Yahya 2:2 - Alkitab Duri

² Dipauan tooi Puang Isa sola anak gurun-Na naratu.

Yahya 2:2 Iomraidhean Croise

Matius 12:19

Te'da namassite'geh, te'da nameoli-oli, te'da gamaranna disa'ding jio pangbudan tau.

Matius 25:40

La mebalina' kukua, ‘Sitonganna kukuan kamu' kumua, ia to mipugauk lako tee mai to kupusile'to, moi namakario-rio, battuananna mipugauk lako too Aku'.’

Matius 25:45

La mebalina' kukua, ‘Sitonganna kukuan kamu' kumua, ia to te'da mipugaukki lako tee mai to kupusile'to, moi namakario-rio, battuananna te'da mipugaukki lako kale-Ku'.’

Yahya 2:12

Ia tonna mangkamo joo, malemi Puang Isa lako kota Kapernaum sola indo-Na, sile'to-Na na anak gurun-Na, apa ba'tu pirang-pirang bongiri jio.

Yahya 2:17

Ta'pa naingaran anak gurun-Na to diuki' lan Sura' Allataala kumua, “Ee Puang, pangkabudaian-Ku' lako Bola-Mi mpamalussu penawang-Ku'.”

Yahya 2:22

Mangkamira tuo pole' Puang Isa jio mai kamatean-Na, namane' nningaranni anak gurun-Na kumua mangkamo napau joo. Mane'ri nakatappa'i to apa diuki' lan Sura' Allataala sola to apa mangka napau Puang Isa.

Yahya 2:3

Ia tonna cappu'mo to anggoro', mangkadami indo-Na lako Puang Isa nakua, “Cappu'i anggoro'na.”

Yahya 3:22

Mangkai joo too malemi Puang Isa lako tana Yudea sola anak gurun-Na, natorro jio ba'tu pirang-pirang allo njio' tau.

Yahya 4:2

Sitonganna te'da na Puang Isa njio' tau, apa anak gurun-Nari.

Yahya 4:33

Mangpamulami to anak gurun-Na sikutana-tana nakua, “Denraka tau mbawanni kinande?”

Yahya 6:12

Ia tonna barahmo to tau, nakuamo Puang Isa lako anak gurun-Na, “Rempunni to torrona, danggi' nasajang.”

Yahya 6:16

Ia tonna la bongimo malemi do' randan tasik to anak gurun-Na Puang Isa.

Yahya 6:60

Ia tonna mangkamo to tobuda ssa'dingngi joo kadan-Na Puang Isa, budai to tonturu'i kumua, “Ah, gaja sussa tee pangngajah, na indara ia la ntarimai!”

Yahya 6:66

Mammula joo wattu buda tau mboko'i pole'i, na cia'mo nturu'i.

Yahya 6:67

Mekutanami Puang Isa lako to sangpulo dua anak gurun-Na nakua, “La male todamora kamu'ka ssalaina'?”

Yahya 6:70

Mebalimi Puang Isa nakua, “Aku'ra to mpilei kamu' tee tau sangpulo dua. Apa den mesa' tonatamai setang lan tangnga-tangngami.”

Yahya 6:71

Ia to nasanga Puang Isa, iamo joo Yudas anakkana Simon Iskariot. Sanga moi na ia joo Yudas sala mesa'na jio mai to sangpulo dua anak gurun-Na, apa iamo la mpangpejokkoanni.

Yahya 6:8

Den mesa' anak gurun-Na Puang Isa disanga Andreas, sile'tona Simon Petrus, mangkada nakua,

Yahya 7:3

Iamo joo nakua to sile'to-Na ngkuanni, “Salaimi tee tana Galilea, mupolemo sau' tana Yudea, nakita tooi to tonturu'ko to tanda mejangngaran mupugauk.

Jamanna Rasulu' 11:26

Ia tonna sitammumo, nasolanmi lako kota Antiokhia. Sangtaunni torro jio sola jamaa na nnajahhi buda tau. Jiomo dinii pamula ssangaii Tosarani to tomatappa' lako Puang Isa.

Jamanna Rasulu' 11:29

Mesa' kada ngasanni to tomatappa' lako Puang Isa napada rrempun pangtulunganna situru' pakullena, napangpeawanni to tomatappa' jio tana Yudea.

1 Korintus 10:31

Kupebalii, moi apa mipugauk, la kumanderaka la mangngiso'raka, la mipugaukki joo anna pakala'bihhi tau to Puang Allataala.

1 Korintus 7:39

Ia to baine kemuanemo ia mandara nakannai atoran tosibali, ke tuo unapi to muanena. Ianna matemo to muanena, la'pahmi joo baine, wa'dingmo ia kemuane pole' ke madoangngi, assalan padanna tomatappa' lako Almaseh.

Kolose 3:17

Moi apa mipugauk ba'tu mipau, ia to panggaukanmi la situru' panggaukanna umma'-Na Puang Isa. Mangkurru sumanga' kamu' lako Ambe' Puang Allataala, nasaba' apa to napugauk Puang Isa lako kalemi.

Ibrani 13:4

La mikasiri' sola ngasan to kasibalian, na ia to tosibali danggi' naangah tolaen nasolan mamma', sanga ia to tomanggauk sala la nasessai Puang Allataala.

Pengkitanna Yahya 3:20

Pesa'dingngii tee! Ke'dehna' jio pelalan messa'da. Ianna den tau ssa'dingngi to gamarang-Ku' natimbakanni, mentamana' ssitammuanni angkikumande sola.