Yakub 1:4 - Alkitab Duri

⁴ La sasabbara'-bara'na kamu', anna te'damo caccami ba'tu kakuranganmi.

Yakub 1:4 Iomraidhean Croise

Kada Bulawan 4:8

La muangga' to kamaccan napamala'bihko, pajio kalei muditaratte'.

Matius 19:20

Mebalimi joo tokallolo nakua, “Oo Puang, kuturu' ngasanmo kita' joo parenta, denparaka to parallunna?”

Matius 5:48

Ia to Ambe'mi Puang Allataala jao suruga mpakamoja' sininna tolino. Iamo joo la susi toda mipugauk.”

Markus 10:21

Massemi penawan-Na Puang Isa ngkitai joo tau anna mangkada nakua, “Mesa'pa to parallu la mupugauk. Malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'.”

Lukas 18:22

Ia tonna sa'dingmi Puang Isa joo pebalinna, nakuanmi, “Mesa'pa to parallu la mupugauk. Malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'.”

Lukas 21:19

Ia ammimatappa' tarruh, la miampa' to katuoan melo te'da cappa'na.”

Lukas 8:15

Ia to banne tuo jio litak malompo dipasangrapangngi to tossa'ding kadan-Na Puang Allataala, napallan penawa meloi na maruruh penawanna, namatappa' tarruh sanggenna membua.”

Yahya 17:23

Memmesa'mo' sola tuu lako taun-Ta', na Ambe' memmesa' sola Aku', anna mattongan-tongan memmesa'mo sola ngasan. Ia ke susii joo na la naissen tolino kumua tasuana', na issen tooi kumua tapakamoja'i tuu lako taun-Ta' susi Aku' tapakamoja'.

1 Korintus 2:6

Moi nasusi joo, mpakekan kapaissenanki' ke sipangkadamokan to masaranianmo. Na ia joo kapaissenanki' tangngia kapaissenan naajarankan tolino ba'tu kapaissenan to naampui to tongkuasaii tee lino, sanga la lanynya' joo tongkuasaii.

Galatia 6:9

Danggi' tamarosso mpugauk kameloan, nasaba' ia ke te'da tamarosso, nang la den pissen talolonganni to assele'na.

Kolose 4:12

Sallangna Epafras mati', mesa' to-Kolose, pangjama-Na Puang Isa Almaseh. Te'da napajaii mpellao doangan kamu' sola ngasan, dikua ammisamawatang-watangnamo susi mesa' tomasaranian, ammituli nturu'i to pakkaeloran-Na Puang Allataala.

1 Tesalonika 5:23

Dennaa upa' na Puang Allataala, to mpangbengan kamasannangan, mpupenjaji kamu' tau mesan-Na, na dennaa upa' na Ia njagai to penawammi, tangngahmi, na panggaukanmi nadanggi' mikasalan nate'da caccami, ke ratu pole'i Puangta' Puang Isa Almaseh.

2 Timotius 3:17

Ia to umma'-Na Puang Allataala, ke dipakinalloii to apa diuki' lan Sura' Allataala, nakullei mpugauk sininna pangjaman melo.

Ibrani 13:21

dennaa upa' na Puang Allataalamora mpasadian kamu' sininna to melona, la mpugauk pakkaeloran-Na. Dennaa upa' anna Puang Allataala toomora mpupenjajiki' to napumasannang, sanga Puang Isa Almaseh. La mpakala'bih tarruhki' Almaseh te'da cappa'na. Amin.

Yakub 1:5

Ia ke den kamu' tangpadete' tangngahmi, la meta'da kamu' lako Puang Allataala nabenni kamu', sanga malaboh na masannang penawan-Na mangpabengan lako sininna tau.

Yakub 3:2

Kita' sola ngasan biasaki' mpugauk mangrupa-rupa kasalan. Apa ia to tote'da bang nasala lan buangan kadanna, iamo tau to te'da caccana, sanga nakulle ia nta'tan kalena.

1 Petrus 5:10

Ia tommimangkamo maparri' cingga'tu', la naben kamu' Puang Allataala to sininna apa miparallui, la napamawatang too kamu', ammisamatappa'-tappa'na, sanga liwa' pangpakamoja'-Na Puang Allataala, to mangkamo mpilei kamu' la mperasai to kamala'biran-Na to te'da cappa'na. Susimi joo sanga da'tan kamu' memmesa' penawa sola Almaseh.

2 Petrus 1:9

Na ia to tote'da namessipa' susi joo padai tobuta, te'da nakita macero, battuananna te'damo naingaranni kumua mangkami didampangan tonna madosa jolona.