Yakub 3:2 - Alkitab Duri

² Kita' sola ngasan biasaki' mpugauk mangrupa-rupa kasalan. Apa ia to tote'da bang nasala lan buangan kadanna, iamo tau to te'da caccana, sanga nakulle ia nta'tan kalena.

Yakub 3:2 Iomraidhean Croise

Kada Bulawan 10:19

Sabuda-budannai kada dipau, nang la den bang salana, apa mandalan pangtangngaranna to tomangpikkiri' jolo' namane' mangkada.

Kada Bulawan 13:3

Ia to tongkanana'i buangan kadanna ngkarewai kalena, apa ia to tosamangkadanna bang, ncilakai kalena.

Kada Bulawan 20:9

Denraka ia tau wa'ding mangkada kumua, “Mapaccing aku' to penawangku', na te'da aku' dosaku'?”

Kada Bulawan 21:23

Ia to tote'da nasamangkadanna bang, te'da namparatuan passalan kalena.

Matius 12:34

Togaja' kamu'! Umbora la mikua mpau melona ke gaja'i to penawammi? Nasaba' apa lan penawanna tau, iamo napau timu.

Matius 12:37

Nasaba' kadammi kamu' to la mpattantui kumua salara kamu'ka ba'tu te'daraka.”

Roma 3:10

Susi to diuki' jolomo lan Sura' Allataala kumua, “Moi mesa' te'da tau mpugauk pakkaeloran-Na Puang Allataala,

Roma 7:21

Jaji iamo tee to jaji lako kaleku': madoangna' mpugaukki to melona, apa ia ora to tangmelona kupugauk.

1 Korintus 9:27

Kupengkulle-kullei tongan ngkuasai kaleku', sanga iamo ke aku'mo to mpangpeissenan Kareba Kasalamatan na aku' pole' ora tangdipasalama'.

Galatia 3:22

nasaba' situru' Sura' Allataala madosa ngasanmiki' to tolino. Iamo joo ia to barakka' mangka dibasse la dibenri tongkatappa'i Puang Isa Almaseh.

Galatia 5:17

Nasilaenan pangkabudaianna tolino na pangkabudaian-Na Roh Allataala. Siewa tarruhhi sola dua, sanga madosa ngasan to tau. Iamo joo na te'da mikullei mpugaukki apa to mikadoangngi.

Kolose 1:28

Karebannamora Almaseh to kipangpeissenan lako sininna tau. Kipake sininna kapaissenanki' mpakainga' sola nnajahhii, dikua anna mesa'-mesa' tau wa'ding kipangngolo lako Puang Allataala susi to tomasaranian, sanga memmesa'mi sola Almaseh.

Kolose 4:12

Sallangna Epafras mati', mesa' to-Kolose, pangjama-Na Puang Isa Almaseh. Te'da napajaii mpellao doangan kamu' sola ngasan, dikua ammisamawatang-watangnamo susi mesa' tomasaranian, ammituli nturu'i to pakkaeloran-Na Puang Allataala.

Ibrani 13:21

dennaa upa' na Puang Allataalamora mpasadian kamu' sininna to melona, la mpugauk pakkaeloran-Na. Dennaa upa' anna Puang Allataala toomora mpupenjajiki' to napumasannang, sanga Puang Isa Almaseh. La mpakala'bih tarruhki' Almaseh te'da cappa'na. Amin.

Yakub 1:26

Ianna den tau ssanga kalena pangngagama, apa te'da najagai timunna, nnuragai kalena, na te'da bua'na mangngagama.

Yakub 1:4

La sasabbara'-bara'na kamu', anna te'damo caccami ba'tu kakuranganmi.

Yakub 2:10

Moi mesa'ra atoran ditengkai, pada unai to ditengkai ngasanni.

1 Petrus 3:10

Den diuki' lan Sura' Allataala kumua, “Ia to tongkabudai katuoan melo te'da cappa'na la najagai to timunna, nadanggi' napaui to apa gaja'. Na ia to madoang masannang, danggi' namangnguraga.

1 Petrus 5:10

Ia tommimangkamo maparri' cingga'tu', la naben kamu' Puang Allataala to sininna apa miparallui, la napamawatang too kamu', ammisamatappa'-tappa'na, sanga liwa' pangpakamoja'-Na Puang Allataala, to mangkamo mpilei kamu' la mperasai to kamala'biran-Na to te'da cappa'na. Susimi joo sanga da'tan kamu' memmesa' penawa sola Almaseh.