Yakub 1:1 - Alkitab Duri

¹ Ee, tomala'bihku' sola ngasan, umma'-Na Puang Allataala to titaleh lan lili'na lino. Ia tee sura' pole jio mai aku' Yakub tonasua Puang Allataala sola Puang Isa Almaseh.

Yakub 1:1 Iomraidhean Croise

Ester 3:8

Mangkadami Haman lako raja nakua, “Ie' Raja, den mesa' bangsa makalaen-laen, to silele jio simesa'-mesa' propinsi inde' karajaan. Gaja sisala ada'na na ia to ada'ta'. Te'da naturu'i to atoran inde' karajaan. Jaji melo ke danggi' taeloranni mpupangngeloh bang elohna.

Matius 10:3

Sitarruhna Filipus, Bartolomeus, Tomas, Matius to passassung, Yakub anakkana Alfeus, Tadeus,

Matius 13:55

Tanganakkanaraka Ia pande bola, na Maryam to indo-Na? Na ia to sile'tona, iamo to Yakub, Yusuf, Simon na Yudas.

Matius 19:28

Nakuamo Puang Isa lako anak gurun-Na, “La miingaran tee kadang-Ku' kumua, lan Lino Barun-Na Puang Allataala, ia tee Aku', Anak Mentolino, la cumadokkona' jao cadokkoan kaminang mala'bih! Iamo joo wattu milacumadokko toda jao sangpulo dua cadokkoan mala'bih la mparenta sangpulo dua pangrapuanna to-Israel.

Markus 3:18

Andreas, Filipus, Bartolomeus, Matius, Tomas, Yakub anakkana Alfeus, Tadeus, Simon to-Zelot (battuananna Simon tobarani),

Lukas 22:30

antamasannang sola, ke menjaji Rajamo'. Na la cumadokko kamu' jao sangpulo dua cadokkoan mala'bih la mparenta sangpulo dua pangrapuanna to-Israel.”

Lukas 6:15

Matius na Tomas, Yakub anakkana Alfeus na Simon (to disanga too tobarani),

Yahya 12:26

Inda-inda kamu' to madoang mpangjamanna', la undii lako Aku', anna umbo-umbo kunii male, jio todai. Ia to tompangjamanna' la naangga' Ambe'-Ku'.”

Yahya 7:35

Sipangkada-kadai joo pekaamberan to-Yahudi nakua, “La male umborika ia tee tau, nate'damo tawa'ding ssitammuanni? La malerika lako to-Yahudi to torro jio tangnga-tangngana to-Yunani naajahhi to to-Yunani jio?

Jamanna Rasulu' 1:13

Ia tonna mentamamo kota, endekmi de' kamara' jaonan to nanii torro unamo Petrus sola Yahya, Yakub sola Andreas, Filipus sola Tomas, Bartolomeus sola Matius, Yakub anakkana Alfeus, Simon tobarani sola Yudas anakkana Yakub.

Jamanna Rasulu' 12:17

Mpupangngimbai limanna Petrus nakamma' to tau, namane' ncuritanni umbo nakua Puang la'paranni lan mai pangtarungkuan. Nakua, “Pauanni Yakub to apa jaji sola tomatappa' pira'.” Mangkai joo too messunmi, namale lako bola laen.

Jamanna Rasulu' 15:13

Ia tonna mangkamo sola dua mangkada, nakuamo Yakub, “Ee todipusile'to, pesa'dingngipi la mangkadana'!

Jamanna Rasulu' 15:21

Susimi tee, nasaba' mellao jionapa mai nadipangpeissenanmo to atoranna Nabi Musa lan simesa'-mesa' kota ratu lako too allo, ianna Allo Katorroan dibaca omi lan bola passambajangan.”

Jamanna Rasulu' 15:23

Den too sura' dibenni, to nakua kumua: “Kamu' sola ngasan to jio mai bangsa laen to kipusile'tomo, to torro jio kota Antiokhia, tana Siria na Kilikia. Sallangki' sola ngasan kami' rasulu' sola pekaamberan to mipusile'to.

Jamanna Rasulu' 2:5

Ia joo wattu budamo to-Yahudi ratu jio mai mangrupa-rupa tondok lan lili'na lino la ssompa Puang Allataala jao kota Yerusalem.

Jamanna Rasulu' 21:18

Masawanna malekan sola Paulus sikita Yakub, na jio ngasan todai to sininna pekaamberan jamaa.

Jamanna Rasulu' 23:26

“To-Mala'bihku' Gubernur Feliks! Salama'ku', aku' kita' tee Klaudius Lisias!

Jamanna Rasulu' 26:7

Na ia toomo joo narannuan, namassompa allo-bongi lako Puang Allataala to sangpulo dua pangrapuanna to-Israel. Anna ia toomora kita' tee napasalana' to-Yahudi, sanga kurannuan joo basse.

Jamanna Rasulu' 8:1

Napusannang Saulus joo kadibunoanna Stefanus. Ia bang unamo joo allo namangpamula dipakario-rio to jamaa jio kota Yerusalem, anna sininna tomatappa' saleananna rasulu' sisarak-sarak male lako lili'na tana Yudea na tana Samaria.

Roma 1:1

Ee, todipusile'to jio kota Roma, to napakamoja' Puang Allataala, to napileimo menjaji taun-Na! Napilei toomo' menjaji taun-Na, naangka'na' menjaji rasulu' la mpangpeissenan Kareba Kasalamatan jio mai Puang Allataala.

Galatia 1:19

Apa ia to rasulu' laen te'da kusikita, Yakub mandara to sile'to-Na Puang Isa.

Galatia 2:12

Ia tonna ratumo to tonasua Yakub, messarakmi Petrus jio mai totangngia to-Yahudi nacia'mo kumande sola, moi namangkamo kumande sola. Napugaukki susi joo, nasaba' malaja' lakoi tau to mangngajahhi kumua sininna tomatappa', moi bangsa tangngia to-Yahudi, nang la disunna'ri.

Galatia 2:9

Yakub, Petrus, na Yahya direken paloloan lan jamaa. Ia tonna katappa'imi kumua Puang Allataala mpabarakkannina' tee jaman, sisalama'mokan Barnabas sola tuu lako tau, kumua mesa' penawamokan. Ia to aku' sola Barnabas male lakomokan bangsa tangngia to-Yahudi, na ia male lako to-Yahudi mpangpeissenan Kareba Kasalamatan.

Filipi 1:1

Ee, tomala'bihku' tonnatoro' jamaa sola tontulung jamaa na sininna umma'-Na Puang Isa Almaseh jio kota Filipi! Aku' Paulus na Timotius taun-Nakan Puang Isa Almaseh ngkiringan kamu' tee sura'.

2 Timotius 4:21

La mupengkulle-kullei muratumo inde' namane' wattu macakke'. Massallangngi Ebulus, Pudes, Linus sola Klaudia lako iko. Susi toda to sininna tomatappa' pira' inde'.

Titus 1:1

Ee, Titus to kupuanak! Aku', Paulus, mesa'na' taun-Na Puang Allataala na rasulu'-Na Puang Isa Almaseh ngkiringanko tee sura'. Dipileina' angkuajahhi to tonapilei Puang Allataala, namatappa' tongan. Dipilei toona' mpatuju ngasanni, anna issenni to pangngajaran tongan, natuo situru' pakkaeloran-Na Puang,

1 Petrus 1:1

Ee, tomala'bihku' sola ngasan, to napileimo Puang Allataala menjaji umma'-Na! Aku' Petrus rasulu'-Na Puang Isa Almaseh nnuki'i tee sura' lako kamu' to titaleh jio propinsi Pontus, Galatia, Kapadokia, Asia na Bitinia, to torro jio susi tomentoratu lan tangnga-tangngana totangnturu' Puang Allataala.

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.

Yudas 1:1

Ee, tomala'bihku' sola ngasan, todipilei na tonapakamoja' tarruh Ambe' Puang Allataala! Naampai kamu' saratun-Na pole' Puang Isa Almaseh. Aku' Yudas sile'tona Yakub, tonasua Puang Isa Almaseh, ngkiringan kamu' tee sura'.

Pengkitanna Yahya 7:4

Angkusa'dingngi kumua den saratuh patang pulo a'pa' sa'bu tau diben tanda dipalako kidena. Ia tuu lako tau diala jio mai to sangpulo dua pangrapuanna to-Israel.