Yakub 4:1 - Alkitab Duri

¹ Ciapari nasipekka nasibobo' to tau lan tangnga-tangngami? Sanga sirarii to kamadoangan lan penawanna.

Yakub 4:1 Iomraidhean Croise

Matius 15:19

Nasaba' pole lan mai penawa to nanii pangtangngaran gaja' na mpalao sala tau susinna: mangbuno, manggauk sala, ncarepai tananan dapohna tau, boko, sa'bi tangtongan, na mpau gaja' tau.

Yahya 8:44

Ballisi' kamu' to ambe'mi. Iamo mimadoang bang mpugaukki to pangkabudaianna Ballisi'. Mammula jiona mai topabuno ia. Te'da lalo ia nampau katonganan, sanga te'da katonganan naampui. Ia ke mangnguragai, sipato'namo, sanga iamo garonto'na sininna pangnguraga.

Roma 7:23

apa te'da kukullei nturu'i, nasaba' den kuasa laen rrarii penawangku' nataloina'. Na iamo joo kuasa dosa to ngkuasaina'.

Roma 7:5

Ia tonna jolona tuo bangpiki' situru' penawa gaja'ta', sanga nakuasaiki' kamadoangan mpugauk kagajatan to napaden atoran agama. Iamo pole' joo tapugauk bang tangmelo, to mpaden kamatean.

Roma 8:7

Ia to tonakuasai kamadoangan penawanna, iamo tosiewali Puang Allataala, sanga te'da naturu' atoran-Na Puang Allataala, nasaba' tangnakullei.

Galatia 5:17

Nasilaenan pangkabudaianna tolino na pangkabudaian-Na Roh Allataala. Siewa tarruhhi sola dua, sanga madosa ngasan to tau. Iamo joo na te'da mikullei mpugaukki apa to mikadoangngi.

Kolose 3:5

Iamo joo ca'beanni to sininna kamadoangan gaja'mi, susinna manggauk sala, panggaukan laen to tangsipato', nturu' bang pakkaeloran penawa, mangpanggaukan tangmelo na madoang nnassang sininna apa, nasaba' ia to tomangngassang dipapadai tossompa dewata.

2 Timotius 2:23

Danggi' muturu' passite'geran tangkebattuanna tobango', nasaba' muissen kumua ia joo mpaden kasipekkan.

Titus 3:3

Nasaba' moi kita' tonna jolona bango' tooki', antalao sala, te'da too taturu' Puang Allataala. Napukaunan tooki' mangrupa-rupa kamadoangan sola pakkaeloran penawa. Mpugauk tooki' kagajatan sola masere ati, na massikaba'ci bangki'.

Titus 3:9

Danggi' musite'gehhi to curita tangkebattuan sola nunnungan nene. Danggi' too mupassipuraii ba'tu ssibobo'i to atoranna Nabi Musa. Sininna joo te'da ngasan bua'na na te'da too tujunna.

Yakub 1:14

Apa ia to tau, kamadoangan gaja'nara to mpatuju salai nampugauk dosa.

Yakub 4:3

Na moi mipeta'dai lako Puang Allataala, te'da miampa'i, sanga gaja' pattujummi. Ia manda mipeta'da to mipusannangna lan tee lino.

1 Petrus 1:14

Napuanakmo kamu' Puang Allataala. Iamo joo la da'tan kamu' mengkaturu' lako kale-Na, nadanggi'mo mituru' pole' oi to kamadoangan gaja'mi to ngkuasai kamu' tonna te'dapa miissenni to Puang Allataala.

1 Petrus 2:11

Ee, tomala'bihku' to kupakamoja'! Susi kamu' tomambela ratu sompa' lan tee lino natorro susi toratu lan tangnga-tangngana totangnturu' Puang Allataala. Iamo joo meta'da tonganna' lako kamu' kumua, danggi' mituru' bangngi to kamadoangan gaja'mi to tuli hhalangngi kamu' manggauk melo.

2 Petrus 2:18

Mangkada matampo joo guru tangtongan, apa tangkebattuan to kadanna. Ia to pangngajaranna nneloran bang tau manggauk sala. Na iamo napake ssedei to tomane' messarak jio mai solana to gaja'pa sipa'na namale pole' manggauk sala.

2 Petrus 3:3

Ia to kaminang parallu la miissen, iamo to kumua, ia ke la Kiama'mi lino, den tau ratu to nturu' bang kamadoangan gaja'na. La nacapa'-capa' kamu',