Yakub 5:3 - Alkitab Duri

³ Ia to bulawan sola salaka miampui naputu'mi ta'gah. Ia to ta'gahna la menjaji tanda kumua la nakande too kamu' api, nasaba' mipangmesamo ewananmi tonna la Kiama'mo tee lino.

Yakub 5:3 Iomraidhean Croise

Jamanna Rasulu' 2:17

‘Nakua Puang Allataala: Sininna rupa tau la kuparatuan ngasan Roh-Ku', ke tampakkanami lino. Ia to anakkami la muane la baine la mpauan kamu' apa to mangka kupauanni. Ia to tokallolomi la ngkita apa to kupakitanni. Ia to tomatuammi la mangtindo mputindo tindo la kubenni.

Roma 2:5

Apa membattuk kamu' ammicia' mangpesa'ding. Iamo joo, kamu' bang una mpemabanda'i pangpabalah lako kalemi ke Kiama'mi lino. Ia joo allo napangpekitanni Puang Allataala to kamabirisan-Na na pangpabalah maruruh-Na lako to tolino.

2 Timotius 2:17

Ia to curitanna joo tau male bang mangngulala', dipangpasusii kojong tangjampi-jampianna. Ia to tomangcurita susi joo iamo to Himeneus sola Filetus.

Yosua 24:27

Mangkadami Yosua lako to-Israel nakua, “Ia tee batu, iamo tapusa'bi. Sininna kadan-Na PUANG Allataala mangkamiki' dipauan jio ntee to' batu. Jaji, ia tee batu sa'bi lako kamu', to la minii nningaranni, danggi' mipesakkanni Allataala to tasompa.”

2 Petrus 3:3

Ia to kaminang parallu la miissen, iamo to kumua, ia ke la Kiama'mi lino, den tau ratu to nturu' bang kamadoangan gaja'na. La nacapa'-capa' kamu',

Pengkitanna Yahya 17:16

Ia joo olok-olok mukita sola tandukkuna sangpulo, la ngkaba'cii joo baine. La narampaii to sininna ewananna, napangkale-kalei, nakandei to juku'na, namane' ssumpunni.

Pengkitanna Yahya 21:8

Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”