Yahya 3:3 - Alkitab Duri

³ Napebalii Puang Isa nakua, “Ingaranni! Moi mesa' tau te'da nawa'ding menjaji umma'-Na Puang Allataala lan kaparentan-Na, ke te'dai nadijajian pole'.”

Yahya 3:3 Iomraidhean Croise

Matius 16:17

Nakuamo Puang Isa, “Simon anakkana Yona. Masannangko, nasaba' tangngia tolino mpauanko to ianna tuu, apa pole jio mai Ambe'-Ku' jao suruga.

Matius 19:24

La mikatappa'i kumua, la'bih marawa ia to unta mentama to'tok jarun, na ia to tosugih mentama Lino Barun-Na Puang Allataala.”

Matius 21:31

Jaji, umbonnara joo to sile'to sola duai to nturu' kadanna ambe'na?” Mebalimi tuu lako kapala imang sola pekaamberan to-Yahudi nakua, “Ia to kakanna.” Nakuamo Puang Isa, “La miissen kumua ia to passassung sola tuu lako baine sala kedo la la'bih marawa menjaji umma'-Na Puang Allataala na kamu'.

Matius 5:18

La miingaran tee kadang-Ku' kumua, te'dapa nala-Kiama' to lino, ke te'dapi najaji ngasan to diuki' lan atoran-Na Puang Allataala! Jaji, moi mesa' hurupu' te'da naladita'dei lan joo atoran.

Markus 10:14

Ia tonna kitai Puang Isa to ianna joo, magallimi anna kuanni to anak gurun-Na, “Eloranni tuu mati' pea ratu lako Aku'. Danggi' mianggaii, nasaba' tosusimora tuu mati' to la menjaji umma'-Na Puang Allataala.

Markus 9:47

Ia ke matammu ntumangko mumadosa, cukke'ii! La'biran ke menjaji tangsukku'ko, apa menjajiko umma'-Na Puang Allataala, na ia ke sukku'i to kalemu apa dipatamako naraka.

Yahya 1:13

Ia to todiben kuasa menjaji anak Puang Allataala, te'da nadijajian susi pea, apa Puang Allataala kalena mpupenjaji anakki.

Yahya 1:5

Ia joo Arrang mangngarrang lan kamalillinan, na ia to totuo lan kamalillinan te'da nakullei mpahangngi.

Yahya 1:51

Nakuapa Puang Isa ngkuanni tuu lako tau, “La miingaran tee kadang-Ku' kumua, la mikita to langi' titimbak na ia to malaeka'-Na Puang Allataala lao lisu jao mai langi' ratu lako Aku', Anak Mentolino.”

Yahya 12:40

‘Kupabutai to matanna, kupembattukki to penawanna, nadanggi' napakita matanna, nadanggi' napahangngi, nadanggi' namengkatoba' lako kale-Ku', anna danggi' kupamalagahhi.’ ”

Yahya 3:4

Nakua Nikodemus ngkuanni, “Umbo susi to tau la dijajian pole' ke matuami? Wa'dingraka pole pole' tama ba'tangna indona, anna dijajian pole'?”

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

Galatia 6:15

Nasaba' todisunna' ba'tu totangdisunna' pada te'da naparallu, apa ia to parallu iamo to katuoan baru.

Efesus 2:1

Ia tonna jolona susi kamu' tomate, te'da miampui katuoan baru jio mai Puang Allataala, natumang kedo gaja'mi sola dosami.

Titus 3:5

Napasalama'miki', tangngia kumua mpugaukmiki' kameloan, sangadinna nasaba' pangkamasean-Na lako kita'. Nabaseiki' jio mai dosata' antadijajian pole', napemeloii to penawanta' mpake kuasan-Na Roh Allataala.

Yakub 3:17

Apa ia to tonnampa' kamaccan pole jao mai, melo te'da caccana, sitarruhna sikabudan tau, mabassa, mangpasipatu, mangkamase, na tuli mpugauk kameloan, te'da narempe' sangbali na te'da too namajekkong.

1 Petrus 1:3

Tamangkurru sumanga' lako Puang Allataala, Ambe'-Na Puangta' Puang Isa Almaseh! Liwa' Ia ngkamaseiki', anna patuo pole'i to Puang Isa Almaseh antawa'ding nnampa' katuoan baru. Iamo joo tangbataki' rrannuan Puang.

1 Yahya 2:29

Miissenmo kumua, ia to Almaseh nturu' pakkaeloran-Na Puang Allataala. Iamo joo la parallu too miissen kumua ia to tonturu' pakkaeloran-Na, napuanak Puang Allataala.

1 Yahya 3:9

Ia to tonapuanakmo Puang Allataala, te'damo napugauk tarruh dosa, nasaba' sipa'-Na Puang Allataala torro lan penawanna. Te'damo napugauk tarruh dosa, nasaba' napuanakmi Puang Allataala.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.

1 Yahya 5:18

Taissen kumua sininna to napuanakmo Puang Allataala te'damo napugauk tarruh dosa, na te'da toomo nakullei Ballisi' mpugaukki moi apa lako kalena, nasaba' naampaimo Anak Allataala.

1 Yahya 5:4

sanga ia to tonapuanakmo Puang Allataala mangkamo ntaloi kuasanna tolino to tangnturu' Puang Allataala. Ia to tapake ntaloii, iamo to kamatapparanta'.

Pengkitanna Yahya 3:14

Nasuana' nakua, “Uki'i susi tee lako malaeka'na jamaa jio kota Laodikia: Ia tee pepasan pole jio mai Aku' to disanga Amin, todikatappa'i, sa'bi maruruh na tongan, garonto'na sininna to apa napaden Puang Allataala.