Yahya 13:12 - Alkitab Duri

¹² Ia tonna mangka ngasanmo mbaseii ajena anak gurun-Na, mpake pole'mi baju lando-Na, namale pole' cumadokko nakua ngkuan anak gurun-Na, “Mipahangraka to apa mane' mangka kupugauk lako kalemi?

Yahya 13:12 Iomraidhean Croise

Matius 13:51

Mekutanami Puang Isa lako anak gurun-Na nakua, “Mipahang unaraka battuananna joo sininna pangpasusian?” Mebalimi to anak gurun-Na nakua, “Ie' Puang, kipahang ngasan.”

Markus 4:13

Nakuamo Puang Isa, “Ia ke te'da mipahangngi joo pangpasusian, umbo la mikua mpahangngi to pangpasusian laen?

Lukas 22:27

Indara to la'bih matonggo: iaraka to tokumande, ba'tu iaraka to tomangparaka? Tantu ia to tokumande. Apa lanna' tangnga-tangngami susi to tomangparaka.

Yahya 13:4

Iamo joo namengke'deh Puang Isa naalaii to baju lando-Na, na nnala kaen lenan sanglambah napusa'wakki,

Yahya 13:7

Mebalimi Puang Isa nakua, “Ia tee too te'dapa mupahangngi tee apa kupugauk, apa undinnapi mumane' mpahangngi.”