Yakub 4:6 - Alkitab Duri

⁶ Moi nasusi joo, la'bih makuasa ia to pammase-Na Puang Allataala na ia to kamadoangan penawanta'. Iamo joo naden too diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”

Yakub 4:6 Iomraidhean Croise

Kada Bulawan 15:33

Ngkalaja' ngkasiri' Puang Allataala, iamo garonto'na pangpangngajah to mepamacca. na ia ke madoangki' diangga' mpamajiongki' penawanta'.

Kada Bulawan 18:12

Ia to tomatampo mparatuan kamasolangan kalena, apa ia to tompamajiong penawanna ditaratte'.

Kada Bulawan 22:4

Ia to naduppa to tongkalaja' ngkasiri' Puang Allataala na mpamajiong penawa iamo to kasugiran, kadianggasan na katuoan manyaman.

Kada Bulawan 29:23

Ia to tomatampo nakita soloh tau apa tompamajiong penawanna la dipuji.

Kada Bulawan 3:34

Nacapa' Puang Allataala to topacapa', apa Napakamoja' to tompamajiong penawanna.

Daniel 4:37

Iamo tee too, ia tee aku' Nebukadnezar, mpujimo', sola mpakala'bihmo' Raja Suruga. Ia to sininna panggaukan-Na tongan na ia to lalan-Na maruruh, na mangka too mpamajiong tomatampo.”

Matius 13:12

Nasaba' ia to tonnampuimo buda apa la dirangngannipa la'bih buda, anna kala'biran pissen. Apa ia to totangnnampui apa, ia to apa ci'di'mora naampui, la dialai pissen.

Matius 23:12

Ia to tompamajao kalena la dipamajiong, na ia to tompamajiong kalena la dipamajao.”

Lukas 1:52

Napamajiong to raja, anna te'damo namangparenta, Napaendek tuka'i to tokai'da'-i'da'.

Lukas 14:11

Nasaba' ia to tompamajao kalena la dipamajiong, apa ia to tompamajiong kalena la dipamajao.”

Lukas 18:14

La miingaran! Ia tee passassung, ke polei lako bolana, mangkami napupenjaji tomelo Puang Allataala, na ia tee to-Farisi te'da. Nasaba' ia to tompamajao kalena la dipamajiong, apa ia to tompamajiong kalena, la dipamajao.”

Yakub 4:10

Danggi' mimatampo jio olo-Na Puang, anna pamatande kamu'.

1 Petrus 5:5

Meta'dana' lako kamu' to malolle'pa kumua, la mangpesa'ding kamu' lako tomatua. Na lako kamu' sola ngasan meta'dana' kumua, danggi' mimatampo apa situlung kamu'. Nasaba' den diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”