Yakub 3:1 - Alkitab Duri

¹ Ee, tomala'bihku'! Danggi' mimadoang ngasan bang menjaji guru jamaa. Nasaba' miissen kumua ia to kita' menjaji guru la'bih la dipemaparessaiki' na ia to tangngia guru.

Yakub 3:1 Iomraidhean Croise

Matius 10:24

Ia to mesa' passikola te'da nala'bih matande na gurunna, susi toda to kaunan te'da nala'bih matande na puangna.

Matius 23:13

Nakua omo Puang Isa mpatarruh kadanna, “Macilaka kamu' to guru agama sola to-Farisi, nasaba' tomajekkong kamu'! Tangmieloran to tau menjaji umma'-Na Puang Allataala. Te'da mimadoang menjaji umma'-Na, na ia to tomadoang kannori mianggai. [

Matius 23:14

Macilaka kamu' to guru agama sola to-Farisi, nasaba' tomajekkong kamu'! Miuraga bang to baine matemo muanena, mirampai to ewananna. Mianggai' bang too mpemalandoi passambajangmi, to minii mpembunianan panggaukan gaja'mi. Iamo joo nala'bih mabanda' to sessami.]

Matius 9:11

Denmi to-Farisi ngkitai anna kutanaii to anak gurun-Na Puang Isa nakua, “Ciapari nakumande ora gurummu sola passassung na totangnturu' atoran agama?”

Lukas 16:2

Iamo joo natambai tosugih joo pangjamana naratu nakuanni, ‘Apara iko mupugauk napauko tau? Ia bang unamo tee too pakitan ngasanna' sura' indanna tau, nasaba' te'damo muwa'ding nnanna doi'ku'.’

Lukas 6:37

Mangpangngingaranmi Puang Isa nakua, “Danggi' mipasala padammi rupa tau, anna danggi' napasala kamu' Puang Allataala. Danggi' mimangcacca, anna danggi' nacacca kamu' Puang Allataala. Dampanganni to tolaen, anna dampangan toda kamu' Puang Allataala.

Yahya 3:10

Mebalimi Puang Isa nakua, “Oo, gurunnako to-Israel anna te'da muissenni battuananna tee kadang-Ku'!

Jamanna Rasulu' 13:1

Den ba'tu pira-pira nabi sola guru jamaa jio kota Antiokhia: Barnabas, Simeon to disanga too tomalotong, Lukius to-Kirene, Menahem to dipelobohhi sola Raja Herodes Antipas tonna peapa, na Saulus.

1 Korintus 12:28

Na mangkamo naatoro' Puang Allataala to jamaa napada mbenni jaman to tomatappa'. Bungahna den menjaji rasulu', mangpenduanna den menjaji nabi, mangpentallunna den menjaji guru, na sitarruhna den to tompugauk tanda mejangngaran, naden to diben barakka' mpamalagah tomasaki, barakka' ntulung padanna rupa tau, barakka' mangparenta, ba'tu barakka' mangkada mpake basa mejangngaran.

2 Korintus 5:10

Nasaba' la dipangngolo ngasanki' lako Almaseh antapada diben assele' panggaukanta', la panggaukan melo, la panggaukan gaja'.

Efesus 4:11

Pada nabenni barakka' to umma'-Na. Den to napupenjaji rasulu', den to napupenjaji nabi, den to napupenjaji tompangpeissenan Kareba Kasalamatan, den to napupenjaji guru iarika tonnurusu' jamaa.

1 Timotius 1:7

Madoang ngasanni menjaji guru agama, na sitonganna ia una nate'da naissenni to apa napau, ba'tu ia to apa napangpangngajaran to nasangamo tongan.

1 Timotius 2:7

Na iamo joo naangka'na' Puang Allataala menjaji rasulu' angkudisua male lako sininna bangsa tangngia to-Yahudi la mpangpangngajaranni to kamatapparan tongan. Na tongan tee kupau, te'da kumangnguraga.

2 Timotius 1:11

Puang Allataala nnangka'na' menjaji rasulu' na guru, la mpangpeissenanni joo Kareba Kasalamatan.

Ibrani 13:17

Mengkaturu' kamu' lako pekaamberan jamaami, ammituru'i to parentana. Tuli napuinawa kamu', sanga la napebalian lako Puang Allataala to apa mangka napugauk lako kamu'. Ia ammimengkaturu' lako, masannangngi mangjama, ianna te'da, masussai mangjama, na te'da bua'na lako kamu'.

Yakub 1:16

Ee, tomala'bihku' to kupakamoja'! Danggi' miuraga kalemi.

Yakub 1:19

Ee, tomala'bihku' to kupakamoja'! Ingaranni tee! La mangpesa'ding melo to tau, apa danggi' namenjolo-jolo bang mangkada na danggi' too nasalle birih.

Yakub 3:10

Ia to timunta' nanii messun barakka', apa ia bang una nanii messun tampak ropu. Ee, tomala'bihku'! Danggi' misusi joo!

1 Petrus 5:3

Danggi' miangga' susi puang kalemi mparentai to todipabarakkanan kamu', apa la manggauk melora kamu' ammimenjaji palelean mata.