Yakub 5:5 - Alkitab Duri

⁵ Mangkamo kamu' nnolai to disanga kala'bian sola mperasai kamasannangan lan tee lino. Susi kamu' patuoan dipelompoi la digere'.

Yakub 5:5 Iomraidhean Croise

Kada Bulawan 17:1

La'biranmo to sangtimbu'ra nande makase, apa manyaman to penawa, na ia to kande simalunda' buda llan bola, apa sipura bangki'.

Kada Bulawan 7:14

“Mangkamo' mangkaroba mpassompan karoba dipasalama' tee allo, nasaba' mpaliuna' tinja'ku'.

Amos 6:1

Macilaka kamu' to manyaman katuoanna lan kota Sion sola tomasannang jio tana Samaria. Macilaka kamu' to dikita ambe' to dipeta'da tulungngi lan tana Israel.

Lukas 16:19

Mangngajahhimi Puang Isa nakua, “Den tosugih mangpakean maballo namasuli' allinna. Mangmasannang-sannang bangngi keallo-keallo, sanga sadia ngasan to apa naparallui.

Lukas 16:25

Apa nakua Nabi Ibrahim, ‘Ee, anakku'! Ingaranni, mangkamoko llolongan tawa melomu tommutuo unapa. Susi todami Lazarus mangkami llolonganni to maparri'na. Apa ia tee too dipakatanami ia ntee, na iko omo llolonganni to maparri'na.

Roma 13:13

La maruruhki' susi kumua ratumi to kasalamatan. Danggi' mitakkajulu' gaja mangmaroah-roah, ammimalango. Danggi' manggauk sala, danggi' mipugaukki to tangsipato'na, danggi' massibobo' ba'tu masere ati.

1 Timotius 5:6

Apa ia to baine te'damo muanena na nturu'i bang pakkaeloran penawanna, sitonganna tomatemo ia, moi natuo unapa.

2 Timotius 3:4

Nakabudai mpangpejokkoan solana, samangpugaukna bang sola tossanga bang kalena. Nakabudai to mangmasannang-sannang na ia to menturu' lako Puang Allataala.

2 Petrus 2:13

Ia joo guru tangtongan la maparri'i sanga mpamaparri'i tau. Gaja mesirisan sipa'na joo guru tangtongan. Napumasannang bang to mangrame-rame na kumande-mande moi allo. Ia ke ratui jio kasirempunanmi mikumande sola, ia to sipa'na meko'dosan nasaba' maullakki.

Yudas 1:12

Te'da namelo sipa'na tuu lako guru tangtongan. Ia ke kumande kamu' sola lan kasirempunanmi, liwa' maullak tuu lako tau na tangnnissen siri'. Mpangngundaran mesa kalena, te'da naingaranni kumua denpa tau laen. Ia tuu lako tau susii saleu' makase nairi' angin apa te'da nampaden uran. Susi tooi garonto' kaju te'da namembua, moi nawattunnamo la membua. Susi tooi garonto' kaju mangkamo direbu' sintong waka' namate.

Pengkitanna Yahya 18:7

Ia to to-Babel mpakala'bih kalena na rrempun bang kasugiran. Benni kamaparrisan sola kamasussan siangga' kedona, sanga mangkadai lan penawanna nakua, ‘Aku' tee raja baine mangparenta. Tangngiana' tobalu. Sikita randan langi'na' kamasussan.’