Yakub 1:2 - Alkitab Duri

² Ee, tomala'bihku'! Ianna kanna kamu' mangrupa-rupa pecoba, la misangai kumua tomasannang kamu'.

Yakub 1:2 Iomraidhean Croise

Jamanna Rasulu' 5:41

Masannang to rasulu' messun lan mai joo kasirempunan Pangbicara Agama, sanga narekenmo Puang Allataala sipato' dipakario-rio, nasaba' kamatapparanna lako Puang Isa.

Roma 5:3

Te'da na ia manda joo, apa mario tooki', moi nakannaki' kamaparrisan, nasaba' taissen kumua kamaparrisan mpamawatangki',

Filipi 1:29

Ia to barakka' mangka diben kamu', tangngia manda to matappa' lako Almaseh, apa ia toomo to dikua la maparri' kamu' sanga Almaseh.

Filipi 2:17

Ia tee aku' mangkana' mpaissenni kamu' to Kareba Kasalamatan ammimemmatappa'. Na moi nadipato'do to raraku', nabutung dipatibolloh susi karoba lako Puang Allataala nasaba' ia to mangka kupugauk lako kalemi, la masannangna' antamasannang sola.

Filipi 2:18

Na susi too kamu' la masannang, antapada-pada masannang.

Kolose 1:24

Ia to tomatappa' lako Almaseh wa'ding dipasangrapang batang kale-Na. Jaji, maparri' to batang kaleku' tee too susi Almaseh maparri' tonna anu', nasaba' jamanku' mbalii to tomatappa'. Iamo joo kumasannang, ke maparri'na' sanga kubalii kamu'. Na ia tee kamaparrisanku' la ngganna'i sininna kamaparrisan to la naperasai tomatappa' lako Almaseh.

Ibrani 10:34

Na turu' kamu' mpumasussai to toditarungku. Ia tonna rampai kamu' tau to apammi, micanninganni ati, sanga miissen kumua den unapa to apa miampui, iamo to nabassean kamu' Puang Allataala. La'bih melo ia joo, sanga te'da nalata'de.

Yakub 1:12

Masannang to tatta' matappa', nasaba' te'da namadoang dipatuju sala mpugauk dosa. Sanga la ntarima pahalana, iamo to katuoan melo mangka napasadia Puang Allataala lako to tompakamoja'i.

Yakub 1:16

Ee, tomala'bihku' to kupakamoja'! Danggi' miuraga kalemi.

Yakub 1:19

Ee, tomala'bihku' to kupakamoja'! Ingaranni tee! La mangpesa'ding melo to tau, apa danggi' namenjolo-jolo bang mangkada na danggi' too nasalle birih.

Yakub 5:11

Disanga tomasannang sanga sabbara'i. Misa'dingmo to kasabbarasanna Nabi Ayub, misa'ding toomo kumua undinna nabarakka'i Puang. Sanga melo penawan-Na Puang Allataala na liwa' kamamasean-Na.

2 Petrus 2:9

Jaji, naissenmo Puang Allataala to apa la napugauk mpasalama' taun-Na ke maparri'i. Naissen too Puang Allataala ntarungkui to togaja' anna sessai ke Kiama'mi lino.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.