenu. Buri bwabubwete, bukuri kanyi dya beenu diri mu kwebuuka kwalaka, na ntiilu yi luri na yo mu bambaasi yiri mu kwehamisa mu muutu-muutu.

1 Tim 1:14

Ngo bweese bwa Mfumu yeetu bwabuukila, ha kimosi na kanyi na ntiilu yiri mu Kiristo Yesu.

1 Tim 2:3

Mamo mari mamabwete na ma kiminu ha busu bwa Nzaambi mubvuukisi weetu,

Mukaanda kuri Bahebeleho 10:36

Mukwongo, beenu luri na nzala kuba na kifiki, mu kukukisa kutya kwa Nzaambi, na kutaambula bi kari kasa lusiilulu.

Mukaanda kuri Bahebeleho 11:17

Mu kanyi, Abalaami ba mutsiitsa, kari lo heeri mwaana mu kikabu, na nde waha Isaki, mwaana waandi ndemosi, bukuri wataamburi nsiilulu

Mukaanda kuri Bahebeleho 13:21

kaluha makwa ma kuyirika myominso myamibwete, mu kukukisa kutya kwaandi, kayirika mu beetu mamo mamabwete, ha busu bwa Yesu Kiristo, kuri nde kuba nkeembu mu bibvu ngo bibvu. Amene!

Mukaanda kuri Bahebeleho 4:11

Ngo, tubingikileenu mu kukoto mu mpuumunu yiyo, mpisi heki kuhele kuba muutu wubwa bwobumosi mu nko.

Mukaanda kuri Bahebeleho 6:15

Mu bubwo, Abalaami, bu kakiindisa mutima, wataambulaa mi bamusiiriri nsiilulu.

1 Pet 3:4

ngo bibyo byasweeku kunsa mutima muutu, biri byabiiya ko, bya mpeeve ya bundeembu, na ya kiyeengi, biri na ntalu yayinene ha busu bwa Nzaambi.

1 Yow 3:18

Mwaa-baala, yaa twetiilee mu bini bibori ko; ngo twetiilee mu biyiriki na mu ngwanwa.

1 Yow 3:21

Banduku ba mutima, mbuti mutima weetu wahele kutubwiisa, lo turi na nsiitu mu Nzaambi,

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.

1 Yow 5:3

Mukwongo, ntiilu ya Nzaambi yiri kuri ti, tukebee ntumu dzaandi; ngo ntumu dzaandi dzahele kuleme,

Nyabusulu ya Yowane 2:19

Me nyaari biyiriki bya ye, ntiilu, kanyi, kisalu na kifiki kyaaku, biyiriki bya ye basyeelele bibvuriri kwalaka na byatete.

Nyabusulu ya Yowane 3:10

Mu bukuri ye wakebiri maampu maami mu kifiki, me se sa kebe ye mu ntaangu ya nsindukulu, dziyelemini kutubuka mu nsi yoyinso ya baatu, mu kusindukila babo badzakala mu nsi.