Yahya 7:6 - Alkitab Duri

⁶ Nakua Puang Isa ngkuanni, “Te'dapa nadete'i wattung-Ku'. Ia ke kamu', sininna wattu wa'ding ngasan minii male.

Yahya 7:6 Iomraidhean Croise

Matius 26:18

Nakuamo Puang Isa, “Malemo kamu' lako kota, mikuanni to tau jio, kumua: Nakua Guru, ‘Nadete'mi wattung-Ku', la mang-Paskahna' jio bolamu sola anak gurung-Ku'.’ ”

Yahya 13:1

Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Yahya 17:1

Ia tonna mangkamo Puang Isa mpaui joo, mentingngarami de' langi' nakua, “Oo Ambe', nadete'mi wattunna. Pakala'bihmo' tee Aku' Anak, angkupakala'bih tooki'.

Yahya 2:4

Mebalii Puang Isa nakua, “Oo indo', danggi'pa suana'. Te'dapa nadete'i wattung-Ku' la mpangpeissenan kale-Ku'.”

Yahya 7:30

Ia joo wattu den tau pada nnangah lalan la njokkoi, apa moi mesa' tau te'da barani njokkoi, nasaba' te'dapa nadete'i wattunna.

Yahya 7:8

Jolomo kamu' male lako joo pangramean, te'da kulamale, sanga te'dapa nadete'i wattung-Ku'.”

Yahya 8:20

Ia tee kada napau Puang Isa tonna mangngajahhi jio rante Bola Puang Allataala sikandoppi' patti doi' sudakka. Apa moi mesa' tau te'da njokkoi, nasaba' te'dapa nadete'i wattunna.

Jamanna Rasulu' 1:7

Napebalii Puang Isa nakua, “Ambe' Ia to mpattantui to wattunna na allona. Te'da naparallu miissen joo, sanga Ambe' Ia mpuissenni.