Yakub 3:5 - Alkitab Duri

⁵ Susi toomi to timunta', moi na iamo biccukkuna, apa liwa' ia matonggona to apa napau. Susi to api moi matumba biccukkuna, apa wa'ding ncappu'i pangngala.

Yakub 3:5 Iomraidhean Croise

Kada Bulawan 12:18

Ia to tosamangkadanna bang mepa'dikan penawa, butung pa'dang mepakojong, apa ia to kada tomacca, butung pejampi mepamondo.

Kada Bulawan 15:2

Ia to tomacca mpau kada kapaissenan, apa ia to messun jio timu tobattuk mpapajan kabangosanna.

Kada Bulawan 18:21

Ia to apa messun jio timu wa'ding mangpasalama', wa'ding too makkasolang, ia to tobuda kada la mpebuai assele' kadanna.

Kada Bulawan 26:20

Ia ke cappu'mi to kaju nakande api bosimi, ia ke te'dami tomangpau sala bang, pajami to passipuran.

Daniel 3:15

Ia tee too ke nnonimi to parewa mossi', sadiara kamu'ka la mpakala'bihhi sola ssompai joo patung bulawan? Ia ke cia' kamu' la ta'pa dipembuangan kamu' tama api to gaja liwa' lussu. Na te'da dewata to la ngkullei mpasalama' kamu' jio mai pangsessaku'.”

Daniel 4:30

mangkadana' kukua, ‘Liwa' matonggo tee Babel to mangkamo kupupenjaji kota nanii torro raja, mpangpekitan kamawatangan, kamakuasan, kadianggasan sola kamala'biranku'.’

Yakub 3:4

Susi too to kappala' moi matumba tonggona nairi' toopi angin bara', apa wa'dingpa dibeluk mpake mesa' kaju biccu' disanga kemudi, dikua anna umbo nakadoangngi tompamalei joo kappala' ia toomo naola.

2 Petrus 2:18

Mangkada matampo joo guru tangtongan, apa tangkebattuan to kadanna. Ia to pangngajaranna nneloran bang tau manggauk sala. Na iamo napake ssedei to tomane' messarak jio mai solana to gaja'pa sipa'na namale pole' manggauk sala.

Yudas 1:16

Ia joo guru tangtongan mangnuku-nuku tarruh, namangpasala bang. Pada nturu' bangri kamadoangan gaja'na. Matampo ncuritai to sininna apa napugauk. Nasedei to tau laen nakua anna kesaro.