Yahya 3:2 - Alkitab Duri

² Ratu bongii lako Puang Isa nakua ngkuanni, “Ee Guru! Kiissen kumua nasuaki' Puang Allataala ratu menjaji guru, nasaba' moi mesa' tau te'da ngkullei mpugauk tanda mejangngaran susi to tapugauk, ke te'da na Puang Allataala mpakuasai.”

Yahya 3:2 Iomraidhean Croise

Matius 22:16

Nasuami to ba'tu pira-pira anak gurunna sola ba'tu pira-pira taunna Raja Herodes male lako Puang Isa. Nakua lako Puang Isa, “Oo Guru, kiissen kumua maruruhki' mpangpangngajaran pakkaeloran-Na Puang Allataala lako tobuda, nasaba' te'da tau tapasilaenan.

Matius 23:7

Namadoang bang ditaratte' jio pasa', namadoang too ditambai ‘Guru’.

Matius 23:8

Danggi' mimadoang disanga ‘Guru’, nasaba' tosile'to ngasan kamu' na mesa'ra Gurummi.

Markus 12:14

Ratumi ngkutanai nakua, “Oo Guru, kiissen kumua maruruhki' mpangpangngajaran pakkaeloran-Na Puang Allataala lako tobuda, nasaba' te'da tau tapasilaenan. Iamo joo la mekutanakan, ‘Ianna situru' atoran agamanta', wa'dingriki'ka mbajah sima lako Tomaraja Roma, ba'tu te'daraka?’ ”

Yahya 1:38

Apa messailei Puang Isa, nakitai kumua napeundii, nakuamo ngkutanai, “Apara miangah?” Nakuamo mebali, “Rabi (battuananna Guru), umbora tanii torro?”

Yahya 10:38

Apa ia ke kupugaukmi joo jaman nasuanna', micia' ngkatappa'ina', ia bangmo joo jaman kupugauk mikatappa'i kumua jaman pole jio mai Puang Allataala. Na ia minii mpahang tonganni kumua Ambe' memmesa' sola Aku', na Aku' memmesa' sola Ambe'.”

Yahya 12:37

Moi nabudamo tanda mejangngaran napugauk Puang Isa jio olona tobuda, apa cia'i ngkatappa'i.

Yahya 14:10

Te'daraka mumatappa' kumua Aku' memmesa' sola Ambe', na Ambe' memmesa' sola Aku'? Ia to apa kupauan kamu', te'da na Aku' bangra mpaui. Apa Ambe' to da'tan memmesa' sola Aku', Iamo mpugauk ngasanni to apa kupugauk.

Yahya 15:24

Ia ke la te'dai kupugauk tanda mejangngaran lan tangnga-tangngana tobuda, to te'da napugaukki tau laen, te'da nalamadosa. Apa moi nakitamo to apa kupugauk, nakaba'cina', na moi Ambe'-Ku' nakaba'ci todami.

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Yahya 20:16

Mangkadai Puang Isa nakua, “Oo Maryam!” Messaile Maryam lako Puang Isa, namangkada lan basa Ibrani nakua, “Rabuni” (battuananna guru).

Yahya 3:26

Malemi lako Nabi Yahya to anak gurunna ngkuanni, “Ee Guru, ia to tau tasolan jio sambali'na Sa'dan Yordan, to tapakitankan, njio' todami Ia tau tee too, namale lako ngasanmi to tau.”

Yahya 4:31

Ia joo wattu natambaimi anak gurun-Na to Puang Isa nakua, “Ee Guru, takumandemo!”

Yahya 5:36

Apa den ia la'bih matonggo ntongananna' na ia to kadanna Nabi Yahya. Iamo to jaman napangparentan Ambe' lako Aku' la kumangkai, ia toomo ssa'bii kumua Ambe'-Ku' to ssuana'.

Yahya 6:2

Gaja buda tau mpeundii, sanga nakitamo to tanda mejangngaran napaden ke mpamalagahhi tomasaki.

Yahya 7:31

Apa buda too tau matappa' lako Puang Isa nakua, “Manassa kumua nang Raja Mangpasalama' Ia, sanga la'bih buda tanda mejangngaran napugauk na ia to tau laen.”

Yahya 9:16

Ba'tu pira-pira to to-Farisi mangkada nakua, “Tangngia topole jio mai Puang Allataala joo, nasaba' te'da naturu'i to atoran Allo Katorroan.” Nakua to laenna, “Te'da ia to tomadosa la mpugauk tanda mejangngaran susi joo.” Susimi joo sipekkami to to-Farisi.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 2:22

Mpatarruhmi kadanna Petrus nakua, “Ee, tokupusile'to to-Israel! Pesa'dingngii tee kadangku'. Ia joo Puang Isa to-Nazaret mangkamo napilei naangka'i Puang Allataala menjaji Raja Mangpasalama' lako kalemi. Manassa joo, nasaba' nabenmo kuasa mpugauk tanda mejangngaran na tanda to te'da susinna lan tangnga-tangngami susi to miissenmo kamu'.

Filipi 1:14

Moi kuditarungku, ia to padanta' tomatappa' samatappa'-tappa'na lako Puang, na sabarani-raninnami mpangpeissenanni to Kareba Kasalamatan.