Yakub 2:12 - Alkitab Duri

¹² Ia ke mangkada kamu' ba'tu mangpanggaukan kamu', la miingaran kumua ia joo kara-karami la dibicara situru' atoran-Na Puang Allataala to lla'paran tau jio mai kuasa dosa.

Yakub 2:12 Iomraidhean Croise

Lukas 4:18

“Nakuasaina' Roh Allataala, nasaba' naangka'mo' la mpangpeissenan Kareba Kasalamatan lako tokaasi-asi. Nasuamo' mpangpeissenan kadila'paran lako toditarungku, mpapakita tobuta, lla'paran todipandasa.

Yahya 8:32

na la miissen to Puang Allataala, na Iamo la lla'paran kamu'.”

Galatia 6:2

La sibalian kamu' mpassan pamawanmi, sanga iamo joo la minii mpugaukki to atoran-Na Almaseh.

Filipi 4:8

Ee, tomala'bihku' sola ngasan! Mangkatampakanna, la mipallan penawai sininna to pangngajaran tongan, sininna to mala'bih, sininna to maruruhna, sininna to tangkasalan, sininna to maballona, sininna to melona disa'ding, to mangpamasannang sola sipato'na dipuji.

Kolose 3:17

Moi apa mipugauk ba'tu mipau, ia to panggaukanmi la situru' panggaukanna umma'-Na Puang Isa. Mangkurru sumanga' kamu' lako Ambe' Puang Allataala, nasaba' apa to napugauk Puang Isa lako kalemi.

Yakub 1:25

Te'da caccana to atoran-Na Puang Allataala na makuasa lla'paranki' jio mai kuasa dosa. Parallu diissen tongan, nadipallan penawa, nadipugauk tongan, te'da nadisa'ding manda arannai tangdiingaran. Jaji paralluki' mpugaukki to atoran-Na, nasaba' sininna tau to mpugaukki susi joo nabarakka'i Puang Allataala.

Yakub 2:8

Tongan to mipugauk, ke mipugaukki to atoran kaminang parallu to diuki' lan Sura' Allataala kumua, “Pakamoja'i to padammu rupa tau susi iko mpakamoja' kalemu.”