Yakub 3:10 - Alkitab Duri

¹⁰ Ia to timunta' nanii messun barakka', apa ia bang una nanii messun tampak ropu. Ee, tomala'bihku'! Danggi' misusi joo!

Yakub 3:10 Iomraidhean Croise

Roma 12:14

Passambajanganni ke denni tau ssessa kamu', nabarakka'ii Puang Allataala, danggi' natampakkii ropu.

1 Korintus 3:3

sanga mituru' unapa to kamadoangan penawammi. Sanga ia ke masere ati unapa kamu', mimassite'geh bang unapa, iamo joo mpabuttii kumua massipa' susi bangpa kamu' to totangnturu' Puang.

1 Timotius 5:13

Mpangbiasa bangmi kalena makuttu, male lako male jio bang mai mentama bolana tau. Na la'bih gaja'pi to napugauk, mpau gaja' tau laen, njama tangngia jamanna, na ncurita apa tangkebattuan.

Yakub 1:16

Ee, tomala'bihku' to kupakamoja'! Danggi' miuraga kalemi.

Yakub 1:19

Ee, tomala'bihku' to kupakamoja'! Ingaranni tee! La mangpesa'ding melo to tau, apa danggi' namenjolo-jolo bang mangkada na danggi' too nasalle birih.

Yakub 3:1

Ee, tomala'bihku'! Danggi' mimadoang ngasan bang menjaji guru jamaa. Nasaba' miissen kumua ia to kita' menjaji guru la'bih la dipemaparessaiki' na ia to tangngia guru.

Yakub 3:11

Denraka to kalimbuah nanii messun duang rupa wai, wai tangmace'la na wai mace'la?

Yakub 3:9

Ia to timu dipake mangkurru sumanga' lako Ambe'ta' Puang Allataala, apa ia toomo dipake ntampakki ropu padanta' rupa tau to napaden Puang Allataala susi Ia.

1 Petrus 3:9

Ia ke denni tau mpugauk kagajatan lako kamu', danggi' mipabalahhii. Na ia ke denni tau ngkada-kadai kamu', danggi' too mipabalahhii. La'bih melo ke mipassambajanganni lako Puang Allataala nabarakka'ii joo tompugauk kagajatan. Napilei kamu' Puang Allataala menjaji umma'-Na ammipeta'danni barakka' to padammi rupa tau. Ia ke mipugaukmi susi joo, la nabarakka'i toda kamu' Puang Allataala.