Yakub 2:3 - Alkitab Duri

³ La'bih mitaratte'i joo to mangpakean melo ammikuanni, “Cumadokkoki'! Iamo tee kadera ballo tanii cumadokko.” Apa ia to tokaasi-asi mikuan, “Ke'deh bangmoko ntuu joo,” ba'tu “Cumadokko jiong bangmoko sali.”

Yakub 2:3 Iomraidhean Croise

Kada Bulawan 18:23

Ia to tokaasi-asi mengkamase-mase ke meta'dai, apa ia to tosugih gaja maka'do mebali.

Lukas 23:11

Na Raja Herodes sola surudadunna mpelle' Puang Isa na ncapa'-capa' tooi, napapakeii pakean kamala'biran. Mangkai joo too, namane' mpapolei lako Gubernur Pilatus.

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

Yakub 2:2

Susinna ia ke den dua tau ratu lako kasirempunanmi, mesa' tosugih mangpakean ballo na mangcincin bulawan, na den too mesa' tokaasi-asi ratu mangcare-care bang.

Yakub 2:6

Kannori micapa' to tokaasi-asi. Na sitonganna tosugihra to mpakario-rio kamu' nasolan kamu' lako bola pangra'tasan kara-kara.

Yudas 1:16

Ia joo guru tangtongan mangnuku-nuku tarruh, namangpasala bang. Pada nturu' bangri kamadoangan gaja'na. Matampo ncuritai to sininna apa napugauk. Nasedei to tau laen nakua anna kesaro.